RUMA 9:4 - Bible Zulgo

⁴ Tar ka, gà Isərayel ana Mbulum a pala tar a. A pala tar ka, aà mene à tar gà ɓəza ŋgar. A pàt a tar à ndzəɗa ŋgar, na dite tì zlibe a à ŋgat a. A ɗif a tar à masəra ba ŋgar, nda məpala ahəm ŋgar mbaŋa. A ɗe a tar à vatwa ana, dite ta heme a aà ŋgat a. A tsikewa a tar gà asiŋ gà bazlam ŋgiɗ pampam i sida ya, aka gər dukw ana a vile a ter a ya mbaŋa. Ama ka, ta gəs tsa.

RUMA 9:4 ပူးပေါင်းရင်းမြစ်များ

Mata 21:33

I dəba ŋa ya, Yesuw a gwaɗa a tar: «Tsarakum, i tsik a kurum a bazlam minew ŋgiɗ pam asa. Wele duwa a riŋ, ŋgat ka, mala ga. A sàs gùvàh. A dzava aɗəm dizl ɗaf hinne, a zlàzl ahər tits lele. A làmbaɗa aɗəm tùgùɗ a magər ŋa, aà meɗwitsewa aɗəm mawà dukw ata. A nduŋ aɗəm dzègwèle i magər ŋa ata aà makàslà ŋa.*fd* I dəba ŋa ya, wele ata a da a təv ŋa diriŋ aka ahəɗ ŋgiɗ. Gùvàh dizl ɗaf ŋgar ata à mìtehiŋa. A dza aɗəm gà mburma aà məfə̀rà ahər, dite aləka ta vəlar dukw gùvàh ŋgar i ŋgal na aka màra ya.

Yuhana 1:17

Mbulum aka vəl a kwa məpala ahəm nda ahər Musa. Ama a ge a kwa ŋgwal ŋgar, a ɗif a kwa à ndzer ŋgar ka, nda ahər Yesuw Kiristi.

Yuhana 1:47

Aləka Yesuw a fə̀r Nataniyel a riŋ a dehe a a təv ŋgar ka, a gwa aà ŋgat: «Araha na kəla gà Isərayel ana ndzer, wirwir i ba tsidze ya.»

Gà Ɓəzla Meslire 2:39

Aɗaba Mbulum a vəl Mezite Mesife ŋgar ata i sida ya ka, agəra kurum aaha nda gà ɓəza kurum a, dite agəra gà mburma ana tserdze, ti ndze a ku mege i təv diriŋ a ya asa mbaŋa. Ama a vile a ka, ku mege i ŋga, a gà na Mbulum BATSAH kwa ŋa a zel a ter a ya tserdze.»

RUMA 3:2

Ama ka, a ge a ŋgulum hinne aɗaba dukw tserdze kaɗəŋ. Aɗaba malahalah ŋa ka, Mbulum a ɗif à guma ŋgar a ahər a gà Yahuda.

RUMA 8:15

Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

RUMA 9:6

Ki gweɗekwe a ka, dukw ana Mbulum a tsik i sida ya, a gwa, i ta ge a a gà mburma gà ya ka, a ne a dukw taf masakəŋa tsa. Ama kəla ka, gà Isərayel fit tsa na ti ne gà mburma ŋgar a.

2 Kurintiya 11:22

Tar ta gweɗe a ka: «Mər tsiye na gwala gà Yahuda ya?» Ama iye tekeɗe, i gwala tar mbaŋa. Ta gweɗe a asa ka: «Mər ana gà Isərayel tsiye?» Ama iye tekeɗe, kataya mbaŋa. Tar ihər ta gweɗe a asa ka: «Mər ana, gà ɓəza Abəraham batsah tsir mər ana akahər ata ya tsiye?» Yaw, dite iye tekeɗe ana, kəla ŋgar mbaŋa tsiye?

