Yuda 1:16 - Bible Zulgo

¹⁶ Gà mburma ata Anuhu a tsik aà tar bazlam ata ya ka, kaɗəŋ. Tə sayawa ahəm nda təv mburma ka, kəla pat. Gəzləŋ tar a ndzawa zayya tsidze. Ta gewa ka, dukw ana ba tar a waya ya. Tì sìkèh a à ba tar nda zlapa. Tì yè a liɓir a bəɗ a mburma ka, nda bazlam lìfèɗìɗe nda wirwir. Ta bene a tar, na dite ta ŋget a duwa kamala ana a sàs a tar a.

Yuda 1:16 ပူးပေါင်းရင်းမြစ်များ

Luka 15:2

Aləka gà *Farisa nda gà ɓəzla medzeŋge məpala ahəm Mbulum ta ŋgat a tar kataya tsara ka, ta ge arəv hinne, tə dza akaba bazlam ŋgùra ŋgùra ŋgùra hinne ika magər tar. Ta gwa: «Wele aaha à gis a aba gà ɓəzla bakal lele, naha ti zim akaba a dukw mezime ana, meme?»

Luka 19:7

Ama gà mburma ana i fataya, ta ŋgatar kataya tsara ka, a tsəɓ a tar hinne. Aɗaba ta gwa: «Wànà wele aaha a de a a bəra mala bakal ana, meme?»

Luka 5:30

Ama gà *Farisa nda gà ɓəzla medzeŋge məpala ahəm Mbulum ana gà mburma tar a, tə dza ba aà masàyà ahəm, ta gwaɗa a gà ɓəzla mazazama Yesuw ana i fataya: «Aàmala na kà zəmum akaba ɗaf nda masàyà duwa nda gà ɓəzla duwan aka dze ya, dite nda gà mburma aka meɗè zləm tar ŋgwala tsiye ya?»

Yuhana 6:41

I dəba bazlam ata Yesuw a tsik a tar a ka, gà mburma ata tə dza ba aà masàyà ahəm aka gər Yesuw hinne, a tsəɓ a tar, aɗaba ana a gwa: «Iye ka, i ne dukw mezime ana a tarra i gər ŋa ya» ya.

Yuhana 6:61

Yesuw a səraha aka dukw ana i gər gà ɓəzla mazazama ŋgat ata tə dzala ya. A sər ka, a wir a ter a i gəzləŋ hinne. Aɗaba taŋa a gwaɗa a tar: «Wànà bazlam ata dze ana, a tsəɓ a kurum a?

1 Kurintiya 10:10

Gà asiŋ ŋa ika magər tar asa ka, tə sayawa ahəm nda təv Mbulum ka, hinne. Aɗaba taŋa na gawla Mbulum ana a batsawa mburma ya, a dara a təv tar a, a batsaya gà taŋa fit a. Ama kurum ka, ka tə sayum ahəm aà Mbulum kamala tar a tsidze.

GALATIYA 5:16

Dukw ana a sèsiŋ i gweɗe a kurum a ya ka, araha: Vəlum vatwa a Mezite Mesife Mbulum, dite ka, ma ɗif a kurum à vatwa. Kamala taŋa ya, ka tə zazamum mege dukw ana ba kurum a waya ya asa tsa.

GALATIYA 5:24

Aɗaba gà mburma ana tar gà biy *Kiristi ya ka, ti niw gà dukw ana ŋgwal ŋa tsa, meèweke ba tar a waya ya. Ar ka, kamala ana tə ndwandway gà dukw ata aà dizl magə̀làwà ŋa ya.

FILIPIYA 2:14

I huɗ megemir kurum ana ki gwim a tserdze ya ka, ka sayum ahəm aà Mbulum tsa, kà mbetswim aba ahəm nda təv ŋgar ŋgùrà ŋgùrà nda maàga tsa asa mbaŋa,

1 TESALUNIKE 4:5

Ki ndzwim a nda gà tar ka, kamala meèweke ba kurum ana ŋgwala tsa, dzə̀lùwùwùrwùr a kwere a kurum a tsa. Aɗaba na a gewa kamala taŋa ya ka, gà mburma ana tə sər Mbulum tsiye. Ama kurum ka, ki gwim dər kamala taŋa ya tə tsa.

