YAKUBA 2:21 - Bible Zulgo

²¹ Fə̀rum kwaŋ, meme na Mbulum a gəs Abəraham tsir kwa ata kamala mburma ŋgar ŋgwal ŋa lele ya. Mbulum a gəs ŋgat ana, agəra megemir ana a ger a tsiye? Aɗaba akahər ata a zla Izak kəla ŋgar aà mekìɗè a Mbulum, a ne dər kamala dukw masakəŋa ya.

YAKUBA 2:21 ပူးပေါင်းရင်းမြစ်များ

Mata 12:37

Aɗaba i huɗ bazlam yak ana ki tsik a ya ka, mala seriye hùrùkw à mèk a à bakal, kige tsa, a gweɗe aà kər a, kər ka, ŋgwal mburma ndzer.»

Mata 3:9

Ama kurum ka, ka tə dzalum i gəzləŋ kurum, kù gwaɗum ka, mər gà ɓəza Abəraham tsam ana, làŋa ya tsa. Aɗaba iye ihər i gweɗe a kurum ŋa: Mbulum a sle aà mene a à gà kur aaha kinehe ya, kamala gà ɓəza Abəraham a mbaŋa.

Luka 1:73

Aɗaba aka mbər mimbeɗe a Abəraham batsah tsir kwa ŋa i sida ya daga piŋŋe, a gwa:

Luka 16:24

A zalaha a Abəraham. A gwaɗaraha:

Luka 16:30

Wele ata a gwaɗar aakaha asa:

Yuhana 8:39

Ta gwaɗar aaka: «Na a ne batsah tsir mər ka, Abəraham.» Yesuw a gwaɗar: «Na mege kurum gà ɓəza Abəraham nda ndzer ka, ana ka, ki gwim a megemir ŋgar ana a ge akahər ata ya mbaŋa.

Yuhana 8:53

Na Abəraham tsir mər aka mət seyiŋ ana, wànà kər kà dzala ana, kà za ŋgat a? Dite gà ɓəzla məma à guma Mbulum tekeɗe, tàa mata asa ana, kər ana, weke?»

Gà Ɓəzla Meslire 7:2

Etiyen a gwaɗa a tar aakaha: «Gà damər gà, nda gà tsir gà, dzum zləm a bazlam gà kwaŋ. Mbulum ana a za dukw tserdze ya, aka pàt à ba ŋgar a Abəraham, batsah tsir kwa, i təv ana ŋgat ika ahəɗ Mezapitamiya. Akahər ana aka da a Haran zukw tsiye,

RUMA 3:20

Fə̀rum ahər, a ge a kataya ka, aɗaba wura ilik a sle a aà mene ŋgwal ŋa ika miɗ Mbulum agəra ana a zezem a məpala ahəm ŋgar a tsa. Aɗaba məpala ahəm ata à pèt a ka, à bakal a gà mburma ndərzayya ɗekɗek, na dite ka, ti sir ahər a lele ya.

RUMA 4:1

Meme na kà dzalakwa gà gər aka Abəraham, batsah tsir kwa ana akahər ata ya. Ki gweɗekwe a aka gər ŋgar dze ana, meme? A ge dze ana, dukùla?

RUMA 4:12

Abəraham ka, a ne tsir gà mburma ana gà masàsà ŋa ya mbaŋa kaɗəŋ. Ama kəla ka, say na ti zezem a kamala Abəraham a, dite ta gis a Mbulum nda gəzləŋ kamala ana ŋgat a gəs akahər ata ka, aka sàs ba ŋgar zukw tsiye mbaŋa.

RUMA 4:16

Aɗaba taŋa na Mbulum a tsik i sida ya, a gwa, i ta vile a ka, a gà na ta gəs ŋgat nda gəzləŋ a ya. A ge dər kataya ka, aɗaba mburma tə sər dər, ŋgwal ŋgar ata a ge a ter a ya ka, biy taf masakəŋa. A vile a dukw ata ka, a gà ɓəza Abəraham tserdze, tsəka, a gà na a ɗif a tar à məpala ahəm Musa a ahər a ɗekɗek tsa. Ama a vile a a gà asiŋ gà mburma ana ta gəs ŋgat nda gəzləŋ tserdze kamala Abəraham ana a gəs a mbaŋa. Aɗaba Abəraham a ne ika gər kwa ka, tsir kwa tserdze.

IBƏRANIKWA 11:17

Agəra megìse Abəraham ana a gəs Mbulum nda gəzləŋ a ka, a zla kəla məkəs ŋgar mifèndèz ŋa ilik, tə zalar Izak. A kiɗ a a Mbulum zləmana, kamala dukw taf ana masakəŋa ya, i təv ana Mbulum ata a dzik dər à ŋgat a.*fg* A hadzal ba aà məvəlar kəla ŋgar ata, ku mege Mbulum aka tsiker i sida ya piŋŋe, a gwaɗar:

YAKUBA 2:18

Bəla wura a gweɗe a gà mìsle ŋgiɗ ka: «Tàa gəs Mbulum nda gəzləŋ tar, gà biy ŋgiɗ ibam, ta gewa gà dukw ana ŋgwal ŋa ya.» Ama i gweɗere a ka: «Ɗifiŋ à megìse yak ana kə̀ gəs Mbulum a, dite ka, ki gewa dukw ana ŋgwal ŋa tsiye asa ya. Iye tekeɗe ka, i ɗifek a à biy ga ana i gewa ŋgwal ŋa ya, dite kər ki sir a dər ka, Yàa gəs Mbulum a.»

YAKUBA 2:24

Yawwa samatum, aɗaba mburma a ne a ŋgwal ŋa i təv Mbulum ka, nda megemir ŋa mbaŋa, tsəka, nda megìse ɗekɗek tsa.