YAKUBA 1:19 - Bible Zulgo

¹⁹ A kurum gà damər gà ana i waya kurum hinne ya. Tsarakum dukw ana i tsik a kurum a ya, dukw ilik ma ta məts a kurum gər tsa: Ku weke mà dza zləm a dukw ana ti tsiker a ya dzekwiŋ. Ama ma dzala dukw ana a tsiker a ika arah ŋgar a lele, dite ma tsik kuɗa. Mà gəs gəzləŋ i təv matsəɓatsəɓ ana a dere a i gəzləŋ ŋgar a mbaŋa.

YAKUBA 1:19 ပူးပေါင်းရင်းမြစ်များ

Mata 5:22

Ama iye ihər i gweɗe a kurum a nda ndzer: Na wura aka ge arəv aà damər ŋgar ka, ta ger a seriye asa mbaŋa. Dite asa ka, wur ana a gweɗe a a damər ŋgar, kər ka, ndzə̀fakkà, metsehe yak a riŋ tsiye ka, ti ta ge a seriye ŋgar ka, biy ana à mère a a dəba ya asa tsiye. Ama ku weke na a ndeveye a a damər ŋgar pìslìɗìɗe, a gweɗere a, kər ka, ndìrɓek kàa dzeye ika miɗ Mbulum a ka, bazlam ŋgar ata a tsiker a ka, biy maya ahər ŋgat a akwa ana a mbete a tsa aà biybiy a ide.

Markus 12:37

Ama Dawda nda gər ŋgar ka, a zalar Batsah ga ŋa seyiŋ ka, dite meme na ta gweɗe a ka, kəla ŋgar asa ya?» Gà mburma ana i təv ŋgar a ka, tə dza zləm a guma ŋgar ata lele, aɗaba a da a tar a gər hinne.

Markus 2:2

tə daha, ti yaha ba gər hinne a ma ŋgar ndaka biye hərmaga ŋa dze, aɗaba təv mendze a sle a tar tsa. Yesuw a dza ba aà metsìkè a tar guma ŋgar.

Luka 15:1

A pat duwa ka, gà ɓəzla duwan nda gà asiŋ gà mburma ana i liwiŋ tar, meɗè zləm tar ŋgwala tsiye hinne, tə daha a təv Yesuw. Tə daha ka, aà medzè zləm a dukw ana a tsik a ya.

Luka 19:48

Ama tə sər meme na mìi ŋget a vatwa aà magəsa ŋa ya tsa, aɗaba ana gà mburma a riŋ hinne i təv ŋgar, ti dze a zləm a bazlam ŋgar ana a tsik a ter a ika arah a, lele nda metsehe ya.

Gà Ɓəzla Meslire 1:15

A pat ŋgiɗ duwa, i təv ana gà ɓəzla magəsa Yesuw nda gəzləŋ ti yahaba gər, ti sle a dərməka nda dzik səla ya ka, Piyer a hitse aà mbulum i magər tar. A gwaɗa a tar:

Gà Ɓəzla Meslire 10:33

Aɗaba taŋa na i slər aka kəraha mburma tsara ya. Ama kər tekeɗe ka, kàa gasa aba tsa, kàa dara tsara kaɗəŋ. Kinehe ka, mər tserdze mayahaba gər ŋa ika miɗ Mbulum, mìi veve a matsaraka dukw ana BATSAH kwa ŋa a gwaɗak, ti tsik a mər a, mìi tserekiŋa.»

Gà Ɓəzla Meslire 13:48

Aləka gà mburma ana tar gà Yahuda tsiye, tə tsaraka mifefile ata ka, ta ŋgaya ba hinne, dite tə dza ba aà mazàmbàɗà à bazlam Mbulum BATSAH kwa ŋa. Ama gà mburma ana Mbulum a pala tar, a vile a ter a mesife ana à ndìv a tsa aà biybiy ya ka, ta gəs bazlam ata nda gəzləŋ ilik tsara.

Gà Ɓəzla Meslire 17:11

Ama gà mburma ana i fataya ka, gà ŋgwal ŋa, tə za gà Yahuda ana i Tesalunike ya, nda metsehe. Aɗaba tar ka, tə dza zləm a bazlam Mbulum lele. Kəla pat ti dzeŋgewa wakita Mbulum, aà mesire dər ka, wànà dukw ana Pul a tsikewa iɗəm ana ndzer a.

Gà Ɓəzla Meslire 2:42

Tar ata tserdze ya, tə dzawa zləm a guma ana gà ɓəzla meslire Mbulum ata ti ɗifewa a tar dər a ka, lele nda metsehe. Tə ndzawa ba ka, say i təv ilik ŋa. Tə zəmawa ɗaf tekeɗe, i təv ilik ŋa asa. Dite ta hamawa aà Mbulum tekeɗe ka, i təv ilik ŋa asa mbaŋa.

