YAKUBA 1:22 - Bible Zulgo

²² Ama ka tə dzalum matsaraka bazlam Mbulum ka, nda zləm ɗekɗek tsa. Say ki gwim a dukw ana a tsik a kurum a ya mbaŋa.

YAKUBA 1:22 ပူးပေါင်းရင်းမြစ်များ

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Luka 11:28

Ama Yesuw a gwaɗar aaka: «Seyiŋ tsa ivaɗ, maŋgayaba ka, ika gər gà mburma ana ti tsereke a bazlam Mbulum, ta gis ahər a ahəm lele ya.»

Yuhana 13:17

Kinehe ka, kà sərum taŋa. Maŋgayaba ika magər kurum ka, hinne, na kàa tikwim gər a guma aaha ya.

RUMA 2:13

Aɗaba mburma a ne a ŋgwal ŋa ika miɗ Mbulum ka, nda matsaraka məpala ahəm nda zləm ɗekɗek tsa. Say nda magəsa ahəm aà dukw ana məpala ahəm ata a tsik a mbaŋa.

1 Kurintiya 15:33

Aɗaba taŋa, ka banum ba kurum tsa. Sərum dər ka, na ki ndzwim a i təv ilik ŋa nda gà na ta ge a bakal a ka, kurum tekeɗe, ki dìɗwim a a bakal bise, kamala tar a mbaŋa. Ti nis a à mede kurum ana ŋgwal ŋa ya.

1 Kurintiya 3:18

Wura ilik ma ta bana ba ŋgar tsa. Na wura a gweɗe a: Waytsà iye ka, mala metsehe kamala biy gà mburma gər ahəɗ aaha ta ŋgat a ka, ma ne kamala wur ana a sər duwa tsiye, ika magər kurum a ivaɗ, na dite ka, a ŋget a metsehe ndzer ŋana ya.

1 Kurintiya 6:9

Kurum kà sərum ndzer: gà na ta gewa dukw ana ŋgwala tsiye ka, ta ŋget a təv mendze i *mekwere Mbulum ana a ta kwere a ya tsidze. Ka banum ba kurum tsa, sərum dər: gà mburma ana ta gewa mezelme nda təv muva ya, nda gà na ti dze a gurmits a bəɗ a dukw ana tə zalar mbulum tar a, nda gà na ta gewa muva ya, nda gà na ta waya mehinneha aà gà asləka ŋgiɗ kamala gà zal nda məkəs a,

GALATIYA 6:3

Na wura aka fə̀r aà ba ŋgar kamala ana ŋgat batsah ŋa ya, ama tsaatsa ka, mburma taf masakəŋa, a sle a aà duwa tsa, taŋa ka, a riŋ a bene a ba ŋgar ivaɗ.

GALATIYA 6:7

Ka banum ba kurum tsa, aɗaba wura a riŋ ilik a we a ahəm nda Mbulum tsidze. Aɗaba dukw ana mburma a slige a ya ka, say dukw ata mbaŋa na a mère a à ba ŋgar, ti ta pele a i bəɗ a.

FILIPIYA 4:8

Gà damər gà, araha na dukw ana a zeha aà metsike a kurum a: Dzalum aka dukw ana ŋgwal ŋa, mburma tə zləbawa dər a, nda gà aka dukw ana ndzer, ki dzèkwer a gurmits a bəɗ a asa, dite aka dukw ana pàrsa iɗəm tsa, tsəɗaŋŋa lele, gà dukw ana a tsahən aà mburma, tə zàmbaɗawa dər a asa mbaŋa. Gwim metsehe a mege gà dukw ata.

KULUSIYA 3:17

Dukw ana ki gwim a ya, ndəna ki tsikwim a tserdze ya ka, gwim nda zləm Yesuw Kiristi BATSAH kwa ŋa. Ki gwim kəkaaha a Mbulum Tsir kwa nda zləm ŋgar mbaŋa.

2 TIMUTE 3:13

Taŋa gà mburma ana ta gewa duwa ŋgwala tsiye, nda gà na ta bene a mburma nda pàrsa ya ka, tì sìrìk a tsàkàlàk i təv Mbulum a, ti de a dər aka miɗ aka miɗ. Ta bene a gà mìsle ŋgiɗ, dite tar ŋa tekeɗe, gà mìsle ŋgiɗ aaha ta bene aɗəm a tar ŋa mbaŋa.

