YAKUBA 2:6 - Bible Zulgo

⁶ Ama kurum ka, ki fìrwim a aà gà ɓəzla matawak kamala za ya dze ana, meme? Aɗaba gà Əbay gər ahəɗ na ti sèwèrewa a kurum are, ti de à kurum a aka miɗ seriye ya, tsəka, gà ɓəzla matawak tsa.

YAKUBA 2:6 ပူးပေါင်းရင်းမြစ်များ

Yuhana 8:49

A gwaɗa a tar aaka: «Sitene i ba gà tsa, i zlibe a ka, aà Tsir gà. Ama kurum ka, ki fìrwim aà iye a kamala dukw taf masakəŋa ya.

Gà Ɓəzla Meslire 13:50

Ama gà Yahuda ana i fataya, tə slər gà ŋgwal gà bàba gà məkəs ana i magər tar ti ne gà Yahuda ya, nda gà ŋgwal gà mburma ana i kwite ata ya tserdze, aà gà Pul nda Barnabas. Tə daha, ti sèwèr a tar are hinne, tə dəgəz tar ika ahəɗ ata ya fit.

Gà Ɓəzla Meslire 17:6

Ama tə daha, ta fə̀r tar ka, tar riŋ tsa. Tsaw tsaw ta gasa gà Yasun nda gà asiŋ gà damər ŋgar ŋgiɗ ana ta gəs Yesuw a. Tə da à tar aka miɗ gà ɓəzla seriye, nda gà Mewideye. Ta gwa: «Gà mburma aaha ka, ta wise a bazlam ika gər ahəɗ tserdze ka, tàa ndzera a kwite kwa a faha mbaŋa.

Gà Ɓəzla Meslire 18:12

Ama akahər ata, gà Ruma ti tike aɗəm Əbay ŋgiɗ ika ahəɗ ata tə zalar Akaya ya. Zləm ŋgar Galiyaw. I dəba ŋa ya, gà Yahuda tserdze ta gaw aà Pul. Ta gəs ŋgat, tə da à ŋgat aka miɗ seriye. Tə daha,

Gà Ɓəzla Meslire 8:3

Ama Sawul ka, a sasar medzeye à gà mburma Mbulum. A dawa aà ga aà ga tserdze, a yahawa gà ɓəzla magəsa Yesuw nda gəzləŋ, ku gà asləka nda gà məkəs tserdze, a gasawa tar, a dzawa tar a daŋgay.

1 Kurintiya 11:22

Na ki gwim a kataya ana, dite aàla na a sàs a kurum mazəmaya aba gà dukw mezime ŋa, nda gà masàyà gà duwa i gà ma kurum a tsiye? Wànà a sàs a kurum ana, mene à gà mburma Mbulum kamala za ya kəla ya? Tsəna, a sàs a kurum ana, mandàɗà hwarwa aka gà mburma Mbulum ana gà matawak ŋa ya ya? Wànà i tsik a kurum a dze ana, dukùla asa ya? Kà dzalum dze ana, i zlibe a à kurum a ya. Awaŋ, i zlibe a à kurum tsidze.

YAKUBA 2:3

Dite kurum ka, ki zlìbwim a à mala petek aaha lele, ki gweɗwimer a: «Dara, ndza iɗəm aka təv mendze ŋgwal ŋa a faha ya.» Ama mala matawak ka, ki gweɗwimer a, «Kər ka, daha, ndza a bəɗ a faka, kige tsa, dara, ndza a bəɗ aà sik mər a faha.»

YAKUBA 5:4

Dite kurum ki benwim a gà mburma ana ta pele kurum a gà duwa i bəɗ a, ki zimwim a tar nda wirwir, ki vilwim a ter a dukw mayaba tar tsa ana, meme? Tsarakum, tuwa gà mburma ata ti tiwe a nda Mewideye ya. Tuwa tar ata a geha zləm a Mbulum ana a kwere a gà duwa tserdze ya.

YAKUBA 5:6

Kurum ihər ki ŋgewwim a gər a mburma, ku mege tàa ge bakal tsa tekeɗe ya, ki betswim a dər akaba tar pəra mbaŋa. Ama tar ka, tàa ge aà kurum maàga tsa.