YAKUBA 4:6 - Bible Zulgo

⁶ Ama ndzəɗa ŋgar ana a vəl a kwa ya ka, a za dər gà dukw meèweke ana i gəzləŋ kwa ya tserdze. A de a ka, aka miɗ aka miɗ kamala ana mewetse ŋa a riŋ i wakita Mbulum ka, ta gwa: «Mbulum a niw a gà ɓəzla zlapa, dite a vile a ndzəɗa a gà na ta həna à gər a bəɗ a.»*fb*

YAKUBA 4:6 ပူးပေါင်းရင်းမြစ်များ

Mata 13:12

Aɗaba wur ana a sər, aka ŋgat gà dukw ata ya ka, Mbulum à sikehe a dər aaka asa, a ndze a ka, ndzəɗakkà. Ama wur ana aka ŋgat hinne tsiye ka, Mbulum a zle a ihər kwizikw ŋa ata ya mbaŋa asa.

Mata 23:12

Aɗaba na wura a sasar tə zalar batsah ŋa ka, Mbulum a ne à ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne à ŋgat batsah ŋa asa mbaŋa.»

Luka 1:52

Aka dzawa à gà Əbay ika təv mendze tar a. Aka vəl təv mendze ata a gà mburma ana tàa həna à gər tar a bəɗ a.

Luka 14:11

Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

YAKUBA 4:10

Hənum à gər a bəɗ aka miɗ Mbulum, dite Mbulum tekeɗe, a ti sìkèh a à kurum a dər mbaŋa.

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*