YAKUBA 3:14 - Bible Zulgo

¹⁴ Ama na bəla kurum riŋ nda gà mege are aka dukw mburma, kige tsa mege maàga a riŋ ika magər kurum huwwa kəla pat, nda madzala dukw ana ŋgwala tsiye nda təv mburma ka, ka ta gwim aba zlapa tsa, kàa nwim pàrsa à dukw ndzer ŋana.

YAKUBA 3:14 ပူးပေါင်းရင်းမြစ်များ

Mata 27:18

A tsik a tar kataya ka, aɗaba a sər, ta gəsaha Yesuw ka, agəra ana ti ner are sàmma ya.

Yuhana 16:2

Ti ti delewere a kurum i ga mahàmà a Mbulum tar a. Pat ŋa a riŋ a ndzere a ka, wura à kiɗ a aà kurum a, a gweɗe a, i ge taŋa ka, dukw ana a tsahən aà Mbulum a.

Gà Ɓəzla Meslire 13:45

Ama gà Yahuda ana i fataya, ta ŋgat a mayahaba gər gà mburma ata ka, a tsahən aà tar tsa, ta ge aka ter a are. Ta bets a ba nda arəv kweleŋ. Ta mbetse ahəm aka dukw ana Pul a tsiker a tsara ya, nda mandàvàyàr pìslìɗìɗe.

Gà Ɓəzla Meslire 26:9

Ama iye nda gər gà tekeɗe, akahər ata Yàa dzala gà duwa hinne, aà manəsa à bazlam Yesuw gà Nazaret, kamala i kurum ata kà dzalum a mbaŋa.

Gà Ɓəzla Meslire 5:17

Ama *batsah mala mandəva kuɗa a Mbulum ata nda gà *Saduki ana ta gəs bazlam ŋgar a, ti ne are a gà ɓəzla meslire Mbulum hinne. Ta ge metsehe, ta gwa: «Gasakwa tar.»

Gà Ɓəzla Meslire 7:9

I liwiŋ gà tsir kwa ata kurwa gəra sula ya ka, ti ne iɗəm are a Yasufa ya hinne. Ta kal à ŋgat, tə da à ŋgat aka ahəɗ Ezipt. Ama Mbulum a riŋ mandza ŋa nda ŋgat.

RUMA 1:29

Tar ka, gà maràhà ŋa nda gà dukw ana ta ge a ŋgwal ŋa tsiye, ti sìkèh a à bakal tar pampam hinne. Ta ge a are aka dukw mburma, ti yehe a ahəm ka, pìrèh pìrèh, nda mene are a mburma, nda məbatsa mburma. Ta gebe a maàga, dite ta bene a mburma, nda megeyeba swalwa hinne. Ta wele a aà mburma ya ka, hinne mbaŋa asa,

RUMA 13:13

Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.

RUMA 2:17

Dite kurum gà Yahuda dze ana, meme? A da a kurum a gər ka, hinne na ti zel a kurum a gà Yahuda ya. Kurum kà dzalum ka, duwa a ge a kurum a tsa, aɗaba ana kà sərum məpala ahəm Musa ya. Dite kurum ihər ki sìŋgìrwim a à gər kurum ka, hinne mbaŋa, aɗaba kù gwaɗawum ka, waytsà mər ka, gà mburma Mbulum.

RUMA 2:8

Ama gà asiŋ gà biy ŋgiɗ ta gəsawa ahəm aà Mbulum tsidze. Ti niw a vatwa ndzer ŋana, dite ti zezem a ka, dukw ana ŋgwala tsiye ivaɗ. Tar ka, matsəɓatsəɓ Mbulum ika gər tar, à gis a tar i seriye ya.

1 Kurintiya 13:4

Aɗaba taŋa, wur ana a waya mburma ya ka, ədəts à gis a gəzləŋ, a ge a dukw ana ŋgwal ŋa ya, a mìsle ŋgiɗ. A ge a are aka dukw mburma tsa, a ge a zlapa tsa. Ŋgakŋgakəkka à sìŋgìr a à ba ŋgar ɓav tsa asa mbaŋa.

