YAKUBA 1:26 - Bible Zulgo

²⁶ Na wura ika magər kurum, aka ne à ba ŋgar mala ndzer ŋa, a gweɗe a, iye mala mazazama Mbulum, ama na aka ge metsehe a gà bazlam ana a dere a ika arah ŋgar a tsəka, a bana ba ŋgar nda mazazama Mbulum masakəŋa taf.

YAKUBA 1:26 ပူးပေါင်းရင်းမြစ်များ

Mata 15:9

Meheme tar ana ta hemiŋ a ya ka, taf masakəŋa. Aɗaba ti dzeŋgewa a mburma ka, məpala ahəm mburma, tsəka, biy gà tsa.> «*fb*

Markus 7:7

Meheme tar ana ta hemiŋ a ya ka, taf masakəŋa. Aɗaba ti dzeŋgewa a mburma ka, məpala ahəm mburma, tsəka, biy ga tsa.> «*fa*

Luka 8:18

I dəba bazlam ata ya ka, a gwaɗa a tar asa: «Gwim metsehe a dukw ana ki tserekwim a ya, ka ti nwim dər ka, dukw pàrsa tsa. Aɗaba wur ana à gis a bazlam gà ana i tsik a ya ka, Mbulum tekeɗe, à sikehe a à megìse ŋgar ata, à zè a taŋa. Wur ana aka gəs tsiye ka, Mbulum ibam, à nikiɗ a à ŋgat mbaŋa asa.»

1 Kurintiya 15:15

Na mege kataya ka, taŋa mì sasa pàrsa aà Mbulum, aɗaba ana maa mbər metsike a mburma parakkà, Mbulum aka mbəlara à Kiristi i məməta ya ya, tsaatsa, pàrsa ya. Ama na Mbulum a mbilere a à mburma i məməta ya tsəka, taŋa ka, aka mbəlara à Kiristi iɗəm ɓav tsa mbaŋa.

1 Kurintiya 15:2

Ŋgwal bazlam ata ka, biy na Mbulum a mbil a dər à kurum a, na bəla kurum ihər ki dwim a dər aka miɗ aka miɗ nda magəsa ŋa nda gəzləŋ ilik, kamala ana i tsik a kurum a ya. Na kataya tsəka, megìse kurum ata a ne a taf masakəŋa.

1 Kurintiya 3:18

Wura ilik ma ta bana ba ŋgar tsa. Na wura a gweɗe a: Waytsà iye ka, mala metsehe kamala biy gà mburma gər ahəɗ aaha ta ŋgat a ka, ma ne kamala wur ana a sər duwa tsiye, ika magər kurum a ivaɗ, na dite ka, a ŋget a metsehe ndzer ŋana ya.

GALATIYA 2:6

I təv ana i ɗifewa a tar à bazlam ŋgwal ŋa ata i tsikewa ya ka, gà na ta fə̀rawa aà tar kamala gà bàba ŋa ika magər gà mburma Mbulum a ka, tàa tsikiŋ aaka bazlam ŋgiɗ awiya ŋa tsidze. Ama ku mege tar gà bàba ŋa, mege tar gà ɓəzla dəba tekeɗe ana, əla gà te ya. Aɗaba gà mburma tserdze ika miɗ Mbulum ka, ilik, tsəka, pampam tsa.

GALATIYA 2:9

Gà Zakup nda Piyer, nda gà Yuhana ana ta fə̀rawa aà tar kamala gà bàba ŋa ika magər tar a ka, tar tə sər, Mbulum na a viliŋ megemir ata a ahər nda ndzer a. Aɗaba taŋa na ta vəl a mər ahər nda Barnabas ədəts lele, kamala megweɗe ya ka: Mege megemir mər ka, ilik na mi ŋgeyer ba ya. Mər nda gà tar na mì dza akaba bazlam, mì gwa, mìi de a, mìi ta ge a megemir ika magər gà na gà Yahuda tsiye ya. Ama tar ka, tə da a təv gà Yahuda.

GALATIYA 3:4

Mbulum aka pise a kurum ahəm nda təv gà dukw ŋgiɗ pampam, dite gà dukw ŋgiɗ ibam, tàa ge a kurum ba a gər hinne asa mbaŋa. Wànà kà dzalum dze ana, gà dukw ata ta geye ba ana, taf masakəŋa ya? Awaŋ, aɗaba i sər ndzer, gà dukw ata ta geye ba ya ka, a ne a taf masakəŋa tsa.

GALATIYA 6:3

Na wura aka fə̀r aà ba ŋgar kamala ana ŋgat batsah ŋa ya, ama tsaatsa ka, mburma taf masakəŋa, a sle a aà duwa tsa, taŋa ka, a riŋ a bene a ba ŋgar ivaɗ.

EFESIYA 4:29

Mifefile ana ŋgwal ŋa tsiye ka, ma tə dara i bazlam kurum a tsa. Say ki tsikwim a ka, bazlam ana à zlèk a gà mìsle ŋgiɗ, aà masəkaha à megìse tar ika vatwa Mbulum a ivaɗ, dite na a vile a vatwa aà dukw ana a ge a ŋgulum a gà na tar riŋ tì dzer a zləm a.

EFESIYA 5:4

A da dər tsa na ki ɗivwim a zləm a gà tsàpà, nda gà rawraw bazlam ana biy metsike tsiye. Ama say gwim kəkaaha ka, a Mbulum ivaɗ, aɗaba ŋgwal ŋgar ana a ge ya.

KULUSIYA 4:6

Bazlam kurum ana ki tsikwim a ter a ya, ma ge ka, himmè lìfèɗìɗe lele, dite ka sərum dər mbaŋa ka, meme na ki fèfilwim a ter aaka a lele, a gà na ta wiz aà kurum a bazlam a ya.

YAKUBA 1:19

A kurum gà damər gà ana i waya kurum hinne ya. Tsarakum dukw ana i tsik a kurum a ya, dukw ilik ma ta məts a kurum gər tsa: Ku weke mà dza zləm a dukw ana ti tsiker a ya dzekwiŋ. Ama ma dzala dukw ana a tsiker a ika arah ŋgar a lele, dite ma tsik kuɗa. Mà gəs gəzləŋ i təv matsəɓatsəɓ ana a dere a i gəzləŋ ŋgar a mbaŋa.

YAKUBA 1:22

Ama ka tə dzalum matsaraka bazlam Mbulum ka, nda zləm ɗekɗek tsa. Say ki gwim a dukw ana a tsik a kurum a ya mbaŋa.

YAKUBA 2:20

Kər ana metsehe yak a riŋ ba ya? Meme na ki ɗiŋ a à wur ana a gweɗe a: «Yàa gəs Mbulum», ama ka, a ge a dukw ana ŋgwal ŋa ya tsa, dze ana, wànà megìse ŋgar ata ana, a ge a ŋgulum a?

1 PIYER 3:10

Aɗaba ta wetse i wakita Mbulum ka, ta gwa: «Na wura aka sasar mendze ana ŋgwal ŋa ya, nda gà bəla a waya maŋgayaba ka, say a miyek a à metsìkè dukw ana ŋgwal ŋa tsiye, mà sàs pàrsa aà mburma tsa asa.