YAKUBA 1:4 - Bible Zulgo

⁴ Ama kə̀la ka, gwim metsehe lele, na dite ndzəɗa ata a de a aka miɗ aka miɗ, i təv dukw ana tserdze ya ya. I dəba ŋa ya, ki nwim a ŋgwal ŋa lele, ki ywim a kuɗa duwa asa tsidze ya.

YAKUBA 1:4 ပူးပေါင်းရင်းမြစ်များ

Mata 10:22

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Mata 19:20

Wele ata a gwaɗar aaka: «Iye ka, Yàa mbər megìse gà dukw ata kà tsikiŋ a tserdze, dite dukùla na a ziŋaha asa ya?»

Mata 5:48

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

Markus 10:21

Yesuw a fə̀r ahər ka, nda gà maŋgayaba lele. A gwaɗar: «Ama dukw ilik aka mətsa aà kər a i gà dukw ata ka ɗama dze ya.» A gwaɗar: «Daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya, ka dara, ka zazam iye kuɗa.»

Luka 18:22

Yesuw a tsaraka mifefile wele ata tsara ka, a gwaɗar: «Ama dukw ilik aka zeha i gà dukw ata kà ɗama dze ya.» A gwaɗar: «Daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya, ka dara, ka zazam iye kuɗa.»

Luka 21:19

Mərum aba lele, kərga taŋa ya na ki ta mbilwim a à ba kurum a.»

Luka 8:15

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

1 Kurintiya 2:6

Gà na tàa sime ika vatwa Mbulum a ka, i ɗif a ter a à dukw ana metsehe iɗəm a mbaŋa kaɗəŋ. Ama taŋa ka, metsehe gà mburma gər ahəɗ nda biy gà Əbay ana ta kwere a tar a iɗəm tsa kəla. Aɗaba ndzəɗa ata ka, à ndìv a aà tar a.

GALATIYA 6:9

Aɗaba taŋa, tàkwa aka miɗ aka miɗ nda mege dukw ana ŋgwal ŋa ya, ka ti yàkwa ba tsidze. Aɗaba na kàa yàkwa ba tsəka, aləka a təv məpàslà ahər Mbulum ana a tsik a ka, ki ta ŋgetekewe a dukw ana ŋgwal ŋa ya lele, kamala wele ana a pele a dukw ŋgar i bəɗ a ka, sik sik sik ŋgwal ŋa ya.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

2 TIMUTE 3:17

Mezite Mesife ata a ge dər kamala taŋa ya ka, na dite gà na ti ne gà mburma Mbulum a ka, ta hadzal ba aà mege dukw ana a sàs a Mbulum a. Aɗaba tàa ŋgat ndzəɗa a ahər tar, aà mege dukw ata ŋgwal ŋa ya tserdze.

IBƏRANIKWA 13:21

I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

YAKUBA 1:5

Na wura a riŋ ilik ika magər kurum, daɗəkɗəkka, a sər dukw ana a ge a ika vatwa Mbulum a tsəka, ma wiz aà Mbulum, a ɗifer a dər. Aɗaba ŋgat a vile a duwa a mburma ka, nda gəzləŋ ilik, a niw a dər tsa.

YAKUBA 3:2

Aɗaba kwa riŋ tserdze i huɗ gà dukw ŋgiɗ pampam kwa riŋ ihər ki gekwe a bakal. Ama wur ana a ge a bakal i huɗ gà bazlam ŋgar ana a tsik a ya tsəka, ŋgat na a ne ŋgwal ŋa ndzer a, ku mege i təv gà dukula ya tekeɗe. Ŋgat ka, a sle a aà makàslà ba ŋgar i təv gà duwa ya tserdze mbaŋa.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

2 Piyer 1:9

Ama na wura a ge a gà dukw ata tsəka, a sər BATSAH kwa ŋa tsa. Ŋgat a ne ka, kamala mala guluf ana a ŋget a a duwa ka, zimirmir pəra ya. Ŋgat ka, məpəla à bakal ŋgar ana Mbulum a pə̀lar dər piŋŋe ya ka, aka mətsar gər na taŋa ya.