1 Kurintiya 3:3

Aɗaba kurum ka, hiywe kamala gà mburma ana ti dzele a aka dukw gər ahəɗ a mba. Kurum ihər ki gwim a are aka gà mìsle ŋgiɗ ika magər kurum, dite ki geywim aaba a maàga asa mbaŋa dze ana, meme? Na kurum ihər ki gwim a kataya asa ana, taŋa ana, kamala gà mìsle ŋgiɗ ana ti zezem a gər ahəɗ mba ya tsiye. Kaɗəŋ, taŋa ka, kà zùm aba nda gà tar tsidze.

1 Kurintiya 5:2

Dite ka, kurum riŋ ihər ki sìŋgìrwim a à ba kurum ivaɗ asa dze ana, meme na taŋa ya? Ama ka, ŋgulum ki tiwwim a ba kurum ivaɗ, na ki delewim a wele ata ika magər kurum a ya.

1 Kurintiya 5:6

Aàmala na ki gwim a zlapa kataya dze ya? Ŋgwala tsa na taŋa ya. Kurum kà sərum ti tsiye, na bazlam ata ta gwa ka, giɗe ana a kwasawa à duwa ya, ku mege tə ndà aaka kwizikw tekeɗe ka, a kwese a dər hinne ya? Kamala taŋa ya, bakal ŋa, ku mege kwizikw tekeɗe ka, wànə̀nə̀nna à sìkèh a aka miɗ aka miɗ, haa a nis a à mayahaba gər kurum fit kweleŋ.

2 Kurintiya 12:20

Iye ihər i ge a magəɗa aɗaba kurum ka, hinne, na bəla i təv ana i dehe a a təv kurum ka, i le aà kurum a ika vatwa ŋa, kamala ana i waya ya tsiye. Na aka ge kataya kaɗəŋ ka, mede gà ata i dehe a a təv kurum a tekeɗe, à tsehin aà kurum a tsa mbaŋa. I fataya ka, iye riŋ nda magəɗa hinne, aɗaba na bəla Yàa daha ka, i le aà kurum a, kurum riŋ ihər ki gwim a maàga, kige tsa, ki gwim a aba sələk nda gà matsəɓatsəɓ riŋ ika magər kurum, kige tsa mimbètsèba ahəm a riŋ ika magər kurum wùràpə̀ppa, dite kurum riŋ ihər ki ndzekwim a ba ikaba ya təv pampam, ki tsikwim a dukw ana ŋgwala tsiye aà gà mìsle ŋgiɗ, nda gà bəla ki lèvèkwim a ahəm aà mburma. Kige tsa asa, bəla kurum ihər ki gwim a aba a zlapa, nda gà bəla mewìsè bazlam a riŋ hinne ika magər kurum a.

GALATIYA 5:15

Ama na bəla ki geywim be a swalwa kamala gà dukw dala ana gà ŋgwala tsa, hə̀ràsə̀sa ta ŋgeleye a ba tar ŋa, kige tsa ta pepeɗe a ba ya ka, gwim metsehe lele, tsəka, ki ti dzeywimiŋa.

GALATIYA 5:20

Dite nda mazàmbàɗà à dukw ana ta ge nda ahər tar, ti ne dər Mbulum tar a. Nda gà dukw gà mèdè ana ta ge a pampam a. Nda mene a ba are, nda maàga, dite nda mege are aka mburma, nda mege matsəɓatsəɓ ana tərfə̀ɗ tərfə̀ɗ nda təv gà mìsle ŋgiɗ a, nda gà ti dzele a ka, ba tar ɗekɗek, ti ndzek a iba mburma ya təv pampam, nda gà mandza akaba ahəm ana a riŋ i təv tar tsidze ya.

