YAKUBA 1:6 - Bible Zulgo

⁶ Ama say a wiz kə̀la ka, nda megìse i gəzləŋ ŋgar lele, tsəka, nda gəzləŋ sula tsa. Aɗaba wur ana madzala gà gər i gəzləŋ ŋgar pampam a ka, a ndzikiɗ ba kamala duluv yam ana himbiɗ a ɓezle a dər wàkit wàkit, a tsele akaba a ya.

YAKUBA 1:6 ပူးပေါင်းရင်းမြစ်များ

Mata 14:28

Dite Piyer a fàfəlaraha. A gwaɗar: «Batsah ga ŋa, na kər ka, gweɗiŋ dara, i dehe a a təv yak ndaka gər yam nda sik mbaŋa te.»

Gà Ɓəzla Meslire 10:20

Tar a təv tar a bəɗ, kà dəɗ aka tar, ka dum dze. Magəɗa ma gik tsa, aɗaba iye na a sləraha tar a.» A tsikar kataya ka, aɗaba wele ata a sləraha tar nda gà ɓəzla meslire ŋgar ata tserdze ya ka, tar ka, gà Yahuda tsa.

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

1 TIMUTE 2:8

kamala taŋa ya, a sèsiŋ ka, gà asləka ta hama a Mbulum i təv mayahaba gər, ku mege i ŋga tserdze. Ta heme a ka, bakal ma ge i gəzləŋ tar tsa. Matsəɓatsəɓ ana tərfə̀ɗ tərfə̀ɗ a, nda mayaha ahəm tekeɗe, ma ge riŋ tsa asa mbaŋa.

IBƏRANIKWA 10:23

Mərakwa aba aà magəsa dukw ana Mbulum a tsik a kwa, kwa ihər ki ɗifekwe a dər a mburma ya, nda gəzləŋ. Madzala gà gər kwa tekeɗe, ma ta ge wàkit wàkit tsa. Aɗaba dukw ana Mbulum a tsik i sida ya, a gwa, a vile a kwe a ya ka, a vile a ndzer kaɗəŋ, dukw ŋgar, à ses a pàrsa tsidze.

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

IBƏRANIKWA 13:9

Ka tə dzum zləm a gà dukw ana ti ɗif a kurum dər pampam, dite a de a à kurum a ika vatwa kurum ana ndzer ŋa ya tsa. Aɗaba ŋgwal ŋa ka, na ki ŋgetekewe a ndzəɗa a gəzləŋ ɓəŋɓəŋ lele i təv ŋgwal Mbulum ana a ge a kwa ya, tsəka, məpala ahəm gà mburma ana ta gweɗe a, zəm naha, kige tsa, ka zəm naaka tsiye ka, taf masakəŋa. Ki gwim gər a taŋa tsa. Medzìbe gà mburma ata ti zezem a gà dukw ata ya ka, a ge a ter a ŋgulum ɓav tsa.

YAKUBA 1:7

Ama wur ana kataya ya ka, ma ta gwa ka, i ŋget a duwa i təv Mbulum a tsa.

YAKUBA 5:15

Na tàa hama a Mbulum nda ndzer, tə sər ka, Mbulum a tsereke a meheme mər ata ka, dukw məməta ata ka, Mbulum à mèreba a à ndzəɗa, a mbiliŋa. Na bəla aka ge bakal ka, Mbulum à piler a dər mbaŋa.

2 Piyer 2:17

Gà mburma ata ti dzeŋge a bazlam pàrsa ya ka, ta bene a mburma. Tar ka, ti ndzikiɗ ba kamala biye yam ana ndèwsèlèŋŋe yam aka se iɗəm a ya. Dite ka, ti ndzikiɗ ba asa ka, kamala hulɓukw ana himbiɗ à sìweye a dər aà gəza mbulum pakàr pakàr masakəŋa, yam à dzer a iɗəm a tsiye ya. Ama tar ka, Mbulum aka làmbaɗa tar təv mawùràba ŋa ana i luvuŋ tìtìktìkka, are a da aba ya tsiye.