YAKUBA 2:20 - Bible Zulgo

²⁰ Kər ana metsehe yak a riŋ ba ya? Meme na ki ɗiŋ a à wur ana a gweɗe a: «Yàa gəs Mbulum», ama ka, a ge a dukw ana ŋgwal ŋa ya tsa, dze ana, wànà megìse ŋgar ata ana, a ge a ŋgulum a?

YAKUBA 2:20 ပူးပေါင်းရင်းမြစ်များ

RUMA 1:21

Ku mege tə sər Mbulum a riŋ tekeɗe ka, tì zlibe a à ŋgat kamala ana ŋgat Mbulum a tsa, dite ta ger a kəkaaha ɓav tsa asa mbaŋa. Kamala taŋa ya, madzala gà gər tar ana ti dzele a ya ka, taf masakəŋa. Ti ndze a ka, i lùvùŋ tìtìktìkka. Dite dukw ana ŋgwal ŋa ya ka, tə sər ɓav tsa asa.

RUMA 3:28

Aɗaba ka sərakwa ndzer, gà mburma ti ne a gà ŋgwal ŋa ika miɗ Mbulum ka, agəra ana ta gəs Yesuw Kiristi nda gəzləŋ a, tsəka, aɗaba ana tə zazam məpala ahəm Musa ata ya tsa.

RUMA 9:20

Ama kinehe, kwa mburma dze ana, gà weke, na ki mbetsekwebe a ahəm nda gà Mbulum a? Wànà gərwa a gweɗe a a mala maŋgara ŋa: «Aàmala na kə̀ ŋgar iye kataya ya?» Awaŋ, a riŋ tsa.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

GALATIYA 6:3

Na wura aka fə̀r aà ba ŋgar kamala ana ŋgat batsah ŋa ya, ama tsaatsa ka, mburma taf masakəŋa, a sle a aà duwa tsa, taŋa ka, a riŋ a bene a ba ŋgar ivaɗ.

KULUSIYA 2:8

Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.

1 TIMUTE 1:6

Gà mìsle ŋgiɗ pam ka, tar ka, tàa dzeye ika vatwa Mbulum a. Ta miyak à mege gà dukw ata. Ti tsik a i tar ka, bazlam ana a ge a ŋgulum asa tsiye.

TITUS 1:10

Aɗaba gà mburma a riŋ hinne na ti dze a zləm a bazlam Mbulum ana ti tsik a ya tsiye. Tar ti tsikewa ka, gà bazlam ana hinne pampam taf masakəŋa ya. Ta bene a mburma nda pàrsa mbaŋa asa. Na a gewa kamala taŋa ya ndeyndey ka, gà Yahuda ana ta waya masàsà ba, dite ta gweɗe a kurum a ka, sasayum ba ya.

YAKUBA 1:26

Na wura ika magər kurum, aka ne à ba ŋgar mala ndzer ŋa, a gweɗe a, iye mala mazazama Mbulum, ama na aka ge metsehe a gà bazlam ana a dere a ika arah ŋgar a tsəka, a bana ba ŋgar nda mazazama Mbulum masakəŋa taf.

YAKUBA 2:17

Kamala taŋa ya mbaŋa na i təv megìse ana ki giswim a Mbulum a. Na ki gwim a megemir ŋa tsəka, duwa a riŋ a ge a ŋgulum tsa.

YAKUBA 2:26

Ama ar ka, kamala ba mburma ya. Ba ana mesife iɗəm tsiye ka, a ge a ŋgulum tsa. Kamala taŋa ya, wur ana a gəs Mbulum nda gəzləŋ, dite ka, a ge a megemir ŋa tsiye ka, a ge a ŋgulum ɓav tsa mbaŋa.