YAKUBA 2:18 - Bible Zulgo

¹⁸ Bəla wura a gweɗe a gà mìsle ŋgiɗ ka: «Tàa gəs Mbulum nda gəzləŋ tar, gà biy ŋgiɗ ibam, ta gewa gà dukw ana ŋgwal ŋa ya.» Ama i gweɗere a ka: «Ɗifiŋ à megìse yak ana kə̀ gəs Mbulum a, dite ka, ki gewa dukw ana ŋgwal ŋa tsiye asa ya. Iye tekeɗe ka, i ɗifek a à biy ga ana i gewa ŋgwal ŋa ya, dite kər ki sir a dər ka, Yàa gəs Mbulum a.»

YAKUBA 2:18 ပူးပေါင်းရင်းမြစ်များ

RUMA 14:23

Ama wur ana madzala gà gər ŋgar wàkit wàkit, a gweɗe a, naha ka, awisl, aləka i dəba ŋa ya, aka zəm ka, seriye à gis a ŋgat, aɗaba aka tike madzala gà gər ŋgar tèrihhwè a dukw ana a ge a nda ndzer a tsa. Aɗaba kà sərakwa, dukw ana ka sər ndzer, naha ka, awisl, dite kàa ge ka, kàa ge bakal.

RUMA 3:28

Aɗaba ka sərakwa ndzer, gà mburma ti ne a gà ŋgwal ŋa ika miɗ Mbulum ka, agəra ana ta gəs Yesuw Kiristi nda gəzləŋ a, tsəka, aɗaba ana tə zazam məpala ahəm Musa ata ya tsa.

RUMA 4:6

Dawda tekeɗe, a tsik kamala taŋa ya mbaŋa. Akahər ana a fàfəl aka gər maŋgayaba gà mburma ana Mbulum a ne à tar gà ŋgwal ŋa ika miɗ ŋgar a ka, aka ɗama megemir tar ana ta ge ya tsidze.

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

RUMA 9:19

Bəla ki gweɗwimiŋŋa: «Na Mbulum a pele a mburma kataya ana, aàmala na a mà a tar à bakal asa ya? Aɗaba weke na a sle aà mehitse a à dukw ana ŋgat a ge a ya ya?»

1 Kurintiya 13:2

Na mege wura aka ŋgat ndzəɗa aà məma à bazlam Mbulum a mburma lele, nda gà bəla aka sər vatwa ŋgar, nda gà dukw ana makàhà ŋa i təv ŋgar a fit, kige tsa aka gəs bazlam Mbulum maràhà ŋa i gəzləŋ tsìsl, na dite a sle aà megweɗe a a kwite aaha: «Hitse i faha ya,« dite a de a kaɗəŋ tekeɗe ya ka, ama na a waya gà asiŋ gà mìsle ŋgiɗ tsəka, taŋa ka, a ne kamala dukw ana taf masakəŋa ya hiywe mba.

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

2 Kurintiya 7:1

A kurum gà masla gà ana i waya kurum hinne ya. Mbulum aka tsik a kwa i sida ya, a gwa, a ta vile a kwe a gà dukw ata tserdze ya. Aɗaba taŋa, say barakwa dukw ana ŋgwala tsiye, aà ba kwa ya, dite ma ne tsəɗaŋŋa na i təv are Mbulum a. Kà barakwara dukw ana ŋgwala tsa i gəzləŋ kwa ya asa mbaŋa. Mede kwa ana ki tèkwe a ika vatwa Mbulum a, ma ge ka, kamala ana ŋgat a waya ya. Ka hənakwar à gər a bəɗ tiɓìzl lele.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

TITUS 2:7

Ama kər ka, ge dukw ana ŋgwal ŋa ya ɗekɗek pəra, na dite gà asiŋ gà gawla ata tàa fə̀r aà kər i təv gà dukw ana ki ge a ŋgwal ŋa tserdze ya ka, ti zezem a kamala biy yak ata ki ge a ya mbaŋa. I təv ana ki dzeŋge a ter a ya ka, dzeŋge a tar ndaka vatwa Mbulum nda gəzləŋ ilik ŋa. Ka ti tsik a tar aɗəm dukw ana taf masakəŋa ya tsa.

IBƏRANIKWA 11:31

Agəra megìse ana dəm duwa muva ŋa, tə zalar Rahab, a gəs Mbulum nda gəzləŋ a ka, aka be aà məməta ya. Ama i təv ana ta bats gà asiŋ gà mburma ana i fata, ta gəs ahəm aà Mbulum tsiye ka, tàa ləm aà ŋgat tsa. Aɗaba akahər ata a gəs gà mbəlakw gà Isərayel ana tə sləraha tar aà masamata ikaba təv i kwite ata ya, a ga a ma ŋgar lele, a kaha aà tar a.*ft*

IBƏRANIKWA 11:33

Agəra megìse ana ta gəs Mbulum nda gəzləŋ tserdze ya ka, ta ge gùvəl aà ahəɗ ŋgiɗ, ta mba aà tar. Ta ge dukw ana ŋgwal ŋa ndaka vatwa ŋa lele ika miɗ Mbulum a. Tàa ŋgat dukw ana Mbulum a tsik a tar i sida ya, a gwa ka, i ta vile a kurum a ya mbaŋa. Agəra megìse ata ta gəs Mbulum a ka, təts ta handaka aka bazlam a gà azil, na dite ka, ta papaɗa tar asa tsiye.*fv*

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

YAKUBA 2:14

A kurum gà damər gà, na bəla wura a gweɗe a: «Iye ka, Yàa gəs Mbulum nda gəzləŋ ga», ama a ge a dukw ana Mbulum a tsik a tsəna, megìse ŋgar ata ana, a ger a ŋgulum, a mbil a à ŋgat ɓav a?

YAKUBA 3:13

Wura a riŋ ika magər kurum metsehe ŋgar a riŋ, a sər duwa hinne ya? Na aka ge riŋ ka, mə̀ pàt à megemir ana lele, i təv mendze ŋgar ana a ndze a ya, dite ma həna à gər a bəɗ asa mbaŋa. Aɗaba aka həna à gər a bəɗ ka, gà mburma ti sir a dər, metsehe ŋgar a riŋ kaɗəŋ.