YAKUBA 4:17 - Bible Zulgo

¹⁷ Aɗaba taŋa, na wura a sər naha ka, dukw ana ŋgwal ŋa ya, ama a ge a taŋa tsəka, a ge a ka, bakal.

YAKUBA 4:17 ပူးပေါင်းရင်းမြစ်များ

Yuhana 13:17

Kinehe ka, kà sərum taŋa. Maŋgayaba ika magər kurum ka, hinne, na kàa tikwim gər a guma aaha ya.

Yuhana 15:22

Na mege i dara ndeɗiŋa, dite i tsik a tar gà bazlam tsəka, ana ka, Mbulum à gis a tar nda seriye ŋgar tsa. Ama kinehe ka, tàa tsaraka dukw ana i tsik a ya tserdze, dite ta ge a dər akaba bakal ka, bakal tar ata à pìl a asa tsa.

Yuhana 9:41

Yesuw a gwaɗa a tar aaka: «Na mege ki gwim gà ɓəzla guluf ka, ana ki gwim a i bakal tsa. Ama kù gwaɗum kinehe, mər gà guluf tsəka, kurum i bakal hiywe ivaɗ.»

RUMA 1:32

Tsaatsa tar ka, tə sər məpala ahəm Mbulum ana a gwa: gà ana ta gewa gà medzibe gà dukw ata ŋgwala tsiye ka, say ta ge a ter a ka, seriye məməta pəra na a ze a taraha ya. Ama ku mege kataya tekeɗe, ta ge a dər akaba gà dukw ata pəra. Taŋa ɗekɗek tsa. Ndeyndey ŋa ka, na tàa ŋgat a gà mìsle ŋgiɗ aà mege dukw ata ŋgwala tsiye ka, ti zèmbeɗe à ter a hinne. Ta gweɗe a ter a, kəkaaha, gwim ka, kamala taŋa ya hiywe pəra.

RUMA 7:13

Dite na kataya ana, dukw ata ŋgwal ŋa lele ya, na a bats kwa ya ivaɗ a? Awaŋ, kataya tsa. Ama ka, dukw bakal na a bets a kwa ya ivaɗ. Aɗaba dukw bakal ata a ge megemir nda dukw ŋgwal ŋa ata, a bets a dər kwa ya. A ge ba kataya ka, na dite kà sərakwa dər lele, naha ka, bakal kaɗəŋ a. Aɗaba Mbulum a tsik məpala ahəm ŋgar ata ka, a sasar na bakal mə pàt aba ndərzayya kamala dukw ana ŋgwal tsa ndeyndey a ya.

2 Piyer 2:21

Na kataya ka, ŋgulum na ma sər vatwa ana ndzer ŋa ya tsidze ya, ndəna a sər vatwa ana ndzer ŋa ya lele ka, dite i dəba ŋa ya, a məsak dər aba ya, a gəs ahəm dukw ana Mbulum a tsiker a asa tsiye ya.