GALATIYA 5:21

Izittè ta ge a are aka dukw mburma, ta kweye a à guzum, ta gìrìv a dər hinne, zlarndaɗndaɗ ti zimeye ka, gà dukw ana ŋgwal ŋa ya, dite nda megeye gà medzibe gà duwa ŋgiɗ pampam asa kamala taŋa ya. Dukw ana i tsik a kurum piŋŋe ya ka, kinehe i me a aka metsìkè a kurum asa, i gwaɗa a kurum: Medzìbe gà mburma ana ta gewa gà dukw ata kamala taŋa ya ka, ti ta ŋget a təv mendze i *mekwere Mbulum ana a ta kwere a ya kwizikw tsidze.

GALATIYA 5:26

Kà sə̀ŋgə̀rakwa à ba kwa tsa, dite ka tikekwa akaba matsəɓatsəɓ tsa, ki gekwa akaba are tsa asa mbaŋa.

GALATIYA 6:13

Ama gà mburma ata ta waya masàsà ba hinne ya tekeɗe, tar ŋa ka, ti tike gər a məpala ahəm gà Yahuda tèrihhwè ɓav tsa. Ama a sàs a tar ki seswim a ba kurum ka, na dite ti sìŋgìr a à ba tar aɗaba kurum a.

FILIPIYA 1:15

Ama kəla ka, gà asiŋ ŋa ika magər tar ti tsik a bazlam Yesuw Kiristi ŋgwìriŋŋà, ta ge a are ka, aka iye. Kige tsa a sàs a tar ka, mayaha aà iye ahəm. Ama gà asiŋ gà biy ŋgiɗ ti tsik a bazlam Mbulum ka, nda gəzləŋ ilik.

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

1 TIMUTE 2:4

Aɗaba a waya ka, na mburma tserdze ta mbala ya, dite tə sər dər guma ana ndzer a.

1 TIMUTE 6:4

taŋa ŋgat ka, kamala mala hala gawla ana i liwiŋ mburma, à sìŋgìr a à ba ŋgar ka, tsaatsa, ŋgat ŋa a sər duwa tsidze ya. A sər i ŋgar ka, are mimbètsè ahəm, nda mayaha ahəm pìrèh pìrèh aà gà mburma ɗekɗek. Aɗaba wele ata aka ge gà dukw ata kataya ka, na ika magər tar nda gà mburma ka, say mene ba are, nda mege maàga kəla pat nda mandàvàyà ba, nda gà madzala gà gər gà dukw ana ŋgwal ŋa tsa masakəŋa taf nda təv mìsle ŋgiɗ a.

TITUS 3:3

Aɗaba akahər ata ka, kwa tekeɗe, metsehe kwa a riŋ tsa mbaŋa, kə̀ gə̀sakwa ahəm tsa, kàa dzeyekwa ika vatwa ndzer ŋana ya. Kà nekwa ka, gà ɓele dukw ana ba kwa a waya ya ɗekɗek. Kwa mandza ŋa ka, gà ɓəzla swalwa. Ki gewakwa are aka dukw mburma. Gà mìsle ŋgiɗ tàa nekwa are ka, kwa tekeɗe, kàa nekwa a tar aɗəm are mbaŋa.

YAKUBA 1:18

Ŋgat na a waya, a vəl a kwa mesife awiya ŋa na i təv guma ŋgar ndzer ŋana a tsik a. A sasar na ka nekwa gà malahalah ŋana i liwiŋ gà dukw ana a ge tserdze ya.

YAKUBA 3:16

Aɗaba na gà mburma ta geye a are aka duwa, nda gà bəla menèba are a riŋ, kige tsa, ta geye aba a hə̀za ka, mendze tar ka, aka nəs, a de a kalkal asa tsa, nda gà dukw ana ŋgwal tsiye pampam hinne tekeɗe, tar riŋ i təv tar mbaŋa.

YAKUBA 5:19

Gà damər gà, na wura ika magər kurum a aka dəɗ ika vatwa Mbulum a ka, mìsle ŋgiɗ ma daha, mə̀ mà aakara à ŋgat a asa.