YAKUBA 4:11 - Bible Zulgo

¹¹ Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?

YAKUBA 4:11 ပူးပေါင်းရင်းမြစ်များ

Luka 6:37

«Ka ta mùm à bakal a gà mìsle ŋgiɗ tsa, dite Mbulum tekeɗe, à me a kurum a à bakal tsa mbeete. Ka ta ŋgewim gər a gà mìsle ŋgiɗ tsa, dite Mbulum tekeɗe, a ŋgewe a kurum a gər tsa mbeete asa. Pə̀lum à bakal a gà mìsle ŋgiɗ, dite Mbulum tekeɗe, à pìl a kurum a dər mbaŋa.

RUMA 2:1

Aɗaba taŋa, kurum ana a sàs a kurum mege medzibe gà dukw ata tsiye tekeɗe, sərum dər, ku weke ka, a be a i seriye Mbulum a ɓav tsa. Aɗaba na kurum ki mwim a à bakal a gà mìsle ŋgiɗ, dite kurum ŋa tekeɗe, kurum ihər ki gwim a gà dukw ana ŋgwala tsa, kamala biy gà mburma ata ta ge ya asa ana, meme? Na ki mwim a à bakal a gà mìsle ŋgiɗ kamala taŋa ya ka, kì gwim aba seriye nda ahər kurum ŋa.

RUMA 2:13

Aɗaba mburma a ne a ŋgwal ŋa ika miɗ Mbulum ka, nda matsaraka məpala ahəm nda zləm ɗekɗek tsa. Say nda magəsa ahəm aà dukw ana məpala ahəm ata a tsik a mbaŋa.

RUMA 7:7

Kamala taŋa ya, ki gweɗekwe a kinehe dze ana, meme? Wànà məpala ahəm Musa ka, dukw bakal a? Awaŋ, kataya tsa. Ama na mege məpala ahəm Musa a riŋ tsəka, ana ka, ki sirekwe a aba i bakal a tsa. Na mege məpala ahəm ata ma gwa ka, ka ta ge are aka dukw mburma tsa,*fa* tsəka, ana ka, ki sir a ikaba à medzibe bakal ata ya tsidze.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

2 Kurintiya 12:20

Iye ihər i ge a magəɗa aɗaba kurum ka, hinne, na bəla i təv ana i dehe a a təv kurum ka, i le aà kurum a ika vatwa ŋa, kamala ana i waya ya tsiye. Na aka ge kataya kaɗəŋ ka, mede gà ata i dehe a a təv kurum a tekeɗe, à tsehin aà kurum a tsa mbaŋa. I fataya ka, iye riŋ nda magəɗa hinne, aɗaba na bəla Yàa daha ka, i le aà kurum a, kurum riŋ ihər ki gwim a maàga, kige tsa, ki gwim a aba sələk nda gà matsəɓatsəɓ riŋ ika magər kurum, kige tsa mimbètsèba ahəm a riŋ ika magər kurum wùràpə̀ppa, dite kurum riŋ ihər ki ndzekwim a ba ikaba ya təv pampam, ki tsikwim a dukw ana ŋgwala tsiye aà gà mìsle ŋgiɗ, nda gà bəla ki lèvèkwim a ahəm aà mburma. Kige tsa asa, bəla kurum ihər ki gwim a aba a zlapa, nda gà bəla mewìsè bazlam a riŋ hinne ika magər kurum a.

EFESIYA 4:31

Miyakum à məpala ba ahəm ana ika magər kurum a, gəzləŋ ma tərfə̀ɗ a kurum nda matsəɓatsəɓ asa tsa. Ama ki gwim maàga asa tsa. Mendeve ibam, ma ta ge ika magər kurum ɓav tsa asa. Ama ka, ka ta gwim ba swalwa ɓav tsa asa.

1 TIMUTE 3:11

Mede gà məkəs tar ibam, ma ge ka, ilik mbaŋa asa. Ti ti tsik manəsa bazlam aà mburma tsa. Ama ta gəs gəzləŋ i təv guzum a, tə ta kwaya tsa. Say megemir tar ma da ka, ndaka vatwa ŋa lele nda təv dukw tserdze, ta gawuwa ahəm sula tsa.

