Yuda 1:12 - Bible Zulgo

¹² I təv ana kurum mandza ŋa i təv ilik ŋa nda gà tar, ki zimwim a akaba a ɗaf a ka, tar ka, sirikw sirikw ti ne kamala aruwaŋ ana aà petek a, a tsahən dər tsiye ya. Ta mìts a ka, aà mazəma dukw ana zìhhwe a sle a ter a lele, magəɗa a ge a ter a dər tsidze, ti dzeye a ka, a ba tar ɗekɗek a. Tar ti ndzikiɗ ba ka, kamala hulɓukw ana pəlŋgar pəlŋgar himbiɗ à sìweye a dər aà gəza mbulum masakəŋa taf, yam à dzère a iɗəm a tsiye. Tar asa ka, kamala dizl ɗaf ana mege aka ndze akahər mawà ŋa tekeɗe ka, a we a tsiye. Ti ndzikiɗ ba asa ka, dizl ɗaf ana mburma tə ndzàhara i biye ya fùhùt nda zlile ŋa dze, dite ka, a kula ya.

Yuda 1:12 ပူးပေါင်းရင်းမြစ်များ

Mata 13:6

Aləka pat a zlara ahər a mbulum a ka, a wànà daw ata, a kula tsara, aɗaba ahəɗ ata ka, ɗùɗùrwàkùŋŋa biye iɗəm tsa.

Mata 15:13

I dəba ŋa ya, Yesuw a tsaraka bazlam ata ta màr dər a ka, a live aba à gà Farisa ata ya nda hwife ya, a gwaɗa a tar aaka: «Na bəla hwife ana Mbulum Tsir gà ana i gər ŋa ya a slige tsiye ka, ndzùkwaɗ ndzùkwaɗ ti ti ndzehe a iɗəm a bəɗ a mba.»

Markus 4:6

Aləka pat a zlara ahər a mbulum a ka, a wànà daw ata, a kula tsara, aɗaba ahəɗ ata ka, ɗùɗùrwàkùŋŋa biye iɗəm tsa.

Luka 12:45

Ama na bəla mala megemir ata ma gwa ka: Araha, mala ga gà à mère a bise tsəna, meme? Ma daha, mà dza ba aà mege matawak a gà asiŋ gà ɓəzla megemir mala ga ŋgar aaha, nda mazəma duwa nda gà ɓəzla masà guzum i təv ilik ŋa, ta kweye a dər hinne.

Luka 16:19

I dəba bazlam ata ya ka, Yesuw a gwaɗa a tar asa: «Wele duwa a riŋ, ŋgat mala limana, gà dukw ŋgar a riŋ hinne. A dùwayawa ba ka, nda petek ana ŋgwal ŋa hinne, à sìkim a ba tsiye. Dite kəla pat a zəmawa tekeɗe, dukw mezime ana ŋgwal ŋa ya mbaŋa.

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Luka 8:6

Asiŋ ŋa a dza aà sik kuvəl, a təv ana ahəɗ ikəka hinne tsiye. A sləl tsara ka, a kula, aɗaba yam a se i təv ata ya tsara, ɗùɗùrwàkùŋŋa biye iɗəm tsa.

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

FILIPIYA 3:19

A təv ana mandza aà bəra tar aka ndəv a ka, Mbulum a dzeye a à tar, ti de a a akwa ana a mbete a tsiye, aɗaba ana ti zezem a ŋgat tsiye. Tə zazamawa ka, dukw ana gəzləŋ tar a waya ya ɗekɗek pəra. Ta gewa ka, dukw ana zirìm zirìm a ndeɗe aka ter a hwarwa ya. Dite ka, ta ge a dər zlapa ivaɗ asa. Tə dzalawa ka, aka dukw gər ahəɗ ɗekɗek asa mbaŋa.

1 TIMUTE 5:6

Ama kəla ka, madakwa məkəs ana aka waya ka, say dukw gər ahəɗ ɗekɗek a ka, a ne kamala məməta ŋa ya, ku mege ŋgat a riŋ nda are ŋgar tekeɗe ya.

IBƏRANIKWA 13:9

Ka tə dzum zləm a gà dukw ana ti ɗif a kurum dər pampam, dite a de a à kurum a ika vatwa kurum ana ndzer ŋa ya tsa. Aɗaba ŋgwal ŋa ka, na ki ŋgetekewe a ndzəɗa a gəzləŋ ɓəŋɓəŋ lele i təv ŋgwal Mbulum ana a ge a kwa ya, tsəka, məpala ahəm gà mburma ana ta gweɗe a, zəm naha, kige tsa, ka zəm naaka tsiye ka, taf masakəŋa. Ki gwim gər a taŋa tsa. Medzìbe gà mburma ata ti zezem a gà dukw ata ya ka, a ge a ter a ŋgulum ɓav tsa.

YAKUBA 5:5

Mendze kurum ana ki ndzwim a ɗa ika gər ahəɗ a ka, kà nwim gà ɓəzla məburnun. Ki gwim a ka, dukw ana a sàs a kurum a ɗekɗek pəra. Kurum ihər ki zimwim a gà duwa hinne, ki gilwim a dər ba ndaɗawuzwuz, kamala gà sla ana ta bets a tar a.