RUMA 9:8 - Bible Zulgo

⁸ Kamala megweɗe ya, i liwiŋ gà ɓəza ana Abəraham a wa tar a fit tsa, na ti ne a gà ɓəza Mbulum a. Aɗaba Mbulum a gwa: «Say gà na ta wa tar aɗaba dukw ana i tsik i sida ya, na i ɗeme a i liwiŋ gà ɓəza ŋgar a ya.»

RUMA 9:8 ပူးပေါင်းရင်းမြစ်များ

Mata 3:9

Ama kurum ka, ka tə dzalum i gəzləŋ kurum, kù gwaɗum ka, mər gà ɓəza Abəraham tsam ana, làŋa ya tsa. Aɗaba iye ihər i gweɗe a kurum ŋa: Mbulum a sle aà mene a à gà kur aaha kinehe ya, kamala gà ɓəza Abəraham a mbaŋa.

Yuhana 1:13

Ti ne gà ɓəza Mbulum ka, a wa tar kamala ana mburma ti dzele a, ta we a ba ya tsa. Ti ne gà ɓəza Mbulum ka, agəra ana a vəl a tar mesife awiya ŋa ya.

RUMA 8:14

Aɗaba gà na Mezite Mesife Mbulum a ɗe a ter a à vatwa ya tserdze ka, tar ti ne gà ɓəza Mbulum.

RUMA 8:16

Mezite Mesife ata na a ɗif a kwe a dər i gəzləŋ kwa ka, kàa nekwa gà ɓəza Mbulum kaɗəŋ a.

RUMA 8:19

Aɗaba zləma gà dukw ana Mbulum a geye tserdze ya ka, tar riŋ ihər ta veviŋa. A sàs a tar ka, hinne na aà meŋgete a pat ana Mbulum a ta pèt a aba a gà ɓəza ŋgar ndərzayya i təv dzaydzay ŋa, na a vile a ter a mezlibe ata ya.

IBƏRANIKWA 11:11

Agəra megìse Abəraham ana a gəs Mbulum nda gəzləŋ a ka, aka ŋgat ndzəɗa aà mene tsir gà ɓəza. Aka ge màndawal kwètif kwètif. Ama daala ŋgar Sara aka war kəla, ku mege ŋgat ìdil ŋa, aka mətsaha aà mawà kəla ya tekeɗe ya. Dukw ata a ge ba ka, aɗaba ana Abəraham a fə̀r aà Mbulum ka, a ye a aà duwa tsa, dukw ana aka tsik i sida ya ka, a ta ge a ba nda ndzer a.*fe*