EFESIYA 4:26

Na duwa aka tsəɓ a kurum aà ba ka, pə̀lum aba dər tsara, tsəka, pat mà dəɗ ahər, ka tə də̀ɗum a bakal tsa.

EFESIYA 4:31

Miyakum à məpala ba ahəm ana ika magər kurum a, gəzləŋ ma tərfə̀ɗ a kurum nda matsəɓatsəɓ asa tsa. Ama ki gwim maàga asa tsa. Mendeve ibam, ma ta ge ika magər kurum ɓav tsa asa. Ama ka, ka ta gwim ba swalwa ɓav tsa asa.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

KULUSIYA 3:8

Ama kinehe ka, miyakum aba à gà dukw ata tserdze ya: Gà matsəɓatsəɓ nda gà dukw ana ta wir aà kurum a tərfə̀ɗ tərfə̀ɗ a, nda mene are a gà mìsle ŋgiɗ. Ka tə ndavayum a gà mìsle ŋgiɗ tsa, dite ka tsikwim manəsa bazlam aà wura tsa asa mbaŋa.

1 TESALUNIKE 2:13

Mìi misek a à mege kəkaaha a Mbulum tsidze, aɗaba akahər ana mì ɗif a kurum à bazlam Mbulum a ka, kàa gəsum kamala taŋa ya. Kurum kà sərum, bazlam ata a dara ka, i təv Mbulum a, tsəka, bazlam gà mburma ana taf masakəŋa ya tsa. Ndzer kaɗəŋ, bazlam ata ka, biy Mbulum dukw ŋgar. Ar ka, ndzəɗa ŋa, a ge a megemir i ba kurum ana kurum gà mburma Mbulum a.

YAKUBA 1:16

Ama kinehe ka, a kurum gà damər gà ana i waya kurum hinne ya, kà dàɗum a ba à gər tsa.

YAKUBA 1:2

A kurum gà damər gà ana ika vatwa Mbulum a. Na bəla gà dukw mesewere are ana ti dzik a à kurum pampam a, tàa le aà kurum ka, ŋgeywim ba ivaɗ.

YAKUBA 1:26

Na wura ika magər kurum, aka ne à ba ŋgar mala ndzer ŋa, a gweɗe a, iye mala mazazama Mbulum, ama na aka ge metsehe a gà bazlam ana a dere a ika arah ŋgar a tsəka, a bana ba ŋgar nda mazazama Mbulum masakəŋa taf.

YAKUBA 2:1

A kurum gà damər gà, na kàa gəsum Yesuw Kiristi BATSAH kwa ŋana a za gà dukw tserdze, tì zlibe a dər a ka, ka ta walum ikaba mburma ya tsa.

YAKUBA 2:5

Kurum gà damər gà ana i waya kurum hinne ya, tsarakum. Aɗaba Mbulum a pala gà ɓəzla matawak ata ika gər ahəɗ a ka, dite ta ŋgat dukw ana ŋgwal ŋa ya, agəra megìse ana ta gəs Yesuw Kiristi ya. Mbulum a ta vile a ter a mekwere Əbay ŋgar ana a gwa i sida ya, i ta vile a a gà mburma ana ta waya iye ya.

YAKUBA 3:10

Bazlam mazàmbàɗà aà Mbulum nda biy mandàvàyà a mburma fit dze a dara ka, ika arah ŋa ya ilik dze ana, meme, gà damər gà? Kataya ka, a ge a ba tsidze, na taŋa ya.

YAKUBA 4:11

Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?

YAKUBA 5:12

Gà damər gà, bazlam ana batsah ŋa ka, araha: I təv ana bəla ki tsikwim a duwa i sida ya ka, ka ta mbaɗum tsidze. Ka ta mbaɗum nda zləm Mbulum tsa asa. Ku mege nda zləm gər ahəɗ, kige tsa nda zləm gà duwa ŋgiɗ pampam tekeɗe, ka ta mbaɗum dər tsa. Na bəla bazlam ana kàa gwaɗum aaka «haya» ka, ki gweɗwim a «haya» pəra. Kige tsa kàa gwaɗum «awaŋ» ka, ma ndisl aka taŋa pəra. Ma tə za i gər a taŋa ya tsa, tsəka, ki bwim a i seriye Mbulum ana a ge a ya tsa.

YAKUBA 5:19

Gà damər gà, na wura ika magər kurum a aka dəɗ ika vatwa Mbulum a ka, mìsle ŋgiɗ ma daha, mə̀ mà aakara à ŋgat a asa.

1 Yuhana 2:21

I wetse a kurumaha ka, agəra ana kà sərum gà dukw ndzer ŋana zukw tsiye tsa. Seyiŋ tsa, i wetse a kurumaha ka, agəra ana kà sərum a ivaɗ. Ama kà sərum gà ndzer nda pàrsa ka, ti sle aà megewe a ba a təv ilik ŋa tsa mbaŋa.