GALATIYA 3:16

Yawwa, i təv Mbulum tekeɗe, kamala taŋa ya mbaŋa. Akahər ata piŋŋe ka, Mbulum a tsik dukw ata i sida ya, a gà Abəraham, a gwa, i ta vile a teriŋa. Ama kəla ka, wakita Mbulum a gwa, a ta vile a a gà Abəraham ka, kamala tar ata hinne ya ka, aka tsik ɓav tsa. Ti tsik bazlam ata nda ndzer ka, aka gər mburma ilik ika magər gà ɓəza ŋgar a pəra. Kamala megweɗe ya: Aka gər *Kiristi.

EFESIYA 2:12

Ma ta məts a kurum gər tsa: Akahər ata ka, kà sərum ɗa Yesuw Kiristi tsa. Kurum ka, gà mbəlakw məfàrà ŋa ana ika magər gà Yahuda ana tar gà mburma Mbulum a. Mbulum aka tsik duwa a gà mburma ŋgar ata. Aka mbər megweɗe a tar ka: «I vile a kurum a duwa i sida ya.» Ama kurum gà mbəlakw ka, kurum iɗəm tsa. Kàa slwim madzala aka duwa a təv Mbulum tsidze. Kurum ɗa ika gər ahəɗ ka, kàa sərum ɗa Mbulum tsa.

IBƏRANIKWA 9:1

I təv malahalah masəra ba ana gà Mbulum tə sər ba nda gà mburma ya ka, aka ɗif a tar à məpala ahəm ŋgar, na dite ti sir a dər ka, meme na tì dzer a gurmits a bəɗ a. Ama təv duwa a riŋ mbaŋa, tə zalar ka, tsəɗaŋŋa, mburma a làmbaɗa. I fata ka, tə zàmbaɗawa iɗəm à ŋgat, nda məbàtsàr aɗəm gà duwa.

IBƏRANIKWA 9:10

Aɗaba mege gà dukw ata ka, məpala ahəm aka gər gà dukw mezime nda gà dukw mese, kige tsa aka matsakasla gà duwa ɗekɗek pəra. Ama taŋa ka, dukw gà mburma ta ge a ika gər ahəɗ a ɗekɗek, tsəka, aka ndza hinne tsa. A ndza ka, haa a pat ana Mbulum a mbəɗ à gà dukw ata tserdze ya ɗekɗek pəra.

IBƏRANIKWA 9:3

Ika biye hərmaga mada a dzə̀ɓər masula ŋana ka, petek a riŋ madànà ŋa aà mbulum, tsikw a ndzera a bəɗ a mbaŋa. Dzə̀ɓər ga ata ka, təv ana tə zalar tsəɗaŋŋa biy Mbulum a, a za dər biy ŋgiɗ aaha.

IBƏRANIKWA 9:5

Ika sahər ata ka, ta ge aaka gà mendzikiɗe ba gà gawla Mbulum sula.*fa* Taŋa ka, kamala megweɗe ya: Mbulum mandza ŋa i fata à gər ŋgar. Gwezleviyek gà mendzikiɗe ba gà gawla Mbulum ata ka, tits tə dzawa mezite aka sahər ata. Aɗaba sahər ata ka, tə dzawa aaka à məmbəz duwa a Mbulum, dite mə̀ pəl a tar à bakal tar. Ama kinehe ka, a sèsiŋ na i ɗif a kurum a à gà dukw ata ilik ilik tserdze ya asa tsa.

IBƏRANIKWA 9:6

Kamala taŋa ya, ga petek ata ka, dzə̀ɓər a riŋ iɗəm sula. I ŋgiɗ ka, i huɗ ŋa. Naha ka, a mbera a bəra ya. I təv ana ta ge aba gà dukw ata kamala taŋa ya ka, gà ɓəzla mandəva kuɗa a Mbulum tə dawa a dzə̀ɓər malahalah ŋana a mbera a bəra ya, ndidwe ndidwe, ta gewa iɗəm megemir mandəva kuɗa a Mbulum kəla pat.