YAKUBA 1:16 - Bible Zulgo

¹⁶ Ama kinehe ka, a kurum gà damər gà ana i waya kurum hinne ya, kà dàɗum a ba à gər tsa.

YAKUBA 1:16 ပူးပေါင်းရင်းမြစ်များ

Mata 22:29

Ama i dəba ŋa ya, Yesuw a gwaɗa a tar aaka: «Kurum ka, kà sərum duwa tsa. Aɗaba la? Wànà kà sərum dukw ana i wakita Mbulum a tsiye, dite kà sərum ndzəɗa Mbulum tsa asa ya?

Markus 12:24

Ama Yesuw a gwaɗa a tar aaka: «Kurum ka, kà sərum duwa tsa. Aɗaba la, wànà kà sərum dukw ana i wakita Mbulum a tsiye, dite kà sərum ndzəɗa Mbulum tsa asa ya?

Markus 12:27

A tsik taŋa ka, a gà mburma ana tar riŋ ti ndze a aà bəra hiywe ya, ku mege na tàa mata tekeɗe ya. Aɗaba Mbulum ka, biy gà mburma ana tar riŋ ti ndze a aà bəra hiywe ya, tsəka, biy gà məməta tsa. Kərga taŋa ya, kurum ka, kàa sərum bazlam gà məməta tsidze.»

Gà Ɓəzla Meslire 1:15

A pat ŋgiɗ duwa, i təv ana gà ɓəzla magəsa Yesuw nda gəzləŋ ti yahaba gər, ti sle a dərməka nda dzik səla ya ka, Piyer a hitse aà mbulum i magər tar. A gwaɗa a tar:

1 Kurintiya 6:9

Kurum kà sərum ndzer: gà na ta gewa dukw ana ŋgwala tsiye ka, ta ŋget a təv mendze i *mekwere Mbulum ana a ta kwere a ya tsidze. Ka banum ba kurum tsa, sərum dər: gà mburma ana ta gewa mezelme nda təv muva ya, nda gà na ti dze a gurmits a bəɗ a dukw ana tə zalar mbulum tar a, nda gà na ta gewa muva ya, nda gà na ta waya mehinneha aà gà asləka ŋgiɗ kamala gà zal nda məkəs a,

GALATIYA 6:7

Ka banum ba kurum tsa, aɗaba wura a riŋ ilik a we a ahəm nda Mbulum tsidze. Aɗaba dukw ana mburma a slige a ya ka, say dukw ata mbaŋa na a mère a à ba ŋgar, ti ta pele a i bəɗ a.

FILIPIYA 2:12

A kurum gà masla gà ana i waya kurum hinne ya. Agəra ana kà sərum meme na Yesuw a gəs ahəm aà Mbulum a ka, kurum tekeɗe, gəsum ahər mbaŋa. Akahər ana iye i təv kurum a ka, kàa gəsum ahər ahəm lele. Ama kinehe, iye riŋ i təv kurum asa tsa tekeɗe ka, ki sìkèhwim a à metsehe, ki gwim a kataya hiywe. Kamala megweɗe ya: Mimbile ana Mbulum a mbəl à kurum a ka, say ki gwim a megemir ŋa nda ahər kurum ŋa mbaŋa. Ki gwim a ka, nda magəɗa Mbulum i ba slàɓ slàɓ, ki mirwim ahər aba a dzəŋdzəŋ lele.

FILIPIYA 4:1

Aɗaba taŋa, gà damər gà ana i waya kurum hinne ya, ndzum ka, nda gà ndzəɗa ɓəŋɓəŋ lele, na i huɗ mendze kurum ana kurum mandza ŋa i təv ilik ŋa nda gà BATSAH kwa ŋa ya. I waya kurum hinne, ki kìvwimiŋŋa, a sèsiŋ na i ŋget a kurum a asa ya. Iye ihər i ŋgeye a ba aɗaba kurum. Kurum kà nwim ka, gà ɓəzla sida megemir gà ana i ge ŋgwal ŋa ya.

KULUSIYA 2:4

Iye ihər i tsik a kurum a gà dukw ata ka, aɗaba wura ma ta bana kurum nda himmè bazlam, nda wirwir tsa.

KULUSIYA 2:8

Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.

