YAKUBA 1:14 - Bible Zulgo

¹⁴ Ama say madzala gà gər ana ŋgwal ŋa tsa, i gəzləŋ mburma ya ivaɗ na a beze a za a mburma aà mege bakal a.

YAKUBA 1:14 ပူးပေါင်းရင်းမြစ်များ

Mata 15:18

Ama dukw ana a dere a i bazlam a ivaɗ na a dara i gəzləŋ a, dite ka, a nis a à mburma ya.

Mata 15:20

Say medzibe gà dukw ata na a nis a à mburma ya, tsəka, mazəma dukw mezime ana ze məbàrà ahər a ka, a nis a à mburma tsa.»

Mata 4:1

I dəba mifefile ata ya tsara ka, Mezite Mesife Mbulum a da à Yesuw a kusak diriŋ, dite ka, Əbay sitene ma dzik riŋ à ŋgat i fata.

Mata 5:28

Ama iye ihər i gweɗe a kurum ŋa: Na wura aka fə̀r aà məkəs mburma, aka ge aaka are i gəzləŋ ŋgar ɓìlè ɓìlè ka, aka ge muva tsara na taŋa ya.

RUMA 7:11

I təv ana kà tsarakukwa məpala ahəm ata ya ka, bakal a yahawa vatwa aà məbànà kwa, dite kàa gekwa ka, a bets a kwa kuɗa.

RUMA 7:13

Dite na kataya ana, dukw ata ŋgwal ŋa lele ya, na a bats kwa ya ivaɗ a? Awaŋ, kataya tsa. Ama ka, dukw bakal na a bets a kwa ya ivaɗ. Aɗaba dukw bakal ata a ge megemir nda dukw ŋgwal ŋa ata, a bets a dər kwa ya. A ge ba kataya ka, na dite kà sərakwa dər lele, naha ka, bakal kaɗəŋ a. Aɗaba Mbulum a tsik məpala ahəm ŋgar ata ka, a sasar na bakal mə pàt aba ndərzayya kamala dukw ana ŋgwal tsa ndeyndey a ya.

EFESIYA 4:22

Kamala taŋa ya, miyakum à mede ana kà zazamawum ɗa akahər ata ya. Aɗaba mede ata ka, a nəsawa a kurum à gəzləŋ, agəra gà meèweke ana ta bazawa a kurum za ya.

IBƏRANIKWA 3:13

Màyum baha à arəv ilik ilik ika magər kurum tserdze kəla pat seyiŋ ivaɗ, na dite duwa ilik a beze a kurum a za asa tsiye, dite ka, ki gwim a bakal, ka tsalum ba à segeme a gər tsa asa ya. Zazamum bazlam ata kəla pat i təv ana Mbulum riŋ à fèfilekwe a tə̀ma seyiŋ mbakum a.

YAKUBA 1:13

Na duwa aka dzik à wura ka, ma ta gwa ka, Mbulum na a dzik à iye ya tsa. Aɗaba wura a sle a aà məbàzà za a Mbulum aà dukw ana ŋgwal ŋa tsiye tsa. Dite Mbulum tekeɗe, a beze a za a wura aà mege dukw ana ŋgwal ŋa tsiye tsa asa mbaŋa.

YAKUBA 1:15

Aɗaba na meèweke madzala gà gər ata aka rah a gəzləŋ ka, a we a bakal. Dite i dəba ŋa ya, bakal ata aka səkah ka, ki mìt a kuɗa.