Sunwa Yuhana 4:9 - Bible Zulgo

⁹ Kamala taŋa ya, gà dukw ata faɗ a, tə làhawa dimis mazàmbàɗà dər à Mbulum, wele ana mandza ŋa ika təv mendze Əbay ata, dite ŋgat wele ana a ndze a ka, aà biybiy asa ya. Tì zlibe a dər à ŋgat, ta ger a kəkaaha.

Sunwa Yuhana 4:9 ပူးပေါင်းရင်းမြစ်များ

IBƏRANIKWA 7:25

Aɗaba taŋa na ŋgat a riŋ nda gà ndzəɗa, a sle a aà məmbàlà à gà mburma ana kinehe ti dere a a təv Mbulum, nda ahər ŋgar a ya. Aɗaba ŋgat a ndze a ka, aà biybiy, dite ŋgat a riŋ a heme a a Mbulum agəra gà mburma ata kəla pat mbaŋa asa.

IBƏRANIKWA 7:8

Gà ɓəzla mandəva kuɗa a Mbulum ana i gwala Live ya, tə̀ ndzə̀kawa dukw ata ta geye dər akaba təv pampam kurwa ya ka, ta matawa, agəra ana tar ka, gà mburma masakəŋa ya. I dəba ŋa ya, tə dza aɗəm gà mìsle ŋgiɗ. Ama Melikisedek aaha a gəs dukw ata Abəraham a zla ikəka ya ilik, a vəlar a ka, à mìt a tsidze. Ŋgat ka, a ndze a aà biybiy, kamala ana wakita Mbulum a tsik a.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.

Sunwa Yuhana 10:6

A mbaɗa nda zləm Mbulum, wele ana ŋgat mandza ŋa nda mesife aà biybiy, a geye gà gəza mbulum nda gər ahəɗ, dite nda gà yam, nda gà dukw ana iɗəm tserdze ya asa mbaŋa ya. I huɗ mimbeɗe ŋgar ata ya ka, a gwa: «Dukuməŋa ka, a ge a mèhìnèkw asa tsa. A ge a ba ka, kinehe bise.

Sunwa Yuhana 15:7

Biy ŋgiɗ ilik ika magər gà dukw ata faɗ nda gà mesife ya, a daha, a dzaya gà tasà təsəla màlàmbàɗà ŋa nda gura, a gà gawla Mbulum ata təsəla ya, ku weke nda biy ŋgar. Gà tasà ata ka, tìsse tìsse maràhàyà ŋa nda matsəɓatsəɓ Mbulum, wele ana a ndze a nda gà mesife aà biybiy a. A riŋ a ge a matsəɓatsəɓ hinne turtur nda təv gà mburma.

Sunwa Yuhana 21:5

I dəba ŋa ya ka, wele ana mandza ŋa ika təv mendze Əbay ata ya, a gwa: «Tsarakum, araha i ta geye a gà duwa tserdze ka, gà awiya ŋa.» I dəba ŋa ya asa ka, a gweɗiŋ: «Wetse taŋa fit aka wakita, aɗaba bazlam aaha ka, ndzer, pàrsa iɗəm tsa.»

Sunwa Yuhana 4:2

Ama i fataya tsara ka, Mezite Mesife Mbulum a dara aka gər gà ya. I samata ka, təv mendze Əbay a riŋ i gər ŋa i mbulum, wura a riŋ mandza ŋa ikəka.

Sunwa Yuhana 4:8

Gà dukw ata tserdze ya ka, gà gwezleviyek aà tar ndilik ndilik asa. Dite are aà gwezleviyek ata ka, ndwatsndwatsutstswa, ku mege nda bəra, ku mege nda huɗ ŋa tekeɗe ya. Tar ihər tə làhawa dimis, ku mege ndaàpat, ku mege ndaàvəɗ hiywe pəra. I huɗ malàhà dimis tar ata tì lèh a ya ka, ta gwaɗawa: «Kər Əbay Mbulum ka, batsah ŋa. Kər ka, tsəɗaŋŋa. Bakal i təv yak tsa. Gà ɓəzla bakal tekeɗe, ti ndze a i təv yak tsa asa. Ndzəɗa yak a riŋ ika gər gà duwa tserdze. Kər riŋ mandza ŋa aà bəra biybiy, à gər ana gər ahəɗ a riŋ zukw tsiye. Kər riŋ kinehe, dite kər riŋ ki ta mère a aka gər ahəɗ a mbaŋa asa ya.»

Sunwa Yuhana 5:1

I dəba ŋa ya ka, i ŋgataha a wakita i ahər wele ata mandza ŋa ika təv mendze Əbay a. Ar ka, məpàɗà ŋa i ahər mezime ŋgar. Mewetse duwa a riŋ ika wakita ata tsèke sula sula. Ta gasa nda dukw magəsa wakita təv pampam təsəla, na dite wura à pìl a dər ikaba ya tsiye.

Sunwa Yuhana 6:16

Ta gwaɗa a gà gər kwite nda gà gùrum: «Hurukwayum ba aka mər, kə̀ kahayum mər, dite na wele ata mandza ŋa ika təv mendze Əbay a, a ŋget a mər a asa tsa, nda gà matsəɓatsəɓ Kəla Təmaŋ ata tekeɗe, a ŋget a mər tsa asa mbaŋa ya.

Sunwa Yuhana 7:15

Aɗaba taŋa na kinehe tar riŋ mandza ŋa ika miɗ təv mendze Əbay Mbulum hiywe ya. Ku mege ndaàpat, mege ndaàvəɗ tekeɗe, tar riŋ ta ger a meslire i ga ŋgar a. Əbay ata ŋgat mandza ŋa ika təv mendze ŋgar a na a riŋ a kesle a tar a.