YAKUBA 1:10 - Bible Zulgo

¹⁰ Ama mala mazazama Mbulum ana limana ŋgar a riŋ hinne ya tekeɗe ka, ma ŋgaya ba mbaŋa, aɗaba Mbulum aka mà à ŋgat a bəɗ, aka vəlar aɗəm dukw ana ŋgwal ŋa ya ivaɗ. Aɗaba mala limana ka, ti dzeye akaba a nda limana ŋgar kamala mibezè kwizir ana a bize a ya.

YAKUBA 1:10 ပူးပေါင်းရင်းမြစ်များ

Mata 5:3

A gwaɗa a tar: «Maŋgayaba i təv gà mburma ana kinehe, tə sər, mər ka, gà ɓəzla matawak ika miɗ Mbulum taluw taluw a, aɗaba tar ka, ti ti ndze a nda gà Mbulum i mekwere ŋgar.

Mata 6:30

Aɗaba taŋa, na Mbulum a riŋ ihər à dìweye a gà gər gà kwizir ana i dala ya lele, a biziŋa, ama ndidwe ŋana ka, ta wene a tsara dze seyiŋ ana, sakwàn kurum a. A dìweye a kurum ana, à zè a taŋa tsiye, na kurum ana kə̀ gəsum iye nda gəzləŋ kwizikw a.

1 Kurintiya 7:31

Gà na ta ge a megemir nda dukw gər ahəɗ aaha ya tekeɗe, tə ndza ka, kamala ana tàa tike aaka madzala gà gər tar tsiye. Aɗaba gər ahəɗ aaha a ndza kamala naha kinehe ya ka, kwilkwèndeh à ndìviŋa.

FILIPIYA 3:8

Ama kəla ka, ndzer kaɗəŋ, gà dukw ata ɗekɗek tsa, i fə̀r aà gà dukw ana tserdze ya ka, kamala dukw taf masakəŋa ya, aɗaba ana i sər Yesuw Kiristi Batsah ga ŋa ka, taŋa a zè a gà dukw ŋgiɗ tserdze. Aɗaba ŋgat ka, i miyek a à gà duwa tserdze. I fə̀r ahər ka, safar safar kamala gwastak ana masakəŋa ya, na dite i ta ŋget a Kiristi ya.

1 TIMUTE 6:17

Gwaɗa a gà ɓəzla limana ana ika gər ahəɗ kinehe ya ka, ti ɗe à gər tar agəra limana tsa, dite tə ta fə̀r aà limana tar ata kamala dukw ana ŋgwal ŋa ndzer a tsa asa. Aɗaba tə sər pat ana à ndìv a ya tsa. Say tə dzala ka, Mbulum na ŋgwal ŋa ndzer, a vile a kwe a dukw tserdze ya, dite na ki ŋgeyekwe a dər ba ya.

YAKUBA 4:14

Kurum dze ana, meme na kà sərum dukw ana a ta ge a ba i təv kurum a ndidwe ya ya? Mesife kurum a ndze a dze ana, hilè na kà sərum a? Mesife kurum ka, kamala hədzək ana a dwiz a, zàkwayiya ka, a riŋ asa tsa, aka mbete ya.

1 PIYER 1:24

Kamala ana ta wetse i wakita Mbulum akahər ata ya, ta gwa: «Gà mburma tserdze ti ndzikiɗ ba ka, kwizir ana a sləl ka, dite a kula ya. Metsehine mburma a ndzikiɗ ba ka, kamala mibezè kwizir ana a bize a ya. Zàkwayiya ka, a ɓwitiŋa, à dzèwe a ihər a bəɗ a tsara ka, à tsehin a asa tsa.

1 Yuhana 2:17

Sərum dər, gər ahəɗ aaha ka, a ndze a tsa, à ndìviŋa. Ku mege gà dukw ana iɗəm, gà mburma ta ge aaka a are tserdze ya tekeɗe ka, à ndìv a mbaŋa. Ama wur ana a ge a dukw ana Mbulum a waya ya ka, ŋgat a ndze a ka, aà biybiy.