YAKUBA 2:9 - Bible Zulgo

⁹ Ama na bəla ki welwim a ikaba mburma ya ka, ki gwim a taŋa ka, bakal. Seriye məpala ahəm Mbulum ata ka, aka gəs kurum.

YAKUBA 2:9 ပူးပေါင်းရင်းမြစ်များ

Yuhana 16:8

Na aka dara ka, a ɗif a à ndzer ŋa a gà mburma ana ti zezem a gər ahəɗ a, dite ti sir aaba a i bakal tar ana ta ge a ya, nda gà i dukw ana ŋgwal ŋa ika miɗ Mbulum a. Ti sir a mbaŋa ka, Mbulum na à ses a ikaba seriye tar a.

Yuhana 8:46

Weke na ika magər kurum ka, a sle aà megweɗe a, Yàa ge bakal a? A riŋ tsa. Na iye ihər i tsik a ka, dukw ana ndzer ana, dite aàmala na kə̀ gəsum iye nda gəzləŋ tsiye?

Yuhana 8:9

Tə tsaraka bazlam Yesuw ata kataya tsara ka, sùtùtùtwa ti lèlekweye fit. Na a lah aà medeye ka, gà bàba ŋana dzekwiŋ. Gà Yesuw ti zeha riŋ à gər tar nda məkəs ata ika miɗ ŋgar a.

Gà Ɓəzla Meslire 10:34

Piyer a gəs a tar aakaha, a gwaɗa a tar: «Ama kinehe ka, Yàa sər kuɗa. Mbulum ka, a wala ikaba mburma ya tsa.

RUMA 3:20

Fə̀rum ahər, a ge a kataya ka, aɗaba wura ilik a sle a aà mene ŋgwal ŋa ika miɗ Mbulum agəra ana a zezem a məpala ahəm ŋgar a tsa. Aɗaba məpala ahəm ata à pèt a ka, à bakal a gà mburma ndərzayya ɗekɗek, na dite ka, ti sir ahər a lele ya.

1 Kurintiya 14:24

Ama na ki mwim a à bazlam Mbulum a mburma tserdze ndaka gà ahəm kwite kurum ka, i dəba ŋa ya, gà mburma ana tàa gəs Yesuw nda gəzləŋ tar zukw tsiye, nda gà na tə sər dukuməŋa zukw tsiye, ti dere a aka magər kurum a ka, taŋa dukw ana ki tsikwim a ter a ya, ti sir a dər ka, maa ge bakal ndzer kuɗa. Aɗaba dukw ana tə tsaraka ya ka, a vile a ter a madzala gà gər hinne.

GALATIYA 2:19

Ama məpala ahəm gà Yahuda ka, aka mbər medzeye à iye. I ne kamala ana iye məməta ŋa ya na nda təv məpala ahəm ata ya, aɗaba a giŋ a ŋgulum ika miɗ Mbulum asa tsa. Ama kinehe ka, Yàa ŋgat mesife ika miɗ Mbulum a. Akahər ata piŋŋe, i təv ana tə ndwandway Kiristi aà dizl magə̀làwà ŋa ya ka, mì mata akaba a təv ilik ŋa nda ŋgat.

1 Yuhana 3:4

Na wura a gewa bakal ka, a niw məpala ahəm Mbulum, aɗaba mege bakal ka, menìwè Mbulum nda dukw ana a pala ahər ahəm a mburma ya tserdze.

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»