Mala ga wele ata a dza zləm aka wirwir ana wele aaha a ge a ihər a ka, a ge ahər kamala dukw mene aà mburma ya. A gwa:
YAKUBA 3:15 - Bible Zulgo15 Medzìbe metsehe ata a dara ka, i təv Mbulum ana i gər ŋa ya tsa. A dara ka, ika gər ahəɗ a, nda gà i madzala gà gər mburma ya, nda gà i təv Əbay sitene ya ivaɗ. အခန်းကိုကြည့်ပါ။ |
YAKUBA 3:15
30 ပူးပေါင်းရင်းမြစ်များ
Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.
Ama Mbulum a pala ka, gà na gà mburma gər ahəɗ ti tsik a aà tar, ta gwa, tar ka, gà ɓəzla falày, tə sər duwa tsiye, na dite ti ne gà biy ŋgar a. A pala tar ka, a sasar à nikiɗ a à gà na ta gwa ka, ndzihndzih mì sər duwa ya. A pala ka, gà na gà mburma gər ahəɗ ti tsik a aà tar, ta gweɗe a, ndzəɗa tar a riŋ tsiye, na dite a ndeɗe a hwarwa aka gà na ta gwa, dzəŋdzəŋ mər gà ɓəzla ndzəɗa ya.
Wele ana aka ŋgat Mezìtè Mesife Mbulum ata a gəzləŋ ŋgar tsa, a zezem a madzala gà gər ŋgar pəra ya ka, à gis a dukw ana Mezite Mesife Mbulum ata a vile a a mburma ya ɓav tsa asa mbaŋa. A sir a tsa, à fir ahər a ka, kamala dukw falày taf masakəŋa ya. Aɗaba na Mezite Mesife Mbulum a riŋ à zlèk a ŋgat tsəka, a sle aà metsereke a tsidze.
I tsik kataya ka, aɗaba dukw ana gà mburma gər ahəɗ ti tsik ahər, ta gwa: Ŋgwal metsehe iɗəm a ka, Mbulum à fir ahər a kamala dukw falày taf masakəŋa ya. Ar ka, kamala ana mewetse ŋa a riŋ i wakita Mbulum ka, ta gwa: «Mbulum ka, à gis a gà ɓəzla metsehe a seriye i huɗ wirwir tar ana ta geyewa ya.»*fa*
Aɗaba kurum ka, hiywe kamala gà mburma ana ti dzele a aka dukw gər ahəɗ a mba. Kurum ihər ki gwim a are aka gà mìsle ŋgiɗ ika magər kurum, dite ki geywim aaba a maàga asa mbaŋa dze ana, meme? Na kurum ihər ki gwim a kataya asa ana, taŋa ana, kamala gà mìsle ŋgiɗ ana ti zezem a gər ahəɗ mba ya tsiye. Kaɗəŋ, taŋa ka, kà zùm aba nda gà tar tsidze.
Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.
A təv ana mandza aà bəra tar aka ndəv a ka, Mbulum a dzeye a à tar, ti de a a akwa ana a mbete a tsiye, aɗaba ana ti zezem a ŋgat tsiye. Tə zazamawa ka, dukw ana gəzləŋ tar a waya ya ɗekɗek pəra. Ta gewa ka, dukw ana zirìm zirìm a ndeɗe aka ter a hwarwa ya. Dite ka, ta ge a dər zlapa ivaɗ asa. Tə dzalawa ka, aka dukw gər ahəɗ ɗekɗek asa mbaŋa.
A pat ana gər ahəɗ aka à mendìve ya ka, gà asiŋ gà mburma ŋgiɗ ta miyek a à megìse tar ana ta gəs Yesuw nda gəzləŋ ilik a. Aɗaba tì dze a zləm ka, a gà mburma ana ti ɗif a ter a à duwa nda pàrsa ya. I dəba ŋa ya, ti zezem a ka, bazlam ana sitene a tsik a ter a ya ɗekɗek pəra. Na a ɗif a à gà dukw ata parakkà lele ka, Mezite Mesife Mbulum.
Aɗaba gà dukw ana gà ŋgwal ŋa lele ndzer a ka, a dere a ka, i təv Mbulum i gər ŋa ya. Na a vile a gà dukw ata masakəŋa ya ka, Mbulum, mala mege gà dukw ana tì div a dzaydzay, tar riŋ madzàvà ŋa aà gəza mbulum a. Mbulum ka, à mbìɗ a à ba ŋgiɗ tsa. Luvuŋ a riŋ i təv ŋgar tsa. Ŋgat ka, kamala pat ana à dìɗiŋa, dite sìsiye à mbìɗ a aba ya tsa asa mbaŋa.
Ama metsehe ana ndzer ŋa a dere a i təv Mbulum i gər ŋa ya ka, pam, tsəka, duwa a riŋ ihər manəsa ŋa tsa. A ndze a ka, tsəɗaŋŋa. Na wura a ndze a nda gà medzibe metsehe ata i gəzləŋ ŋgar ka, a zlere a mandza zayzay a, nda masə̀ràba ya, nda gà magəsa aba ahəm a. Dite ŋgat asa ka, mburma a ndzer a are tsehe hinne. A ge a ka, dukw ana ŋgwal ŋa ya kəla pat. A wele a ikaba mburma ya tsa. Melèvekè nda məbànà mburma i təv ŋgar tsa asa mbaŋa.
ကြော်ငြာတွေ