TITUS 3:3

Aɗaba akahər ata ka, kwa tekeɗe, metsehe kwa a riŋ tsa mbaŋa, kə̀ gə̀sakwa ahəm tsa, kàa dzeyekwa ika vatwa ndzer ŋana ya. Kà nekwa ka, gà ɓele dukw ana ba kwa a waya ya ɗekɗek. Kwa mandza ŋa ka, gà ɓəzla swalwa. Ki gewakwa are aka dukw mburma. Gà mìsle ŋgiɗ tàa nekwa are ka, kwa tekeɗe, kàa nekwa a tar aɗəm are mbaŋa.

YAKUBA 1:26

Na wura ika magər kurum, aka ne à ba ŋgar mala ndzer ŋa, a gweɗe a, iye mala mazazama Mbulum, ama na aka ge metsehe a gà bazlam ana a dere a ika arah ŋgar a tsəka, a bana ba ŋgar nda mazazama Mbulum masakəŋa taf.

YAKUBA 4:11

Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?

YAKUBA 4:17

Aɗaba taŋa, na wura a sər naha ka, dukw ana ŋgwal ŋa ya, ama a ge a taŋa tsəka, a ge a ka, bakal.

2 Piyer 2:13

Mbulum a vile a ter a mesewere are kamala na tar ti sèwèr a gà mburma ya mbaŋa. Gà mburma ata, a sàs a tar ka, mazəma gər ahəɗ, nda mazazama meèweke ba tar ɗekɗek pəra. Ku mege nda pat ndərzayya ika miɗ mburma tekeɗe ka, ta ge a kataya pəra. Mendze tar ana ti ndze a ŋgwal ŋa tsiye ka, à nis a à zləm kurum. I təv ana tar mandza ŋa i təv kurum, ki zimwim akaba a dukw mezime i təv ilik ŋa ya ka, ti ndeɗe aka kurum a hwarwa masakəŋa. Ta bene a kurum nda wirwir. Tar ka, ta ŋgeye a ba hinne, agəra mibene tar ata ta bene a kurum a.

1 Yuhana 1:8

Na kwa ihər ki gweɗekwe a, mər ka, gà ɓəzla ndzer ŋa, bakal a riŋ i təv mər tsəka, taŋa ka, ki benekwe a ba kwa, ndzer ŋa a riŋ i təv kwa tsidze.

1 Yuhana 2:3

Na ki gekwe a dukw ana Mbulum a tsik a kwa ya ka, taŋa na a ɗif a kwa dər ka, ka sərakwa dər ŋgat ndzer kaɗəŋ a.

1 Yuhana 3:7

Gà ɓəza gà, wura ma ta paza a kurum za tsa. Aɗaba wur ana a gewa bakal tsiye ka, ŋgat na mala ndzer ŋa ika miɗ Mbulum kamala Kiristi ana ŋgat mala ndzer ŋa ika miɗ Mbulum mbaŋa ya.

3 Yuhana 1:11

Masla gà ana i waya kər hinne ya. Kər ka, ka tə zazam mede gà mburma ana gà ŋgwal ŋa tsiye tsa. Say zazam ka, dukw ana ŋgwal ŋa ya ivaɗ. Aɗaba wur ana a gewa duwa ŋgwal ŋa ya ka, aka ne mburma Mbulum. Ama wur ana a gewa dukw ana ŋgwal ŋa tsiye ka, ŋgat ka, aka sər Mbulum zukw tsa.

Sunwa Yuhana 12:9

Ti yàra iɗəm batsah kə̀rəm ata a bəra ya. Ŋgat ka, miviye mesiwiɗ ana akahər ata a banawa ɗa gà mburma ika gər ahəɗ a. Tə zalar ka, Əbay sitene, kige tsa *Sadan. Kùtsùkw ti yàra iɗəm ŋgat aka gər ahəɗ a, tə dzara à tar a ka, nda gà gawla ŋgar ata ya tserdze.

Sunwa Yuhana 22:7

Yesuw a gwa: «Tsarakum, dzum zləm lele. Iye ka, Yàa à mimèra bise. Maŋgayaba ika gər gà na ta gis a ahəm aà gà bazlam ana i huɗ wakita aaha ya, aɗaba Mbulum na a ɗif dər a.»