1 TIMUTE 6:5

Ama bazlam ana ti tsik a ika magər tar biy maàga ya ka, à ndìv a tsa, vìrìɗìɗɗe kəla pat. Aɗaba metsehe tar ana ti dzele a ya ka, kəzlah aka ndaha ika vatwa ya, dite ka, tə sər dukw ana ndzer a tsa asa. Aɗaba gà taŋa ti dzele a i tar ka, na tàa zazam vatwa Mbulum ka, limana tar a ge a riŋ ka, hinne.

2 TIMUTE 4:3

Aɗaba pat ŋa a ndzere a mba ka, gà mburma tì dze a zləm a wele ana a ɗif a ter a à ndzer ŋa ya asa tsa. Ama a ti ses a ter a ka, mazazama dukw meèweke ba tar ɗekɗek pəra. Kamala taŋa ya, ti ti yehe a gà ɓəzla medzeŋge a mburma meyehe, dite ti dzeŋge a tar ka, dukw ana hùhunnà a ge a ter a tsegèɗik i zləm lele ya.

1 PIYER 1:14

Gə̀sawum ahəm aà Mbulum, kamala gà ɓəza ana ta gis a ahəm aà gà tsir tar a. Akahər ata ka, kà sərum dukw ana ndzer ŋa ya zukw tsa. Kà wayum dukw ana ŋgwal ŋa tsiye ka, hinne. Ama kinehe ka, ka tə zazamum gà dukw ata asa tsa.

1 PIYER 2:11

Gà masla gà ana i waya kurum hinne ya, mə̀ məts a kurum gər tsa. Kurum kà nwim ika gər ahəɗ ka, kamala gà slele ya. Aɗaba taŋa, i ge a kurum a kamkam: Gwim metsehe, ka ta vəlum vatwa a gà dukw bakal ana ba kurum a waya aà mege ya asa tsa. Aɗaba medzibe dukw ata ka, a dzeye a à mesife kurum.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

2 Piyer 2:10

Ama a ta vile a mesewere are ata ndeyndey ŋana ka, a gà na ta gewa dukw ana ŋgwal ŋa tsa, ti niw dər bazlam Əbay Mbulum a, ta waya mezezeme ka, dukw meèweke ba tar ɗekɗek a. Ga ɓəzla medzeŋge bazlam ata a mburma nda pàrsa ya ka, ta gewa magəɗa a wura tsidze. Ti ndze a ka, ŋgakŋgakəkka, tì sìŋgìr a à gər tar ka, hinne. Ta ge a magəɗa a gà dukw ana i gəza mbulum, gà ndzəɗa tar a riŋ hinne ya tsa asa, ti sewle aà teriŋa.

2 Piyer 2:18

Tar riŋ tì sìkèh a à ba tar ika miɗ mburma nda metsìkè aà tar bazlam ana taf masakəŋa ya. Ta bene a dər gà mburma ana kinehe tar riŋ ihər ti dere a i liwiŋ gà na mandza ŋa i luvuŋ, tə sər Mbulum tsiye, nda gireŋ a asa. Aɗaba a sàs a tar ka, tə dara a təv tar a, ta ge dukw ana gà meèweke ba tar ana ta gewa ya mbaŋa.

2 Piyer 3:3

Dukw ana i tsik a kurumaha malahalah ŋa ya ka, wur bazlam. Sərum dər lele, mə̀ məts a kurum gər tsa asa: I təv ana gər ahəɗ à ndìv a ya ka, gà asiŋ gà mburma ana ti zezem a gà dukw meèweke ba tar ɗekɗek a ka, ti dere a, ti sewle aà kurum ŋa.

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»

Yuda 1:18

Ti tsikewa a kurum ka, ta gwa: «I təv ana gər ahəɗ aka à mendìve ya ka, gà mìsle ŋgiɗ ti sewle a aà kurum ana ki zezemwim a Mbulum a. Gà mburma ata ta gis a ahəm aà Mbulum tsa. Ti zezem a ka, dukw ana ŋgwal ŋa tsa, gəzləŋ tar a waya ya ɗekɗek pəra.»