2 TIMUTE 3:3

Gà mburma ata ta weye a gà asiŋ gà mburma ana i ga i ma tar a asa tsa. Ti ndze a ka, tesìw tesìw nda matsəɓatsəɓ ŋa. Dite vìrìɗìɗìɗɗe ti tsik a dukw ana ŋgwala tsiye aà gà mìsle ŋgiɗ asa mbaŋa. Ama tar ka, ta kwere a ba i təv dukw ana ŋgwala tsiye tsa. Dite ta ge a madzək a mburma ka, hinne. Ti ne are a dukw ana ŋgwal ŋa ya ivaɗ.

TITUS 2:3

Gà məkəs ana gà màndawal ŋa ya tekeɗe ka, kataya mbaŋa. Gwaɗa a tar ka, mede tar ma ge ŋgwal ŋa lele, kamala ana a tsahən aà Mbulum a. Ti ti ne gà ɓəzla melèvekè ahəm aà mburma lèvèk lèvèk tsa, kige tsa ti ne ɓele guzum tsa asa. Say ti ɗif ka, à dukw ana ŋgwal ŋa ya, a gà asiŋ gà mburma ŋgiɗ ivaɗ, na dite ti zezem a tar a.

YAKUBA 1:16

Ama kinehe ka, a kurum gà damər gà ana i waya kurum hinne ya, kà dàɗum a ba à gər tsa.

YAKUBA 1:19

A kurum gà damər gà ana i waya kurum hinne ya. Tsarakum dukw ana i tsik a kurum a ya, dukw ilik ma ta məts a kurum gər tsa: Ku weke mà dza zləm a dukw ana ti tsiker a ya dzekwiŋ. Ama ma dzala dukw ana a tsiker a ika arah ŋgar a lele, dite ma tsik kuɗa. Mà gəs gəzləŋ i təv matsəɓatsəɓ ana a dere a i gəzləŋ ŋgar a mbaŋa.

YAKUBA 1:25

Ama wur ana a dzele a məpala ahəm Mbulum, dite a ge a metsehe a megemir ŋa lele kəla pat a ka, ŋgat ka, pam. Aɗaba aka tsaraka ka, à mìtser a gər tsa, à gis a gà bazlam ata ivaɗ. Taŋa wele ata ka, mipìsè ahəm ika gər ŋgar, Mbulum a piser a ahəm lele. Məpala ahəm Mbulum ata ka, ŋgwal ŋa ndzer, aɗaba ŋgat na a sle a aà mibeye à kwa i bakal a ya.

YAKUBA 2:8

Na ki zezemwim a məpala ahəm nda ndzer kamala ana Mbulum a gwa i wakita ka: «Wayum mburma, kamala na kà wayum ba kurum a»*fa* ka, kàa gwim lele.

YAKUBA 5:10

Gà damər gà, dzalum gà gər aka gà ɓəzla məma à guma Mbulum ana ti tsik bazlam ŋgar akahər ata ya. I təv ana tar riŋ tì sèwèr a are ya ka, ta mà aba à arəv, ta gəs gəzləŋ. Ama kurum tekeɗe ka, gwim kamala tar ana ta gəs gəzləŋ, ta mər aba ya mbaŋa.

YAKUBA 5:7

Aɗaba taŋa, gà damər gà, gəsum gəzləŋ, haa a pat ana Yesuw Kiristi BATSAH kwa ŋa à mère a a təv kwa ya ya. Fə̀rum aà mala mifìte ana à gis a gəzləŋ a kwaŋ. A veve a yam daw, a sligiŋa. I dəba ŋa ya, a veve a pat ana duwa à nèh a, yam a de a a ma ya, haa a pat ana a pele a gà dukw ŋgar ata i bəɗ a ya mbaŋa.

YAKUBA 5:9

Gà damər gà, ka tə sayum aaba ahəm tsa, na dite seriye Mbulum ata à gis a kurum tsiye. Aɗaba ŋgat ana a ge a seriye ya ka, araha mehìtsè ŋa, aka à mendzera aka biye hərmaga ya.

1 PIYER 2:1

Aɗaba taŋa, miyakum aba à gà bakal ana i gəzləŋ kurum a tserdze. Kà sàsum pàrsa asa tsa. Mimbèhè are ma ge i təv kurum tsa. Ki gwim are aka dukw mburma tsa, dite nda gà mezelme bazlam ana ŋgwal ŋa tsiye tserdze, ma ge i təv kurum tsa asa mbaŋa.