YAKUBA 2:19 - Bible Zulgo

¹⁹ Kər kə̀ gəs ana Mbulum ana ŋgat ilik a tsiye? Taŋa ka, lele. Ama kə̀la ka, gà sitene tə sər mbaŋa, ti dzedzeriŋa, ta ger a magəɗa hinne.

YAKUBA 2:19 ပူးပေါင်းရင်းမြစ်များ

Mata 8:29

Aləka ti ndzeha a təv Yesuw ka, tə dza ba aà Mewideye hinne, ta gwaɗar: «Əla a ləm akaba à kwa nda gà kər Yesuw, Kəla Mbulum a? Kà dara ana, aà mesewere a mər are daga aà kinehe ya tsara, tə̀vəməŋa aka ndze aɗəm zukw tsiye?»

Markus 1:24

A gwaɗa a Yesuw: «Ki yehe a à mər la ya, kər ana kà dara i Nazaret a? Ka dara ana, aà medzeye à mər kəla ya? I sər kər lele, kər ka, wur ana bakal ŋgar a riŋ tsa, Mbulum a slərra a faha ya.»

Markus 12:29

Yesuw a gwaɗar aaka: «Məpala ahəm ana ŋgwal ŋa ya ka, araha:

Markus 5:7

A gwaɗar nda gà Mewideye: «Əla a ləm akaba à ma ya, Yesuw, Kəla Mbulum ana i gər ŋa ya? Kamkam nda zləm Mbulum, kà sèwèriŋ are tsa te.»

Markus 7:9

I dəba bazlam ata ya ka, Yesuw a gwaɗa a tar asa: «Kà sərum are mimìyàkà à bazlam Mbulum ka, hinne, dite na ki giswim a bazlam gà tsir kurum a tsəna?

Luka 4:34

A gwaɗa a Yesuw: «Ki yehe a aà mər la ya, na kər ana kà dara i Nazaret a? Kà dara ana, aà medzeye à mər kəla ya? I sər kər lele. Kər ka, wur ana bakal ŋgar a riŋ tsa, Mbulum a slərra a faha ya.»

Yuhana 17:3

Wur ana aka ŋgat mesife ana à ndìv a tsiye ka, a sər, kər na Mbulum ndzer a, dite a sər, iye Yesuw Kiristi ana kà slərra iye ya mbaŋa.

Gà Ɓəzla Meslire 16:17

A təv ana mìi de a ya ka, a zezem a mər nda gà Pul i sik a i sik a nda gà Mewideye. A gwaɗawa i huɗ Mewideye ŋgar ata ya ka: «Gà mburma aaha ka, gà ɓəzla meslire Mbulum ana i gər ŋa ya. Tar riŋ ti tsik a kurum a vatwa ana aləka ki slwim a aà mimbile dər i məməta ya ya.»

Gà Ɓəzla Meslire 19:15

Aləka i dəba ŋa ya, mala sitene ata i ba ŋgar a, a gwaɗa a tar: «Iye ka, i sər Yesuw, Pul tekeɗe ibam, i sər ŋgat lele dze ana, kurum dze ana, gà weke asa ya?»

Gà Ɓəzla Meslire 24:25

Aləka Pul a daha ka, a dza ba aà mifefile a tar. A ɗif a tar à duwa pampam hinne. Ti ta metsereke dukw ana ta ge a nda ndzer a, nda magəsa gəzləŋ, dite nda seriye ana a dere a ika miɗ mba ya ka, Filikus a ge magəɗa hinne, a gwaɗa a Pul: «Yaw, taŋa ka, ki sle a aà medeba na kinehe ya. Aka təv ana Yàa ŋgat vatwa ka, i mèkehe a à mezele asa.»

