YAKUBA 5:16 - Bible Zulgo

¹⁶ Aɗaba taŋa, pə̀lawum aba à bakal ika magər kurum, ku weke a heme a a Mbulum aɗaba mìsle ŋgiɗ tserdze mbaŋa asa. Dite Mbulum a mbele a à kurum i dukw məməta ya. Aɗaba meheme wele ana ŋgat mala ndzer ŋa ika miɗ Mbulum a ka, ndzəɗa ŋa, a sle a aà duwa hinne.

YAKUBA 5:16 ပူးပေါင်းရင်းမြစ်များ

Mata 21:22

Aɗaba na kàa gəsum iye nda gəzləŋ ilik, dukw ana ki wizwim a aà Mbulum nda meheme tserdze ya ka, ki ŋgetwimiŋa.»

Mata 3:6

Tàa daha ka, ti ɗifewa à bakal tar aka miɗ mburma tserdze, dite Yuhana a tsilwiɓewa à tar a yam i dulwa Yurdan i fata.

Markus 1:5

Akahər ata ka, gà mburma ana i Yeruzalem a, nda gà na a riŋ ika ahəɗ Yuda ya tserdze, tə dawara a təv Yuhana ya. Ti ɗifewa à bakal tar aka miɗ mburma tserdze, dite Yuhana a tsilwiɓewa à tar a yam i dulwa Yurdan i fata.

Luka 9:6

Aləka i dəba ŋa ya, gà ɓəzla mazazama Yesuw ata ta mah ba, tə da aà kwite aà kwite, ti tsikewa bazlam ŋgwal ŋana a mburma. Tə daha, ta mbala à gà mburma ana i dukw məməta tar a, ku mege i ŋga.

Yuhana 9:31

Kà sərakwa ka, Mbulum a dze a zləm a mifefile gà ɓəzla bakal tsa. Ama a dze a zləm ka, a wele ana a dzer a gurmits a bəɗ, dite a ge a dukw ana a sasar a.

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 19:18

I dəba ŋa ya, gà asiŋ gà mburma ana ta gəs Yesuw a hinne, tə daha, ti ɗifeye à gà dukw bakal tar ana ta gewa ŋgwal ŋa tsiye.

Gà Ɓəzla Meslire 8:24

Simun a tsaraka bazlam ata kataya ka, a gwaɗa a gà Piyer nda Yuhana: «Kamkam, hamum a BATSAH kwa ŋa aɗaba iye, aɗaba gà dukw ata kinehe kà tsikwim a ka, ma ŋgat iye tsa te.»

RUMA 3:10

Ar ka, kamala ana mewetse ŋa a riŋ i wakita Mbulum ka, ta gwa: «Wura a riŋ ilik ŋgwal ŋa ika miɗ Mbulum tsidze.

RUMA 5:19

Aɗaba kà sərakwa, gà mburma hinne, ti ne gà ɓəzla bakal ka, agəra wele ata ilik a gəs ahəm aà Mbulum tsiye. I təv Yesuw Kiristi tekeɗe, ar ka, kamala taŋa ya mbaŋa. Gà mburma hinne, ti ne gà ŋgwal ŋa ika miɗ Mbulum ka, aɗaba ana ŋgat ilik a gəs ahər ahəm a.

KULUSIYA 1:9

Aɗaba taŋa, daga a pat ana mì tsaraka taŋa ya ka, mì hamawa a Mbulum kəla pat, aɗaba kurum. Mər ihər mìi hemer a ka, dite ma ɗif a kurum à dukw ana ŋgat a waya ya parakkà, a vile a kurum a metsehe ana Mezite Mesife ŋgar a vile a kurum a ya, na dite ki sirwim a dukw ana a de a ndaka vatwa ŋgar a.

1 TESALUNIKE 5:17

Ka ta miyakum à mahàmà a Mbulum tsidze.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

1 TESALUNIKE 5:25

Gà damər gà, hamum a Mbulum aɗaba mər mbaŋa.

IBƏRANIKWA 11:4

Agəra megìse Abel ana a gəs Mbulum nda gəzləŋ akahər ata ya tekeɗe ka, a vəlar dukw taf masakəŋa. Dukw ana a vəlar a ka, ŋgwal ŋa, a za gà dukw ana damər ŋgar Kayinu a vəlar a. A tsahən aà Mbulum, a fə̀r ahər kamala mala ndzer ŋa ika miɗ ŋgar*fa* ka, agəra megìse ŋgar ana a gəs ŋgat a. Ŋgat a ɗif a kwa à dukw ata kataya ka, aɗaba ana a gəs dukw masakəŋa ata Abel a vəlar a. Ku mege kinehe aka mət tekeɗe ka, a riŋ a ɗif a kwe a à duwa mba hiywe, agəra ana a gəs Mbulum nda gəzləŋ a.

IBƏRANIKWA 11:7

Agəra megìse Nuhu ana a gəs Mbulum nda gəzləŋ akahər ata ya ka, a dzalawa aka dukw ana Mbulum a tsikewar, a ta ge a ba aka miɗ mba ya. Ku mege aka ŋgat a gà dukw ata ti ta ge a ba ya zukw tsa tekeɗe ka, aka gəs ahər ahəm. A làmbaɗa batsah slə̀làh yam ana gà mburma ŋgar tserdze ta beye dər à batsah yam ana a rah aka gər ahəɗ fèɗìɗe, dite ka, ti dzeye aɗəm asa tsiye. Nda megìse ŋgar ata a gəs Mbulum a ka, a pə̀z gər ahəɗ a bəɗ nda seriye. Gà mburma ana tə sər Mbulum tsiye ka, tàa dzeye fit. Kamala taŋa ya mbaŋa na Mbulum a zla ŋgat kamala mburma ŋgwal ŋa ya ika miɗ ŋgar ka, aɗaba megìse ŋgar ata a gəs ŋgat nda gəzləŋ a.*fc*

IBƏRANIKWA 12:13

Dum aka miɗ ndaka vatwa ana a de a ser lele ya, dite gà sik kurum ana gà magàha a bəɗ ŋa ya ka, ta wur aà kurum asa tsa. Ama ka, tə tə təɗa ivaɗ.

IBƏRANIKWA 13:18

Hamum a Mbulum kəla pat, aɗaba mər. Mì sər ndzer, madzala gà gər mər aka da à mər a mege bakal tsa. Aɗaba a sàs a mər, mìi ge a ka, dukw ana ŋgwal ŋa ya, na i huɗ gà dukw ana mìi ge a tserdze ya ya.

1 PIYER 2:24

Yesuw Kiristi nda gər ŋgar a zla bakal kwa aka ba ŋgar. Tə ndwandway ŋgat aà dizl magə̀làwà ŋa ka, dite ka, bakal ma kwara kwa asa tsa, kamala ana a kwere a gà məməta asa tsiye mbaŋa. Ama i təv mege dukw ana ŋgwal ŋa ya ka, taŋa kwa riŋ ka, nda gà mesife, aɗaba megìzle ana ta gə̀zl ŋgat, ta ger mbəlak a, na a mbəl à kurum a.*fg*

1 Yuhana 3:22

A vile a kwe a dukw ana ki wizekwe a aà ŋgat a ya tserdze mbaŋa, aɗaba ana kàa gə̀sakwa məpala ahəm ŋgar, ki gekwer a ka, dukw ana a tsahən aà ŋgat mbaŋa ya.