YAKUBA 5:10 - Bible Zulgo

¹⁰ Gà damər gà, dzalum gà gər aka gà ɓəzla məma à guma Mbulum ana ti tsik bazlam ŋgar akahər ata ya. I təv ana tar riŋ tì sèwèr a are ya ka, ta mà aba à arəv, ta gəs gəzləŋ. Ama kurum tekeɗe ka, gwim kamala tar ana ta gəs gəzləŋ, ta mər aba ya mbaŋa.

YAKUBA 5:10 ပူးပေါင်းရင်းမြစ်များ

Luka 13:34

I dəba ŋa ya, a gwaɗa a tar asa: «A kurum gà mburma ana riŋ i Yeruzalem a, i Yeruzalem a. A kurum ana kà batsawum gà ɓəzla məma à guma Mbulum, dite kə̀ kalawum gà na Mbulum a slərawaha tar a təv kurum a nda kur a. Wànà sik ndaw na a sèsiŋ magəsa aaba gər a gà mburma kurum, kamala məmər mendzikwir ana a yehe a gər a gà ɓəza ŋgar aà huɗ gwezleviyek a. Ama ka, a sàs a kurum dər akaba ɓav tsa asa.

Luka 6:23

A pat ana gà dukw ata tàa le aà kurum a ka, ndabayum a mbulum, ŋgayum ba, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, gà tsir gà mburma aaha ti sèwèr a kurum a are ya ka, ta ge ɗa a gà ɓəzla məma à guma Mbulum akahər ata ya ka, kataya mbaŋa.

Gà Ɓəzla Meslire 3:21

Ama kinehe ka, a ndze a i gər ŋa tə̀ma, haa a pat ana gà dukw tserdze tàa ne awiya ŋa ya. Kamala na Mbulum a ɗif dər nda ahər gà ɓəzla məma à guma ŋgar ata a ndzək tar daga piŋŋe ya.

Gà Ɓəzla Meslire 7:52

Gà ɓəzla məma à guma Mbulum awara na gà tsir kurum tàa sèwèr a tar are tsiye? Tàa bats gà mburma ana ti ɗif a tar à mede mala meslire ŋgar ndzer ŋa na a dere a ika miɗ a. Ama kinehe ka, ŋgat ŋa kuɗa na ki gwim ahər ɗaf, dite kə̀ kəɗum ŋgat a.

IBƏRANIKWA 13:7

Gà na tə lah meɗe a kurum à vatwa, ti tsik a kurum bazlam Mbulum a ka, tə ta məts a kurum gər tsa. Dzalum gà gər aka mendze tar ana tə ndza ɗa ya, dite meme na ta mata ya asa mbaŋa. Zazamum ka, megìse tar ana ta gəs Mbulum nda gəzləŋ a mbaŋa.

YAKUBA 4:11

Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?

YAKUBA 5:13

Na wura a riŋ ika magər kurum à sèwèr a are ka, ma hama a Mbulum, dite Mbulum mà zlak ŋgat. Na wura a riŋ a ŋgeye a ba ka, mà lah dimis, mà zàmbaɗa à Mbulum.

YAKUBA 5:7

Aɗaba taŋa, gà damər gà, gəsum gəzləŋ, haa a pat ana Yesuw Kiristi BATSAH kwa ŋa à mère a a təv kwa ya ya. Fə̀rum aà mala mifìte ana à gis a gəzləŋ a kwaŋ. A veve a yam daw, a sligiŋa. I dəba ŋa ya, a veve a pat ana duwa à nèh a, yam a de a a ma ya, haa a pat ana a pele a gà dukw ŋgar ata i bəɗ a ya mbaŋa.

YAKUBA 5:9

Gà damər gà, ka tə sayum aaba ahəm tsa, na dite seriye Mbulum ata à gis a kurum tsiye. Aɗaba ŋgat ana a ge a seriye ya ka, araha mehìtsè ŋa, aka à mendzera aka biye hərmaga ya.