YAKUBA 5:19 - Bible Zulgo

¹⁹ Gà damər gà, na wura ika magər kurum a aka dəɗ ika vatwa Mbulum a ka, mìsle ŋgiɗ ma daha, mə̀ mà aakara à ŋgat a asa.

YAKUBA 5:19 ပူးပေါင်းရင်းမြစ်များ

Mata 18:15

Yesuw a gwaɗa a tar asa: «Na wele ana aka ne damər yak, bəla aka ge bakal ka, da a təv ŋgar, dite kà fàfəlum akaba ika magər kurum sula nda ŋgat. Na aka gəs aà kər bazlam yak ata ka, taŋa ka, kàa mbəl à ŋgat i bakal ŋgar ata ya.

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

GALATIYA 6:1

Gà damər gà, na kàa fə̀rum mìsle ŋgiɗ a riŋ a ge a bakal ka, taŋa kurum ana kàa ŋgatum Mezite Mesife Mbulum a ka, zlakum ŋgat, dite mə̀ màra aka vatwa ŋgwal ŋana ya. Ama kə̀la ka, gwim nda mawàyà ba lele. Dite ku weke mege metsehe a gər ŋgar mbaŋa, na dite à dìɗ a a bakal ŋgar ata tsiye.

1 TIMUTE 6:10

Aɗaba madzala gà gər siŋgwe ka, a we a bakal tserdze vìrìɗìɗɗe kamala dukw ana mawà ŋa ya. Aɗaba gà mìsle ŋgiɗ a riŋ kataya, tàa məsak à vatwa Mbulum agəra ana tàa vəl gəzləŋ tar a siŋgwe, ti yehe a tsilikw tsilikw a. Dite ka, gəzləŋ a wir aà ter a hinne asa, aɗaba dukw ata ti yehe a nda madzala gà gər tar a.

1 TIMUTE 6:21

I tsik taŋa ka, aɗaba gà asiŋ gà mburma ŋgiɗ a riŋ ta gwa, metsehe tar a riŋ ka, hinne. Tsaatsa, metsehe tar ŋa ka, ndìfwille masakəŋa. Tar ka, tàa dzeye ika vatwa Mbulum a. Taŋa Mbulum mi pisewa a kurum ahəm hinne.

2 TIMUTE 2:18

Tar ka, tàa miyak à vatwa ndzer ŋana. Ta gwa: «Mimbile kwa ana ki mbilekwe a i məməta ya ka, aka mbər mege ba aka ndəv.» Tsaatsa, pàrsa. Kamala taŋa ya, ti dzeye a ka, à mburma ika vatwa Mbulum a hinne.

IBƏRANIKWA 5:2

Gà bàba gà ɓəzla mandəva kuɗa a Mbulum ata ka, tə sər mege ŋgwal a gà mburma ana tə sər duwa tsa, tar gà ɓəzla bakal a. Aɗaba tar tekeɗe ka, ti sle a medìɗè a bakal nda təv gà dukw ŋgiɗ pampam hinne asa mbaŋa.

YAKUBA 1:16

Ama kinehe ka, a kurum gà damər gà ana i waya kurum hinne ya, kà dàɗum a ba à gər tsa.

YAKUBA 1:19

A kurum gà damər gà ana i waya kurum hinne ya. Tsarakum dukw ana i tsik a kurum a ya, dukw ilik ma ta məts a kurum gər tsa: Ku weke mà dza zləm a dukw ana ti tsiker a ya dzekwiŋ. Ama ma dzala dukw ana a tsiker a ika arah ŋgar a lele, dite ma tsik kuɗa. Mà gəs gəzləŋ i təv matsəɓatsəɓ ana a dere a i gəzləŋ ŋgar a mbaŋa.

YAKUBA 3:14

Ama na bəla kurum riŋ nda gà mege are aka dukw mburma, kige tsa mege maàga a riŋ ika magər kurum huwwa kəla pat, nda madzala dukw ana ŋgwala tsiye nda təv mburma ka, ka ta gwim aba zlapa tsa, kàa nwim pàrsa à dukw ndzer ŋana.

YAKUBA 5:20

Sərum dər ka, na wura aka màra à mala bakal ika vatwa ana ŋgwal ŋa tsiye ka, taŋa ka, a mbəl à wele ata i məməta ya. Ku mege bakal ŋgar a riŋ hinne tekeɗe ka, Mbulum à piler a dər.

2 Piyer 3:17

Ama ka, a kurum gà masla gà ana i waya kurum hinne ya: Yàa tsik a kurum aba ya. Aɗaba taŋa, gwim metsehe lele, tsəka, gà mburma ata ta gəs ahəm aà Mbulum tsiye ka, ta bene a kurum aà mazazama dukw bakal tar ata, dite ka, ka miyakum à təv mendze kurum ana ŋgwal ŋa, a ɓezle a tsiye.

Yuda 1:11

Dukùla na a ge a ter a ŋgùlum i fataya? I tar ka, waya ba tar a. Aɗaba ana tə zazam vatwa Kayinu, wele ana a kəɗ damər ŋgar a.*fb* Dite tar ka, ta vəl ba tar a mege dukw ana ŋgwal ŋa tsiye, aà maŋgata dər siŋgwe kamala ana Balaam a ge akahər ata ya mbaŋa.*fc* Tar ka, tàa dzeye, aɗaba ana ta ge gùvəl aà Mbulum, ta waya mezìwè gər tar a, kamala dukw Kura ana a ge akahər ata, duwa a fàlàh ŋgat, dite ka, a mət a.*fd*