2 TIMUTE 2:18

Tar ka, tàa miyak à vatwa ndzer ŋana. Ta gwa: «Mimbile kwa ana ki mbilekwe a i məməta ya ka, aka mbər mege ba aka ndəv.» Tsaatsa, pàrsa. Kamala taŋa ya, ti dzeye a ka, à mburma ika vatwa Mbulum a hinne.

IBƏRANIKWA 13:1

Wayum ba ilik ilik tserdze ika magər kurum, ma da aka miɗ aka miɗ, aɗaba kurum ika vatwa Yesuw ka, kurum nda gà damər.

YAKUBA 1:19

A kurum gà damər gà ana i waya kurum hinne ya. Tsarakum dukw ana i tsik a kurum a ya, dukw ilik ma ta məts a kurum gər tsa: Ku weke mà dza zləm a dukw ana ti tsiker a ya dzekwiŋ. Ama ma dzala dukw ana a tsiker a ika arah ŋgar a lele, dite ma tsik kuɗa. Mà gəs gəzləŋ i təv matsəɓatsəɓ ana a dere a i gəzləŋ ŋgar a mbaŋa.

YAKUBA 1:2

A kurum gà damər gà ana ika vatwa Mbulum a. Na bəla gà dukw mesewere are ana ti dzik a à kurum pampam a, tàa le aà kurum ka, ŋgeywim ba ivaɗ.

YAKUBA 2:1

A kurum gà damər gà, na kàa gəsum Yesuw Kiristi BATSAH kwa ŋana a za gà dukw tserdze, tì zlibe a dər a ka, ka ta walum ikaba mburma ya tsa.

YAKUBA 2:14

A kurum gà damər gà, na bəla wura a gweɗe a: «Iye ka, Yàa gəs Mbulum nda gəzləŋ ga», ama a ge a dukw ana Mbulum a tsik a tsəna, megìse ŋgar ata ana, a ger a ŋgulum, a mbil a à ŋgat ɓav a?

YAKUBA 2:5

Kurum gà damər gà ana i waya kurum hinne ya, tsarakum. Aɗaba Mbulum a pala gà ɓəzla matawak ata ika gər ahəɗ a ka, dite ta ŋgat dukw ana ŋgwal ŋa ya, agəra megìse ana ta gəs Yesuw Kiristi ya. Mbulum a ta vile a ter a mekwere Əbay ŋgar ana a gwa i sida ya, i ta vile a a gà mburma ana ta waya iye ya.

YAKUBA 3:1

Gà damər gà, gà mburma ana ika magər kurum a fit tsa na ti ti ne a gà ɓəzla meɗìfè à bazlam Mbulum i ga Mbulum a mburma ya. Aɗaba kà sərum, seriye ana ti ta ge a à kwa, a kwa ana ki ɗifekwe a à guma Mbulum a ka, mawura ba ŋa, à zè a biy gà asiŋ gà mìsle ŋgiɗ.

YAKUBA 3:10

Bazlam mazàmbàɗà aà Mbulum nda biy mandàvàyà a mburma fit dze a dara ka, ika arah ŋa ya ilik dze ana, meme, gà damər gà? Kataya ka, a ge a ba tsidze, na taŋa ya.

YAKUBA 4:11

Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?

YAKUBA 5:12

Gà damər gà, bazlam ana batsah ŋa ka, araha: I təv ana bəla ki tsikwim a duwa i sida ya ka, ka ta mbaɗum tsidze. Ka ta mbaɗum nda zləm Mbulum tsa asa. Ku mege nda zləm gər ahəɗ, kige tsa nda zləm gà duwa ŋgiɗ pampam tekeɗe, ka ta mbaɗum dər tsa. Na bəla bazlam ana kàa gwaɗum aaka «haya» ka, ki gweɗwim a «haya» pəra. Kige tsa kàa gwaɗum «awaŋ» ka, ma ndisl aka taŋa pəra. Ma tə za i gər a taŋa ya tsa, tsəka, ki bwim a i seriye Mbulum ana a ge a ya tsa.

YAKUBA 5:19

Gà damər gà, na wura ika magər kurum a aka dəɗ ika vatwa Mbulum a ka, mìsle ŋgiɗ ma daha, mə̀ mà aakara à ŋgat a asa.