RUMA 3:30

Aɗaba Mbulum ka, ilik pəra, tsəka, biy ŋgiɗ a riŋ tsa. Na bəla gà Yahuda ta gis a Yesuw Kiristi nda gəzləŋ tar ka, Mbulum a ne à ter a gà ŋgwal ŋa ika miɗ ŋgar. Dite gà asiŋ gà mburma ŋgiɗ ana tar gà Yahuda tsiye tekeɗe, na tàa gəs ka, a ne à ter a gà ŋgwal ŋa ika miɗ ŋgar mbaŋa. A wele a ikaba mburma ya tsa.

1 Kurintiya 8:4

Aɗaba slu ana ta kəɗ, tə tàwàl dər duwa ya dze ana, wànà ki pèpìɗekwe a ya? Ama dukw ana iye i zlaŋa ya ka, araha: Kwa kà sərakwa dər dukw ana gà mburma gər ahəɗ ta ger a gər hirek hirek, ti ne dər mbulum tar a ka, mesife iɗəm tsa. Dite kà sərakwa mbaŋa, Mbulum ka, ilik, tsəka, biy ŋgiɗ a riŋ asa tsa.

1 Kurintiya 8:6

Ama ku mege kataya tekeɗe, i təv kwa ka, Mbulum ka, ilik pəra. Ŋgat na Tsir kwa ya. Gà dukw ana ika gər ahəɗ tserdze ya, tə dara ka, i ahər ŋgar a. A ge kwa mbaŋa, na dite kinehe kwa gà biy ŋgar a. Kamala taŋa ya, BATSAH kwa ŋa tekeɗe, ilik pəra mbaŋa, kamala megweɗe ya ka, Yesuw Kiristi. Mbulum a geye gà dukw tserdze ka, nda ahər ŋgar. Ki ŋgetekewe a mesife awiya ŋa ka, i təv ŋgar a mbaŋa asa.

GALATIYA 3:20

Wele ana mandza ŋa ika magər kamala taŋa ya ka, hiywe taŋa ka, ŋgat mala məmaya ahəm. Ama i təv ana Mbulum a tsik dukw ata i sida ya, a Abəraham a, a gwa, i ta vile a ya ka, a tsik taŋa ka, à gər ŋgar, tsəka, mala mendze ata ika magər ŋa ya ka, a riŋ a ge a ŋgulum tsa.

1 TIMUTE 2:5

Guma ata ka, biy mburma dze. Aɗaba Mbulum ka, ilik, dite wele ana a sər ba à gà mburma nda ŋgat a ka, ilik mbaŋa. Taŋa Yesuw Kiristi ana a ne mburma ya.

YAKUBA 2:8

Na ki zezemwim a məpala ahəm nda ndzer kamala ana Mbulum a gwa i wakita ka: «Wayum mburma, kamala na kà wayum ba kurum a»*fa* ka, kàa gwim lele.

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.

Yuda 1:6

Gà gawla Mbulum ana i gər ŋa ya tekeɗe, gà asiŋ ŋa iɗəm, a sàs a tar təv mendze ana Mbulum a vəl a tar kəla biy tar a tsa, ta miyak dər. Aɗaba taŋa na Mbulum a hə̀ndə̀k aà tar a təv luvuŋ ana ziŋziŋ ŋa ya ya. Ti ndze a i fata ka, gà madzàwàyà ŋa nda kedirtsè handəslndəsl aà biybiy. Ti ndze a i fata asa ka, ta bebe a haa a pat seriye Mbulum ana batsah ŋa a ta ge a a gà mburma tserdze ya.

Sunwa Yuhana 20:10

Dite i dəba ŋa ya ka, Əbay sitene, wele ana a banaya tar a ka, ta gəs, kùtsùkw ti yà ŋgat a akwa ana kamala duluv a. Akwa ata a wene a ka, wàfùfùffa. I fataya ka, tàa mbər mandza aɗəm à gà dukw dala nda mala məma à guma ŋgar ata nda pàrsa ya. Tì sèwèr a are i fata, ku mege ndaàpat, ku mege ndaàvəɗ hiywe aà biybiy.