YAKUBA 2:17 - Bible Zulgo

¹⁷ Kamala taŋa ya mbaŋa na i təv megìse ana ki giswim a Mbulum a. Na ki gwim a megemir ŋa tsəka, duwa a riŋ a ge a ŋgulum tsa.

YAKUBA 2:17 ပူးပေါင်းရင်းမြစ်များ

1 Kurintiya 13:13

Aɗaba taŋa, kinehe ka, gà duwa a riŋ makər na tì ndìv a tsiye. Kamala megweɗe ya: magəsa Mbulum ana kə̀ gə̀sakwa nda gəzləŋ kwa ya, nda metìkè madzala gà gər kwa ana ki tikikwe a nda təv ŋgar a, na dite dukw tserdze a de a lele ya, nda mawàyà mburma. Ama kəla ka, mawàyà mburma na a za gà dukw ata tserdze ya.

1 Kurintiya 13:3

Ku mege wura ma dzaya aba gà limana ŋgar a fit a gà ɓəzla matawak a, kige tsa mə vəl ba ŋgar aɗaba bazlam Mbulum, ta wànà iɗəm ŋgat a tekeɗe, na a waya gà asiŋ gà mburma ŋgiɗ tsəka, taŋa ka, a ger a ŋgulum tsidze.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

1 TESALUNIKE 1:3

Kəla pat a màwa a mərra a gər a, meme na kurum ihər ki gwim a megemir ŋgwal ŋa lele, aɗaba megìse kurum ana kə̀ gəsum Yesuw Kiristi nda gəzləŋ a ya. Dite asa ka, kurum ihər ki mirwim a aba sah hinne, aɗaba ana kà wayum ŋgat a, dite ki ndzwim a ɓəŋɓəŋ lele, nda metìkè madzala gà gər kurum a təv ŋgar a.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

YAKUBA 2:14

A kurum gà damər gà, na bəla wura a gweɗe a: «Iye ka, Yàa gəs Mbulum nda gəzləŋ ga», ama a ge a dukw ana Mbulum a tsik a tsəna, megìse ŋgar ata ana, a ger a ŋgulum, a mbil a à ŋgat ɓav a?

YAKUBA 2:26

Ama ar ka, kamala ba mburma ya. Ba ana mesife iɗəm tsiye ka, a ge a ŋgulum tsa. Kamala taŋa ya, wur ana a gəs Mbulum nda gəzləŋ, dite ka, a ge a megemir ŋa tsiye ka, a ge a ŋgulum ɓav tsa mbaŋa.