RUMA 9:3 - Bible Zulgo

³ aɗaba gà asiŋ ŋa ana i gwala gà, ta gəs Yesuw Kiristi tsiye. Iye nda gà tar ka, mər nda gà damər. Na mege a ge a ba ka, ŋgulum Mbulum mi viliŋ mezelme, mə̀ və̀rə̀zl ikaba à mər nda Yesuw Kiristi ya, aà məmbàlà à tar, avukw ana i mbil a zləmana ya.

RUMA 9:3 ပူးပေါင်းရင်းမြစ်များ

Gà Ɓəzla Meslire 13:26

A kurum gà damər gà ana i gwala Abəraham a, dite nda gà asiŋ gà mburma ana ɗa i liwiŋ tar ki gwim a magəɗa a Mbulum a. Mbulum a slərra bazlam məmbə̀là à mburma aaha a ta mbil a dər à mburma kinehe ya ka, a təv kwa ya.

Gà Ɓəzla Meslire 22:5

Gà Əbay gà ɓəzla mandəva kuɗa a Mbulum nda gà bàba ŋa ana ta kwere a gà gwala kwa ya tserdze, ti sle a aà mesire ka, dukw ana iye ihər i tsik a ya ka, ndzer kaɗəŋ. Akahər ata ka, Yàa wizeye wakita aà gà bàba ŋa ata ya, dite na ta viliŋ, i de a dər a təv gà bàba gà Yahuda ana i Damas a. Aɗaba na Yàa da ka, wakita ata a ne a sida gà, aà magə̀sara gà ɓəzla mazazama Yesuw ana i fataya, dite ka, aà medzewera tar a Yeruzalem a, tì sèwèr a tar are.»

Gà Ɓəzla Meslire 28:21

Gà mburma ata tə tsaraka kataya ka, ta gwaɗar: «Maa ŋgat a wakita ana tə slərra ika ahəɗ Yuda agəra kər a tsa. Dite tàa slərra wura ilik i liwiŋ gà damər kwa ya ɓav tsa asa. Wura aka ɗama a mər bakal yak ana kì ge ya tsa.

RUMA 1:3

Bazlam ŋgwal ŋa ata ka, aka gər Yesuw Kiristi, Kəla ŋgar ana ŋgat BATSAH kwa ŋa ya. Kà sərakwa, ta wa ŋgat ka, i gwala Dawda ana ŋgat Əbay akahər ata ya.

RUMA 11:1

Kamala taŋa ya, Kinehe ka, i wiziŋa. Na kataya ana, wànà Mbulum aka məsak à gà mburma ŋgar ata ya? Awaŋ, aka məsak à tar tsa. Iye nda gər gà tekeɗe ka, kəla gà Isərayel ana i gwala Abəraham a. I dara ka, i hwife Benyamin a.

RUMA 11:14

A sèsiŋ ka, bəla gà asiŋ ga ta ŋget a megemir ata i ge a ya ka, dite ŋgwilwim ŋgwilwim ta ge a are aka mege megemir ata i ge a ya, dite ka, tə dara, ta ge kataya, dite na Mbulum a mbil a à tar a.

RUMA 16:11

Ka wizwimiŋ Hirudiyan kəla gà ma gà mbaŋa, dite ka wizwimiŋ gà mburma Mbulum ana i bəra Narkis a asa.

RUMA 16:21

Taŋa Timute ana mìi ge a megemir məma ya, a ge a kurumaha wusa asa. Gà ɓəza gà ma gà, gà Lukiyus nda Yasun, nda gà Susipatarus ta ge a kurumaha wusa mbaŋa.

RUMA 16:7

Dite ki gwimiŋ a wusa a gà mburma gà, gà Andaranikus nda Yuniyas asa mbaŋa. Mər nda gà tar ka, tàa dza akaba mər a daŋgay dze. Tar sula məma ka, gà ɓəzla meslire Mbulum. Mburma tə sər tar lele, ta waya tar hinne asa. Tar nda gà iye ka, tar na a lah megìse Yesuw Kiristi ya.

RUMA 9:2

Kinehe ka, gəzləŋ a riŋ a wir aà iye a hinne, a misek a à mewire tsa,

1 Kurintiya 12:3

Aɗaba taŋa, i waya ka, kurum ana kàa gəsum Yesuw Kiristi a gəzləŋ kurum kinehe ya, na ki sirwim a ikaba à dukw aaha ya lele ya. Na Mezite Mesife Mbulum i ba wura ka, wele ata a sle aà megweɗe a aà Yesuw Kiristi: «Wisìh Yàa vəlak mezelme» ka, a sle a tsa. Kamala taŋa ya mbaŋa, wura a sle aà megweɗe a: «Yesuw a ne BATSAH kwa ŋa» ka, a sle a tsa, na Mezite Mesife Mbulum i ba ŋgar tsiye.

1 Kurintiya 16:22

Na wura a waya BATSAH kwa ŋa nda gəzləŋ ilik tsəka, Mbulum mə vəlar mezelme. Gər a gwa, Marana ta, kamala megweɗe ya ka: «Batsah mər ŋa, dara te.»

2 Kurintiya 12:15

Kamala taŋa ya, ku mege i vile a gà dukw gà fit, nda gà bəla i vile a ba gà, i mìt a, na dite i zlèk a dər kurum a tekeɗe ka, a wir aà iye a tsa, i ŋgeye a ba ivaɗ. Wànà kà wayum iye hinne asa tsəna, aɗaba ana i waya kurum hinne, a za dər meweye ana i waya gà mìsle ŋgiɗ a kəla ya?

GALATIYA 1:8

Ama na bəla wura a riŋ a ɗif a kurum a à bazlam ŋgwal ŋa biy ŋgiɗ pampam aba ndəna mər mì tsik a kurum a ka, Mbulum mə vəlar mezelme. Ku mege mər, nda gà bəla gawla Mbulum ana a dara i gər ŋa ya tekeɗe ka, pampam tsa, mà gəs ŋgat i seriye ya mbaŋa.

GALATIYA 1:9

Maa mbər metsike a kurum daga piŋŋe, dite kinehe tekeɗe, i me a aka metsìkè a kurum asa. I gwaɗa a kurum ka: Na wura a ɗif a kurum a à bazlam ŋgwal ŋa biy ŋgiɗ pampam aba nda biy ana kà lah metserekwim a ka, Mbulum mə vəlar mezelme.

GALATIYA 3:10

Ama gà na ta gweɗe a ka, waytsà mìi ne a gà ŋgwal ŋa ika miɗ Mbulum, aɗaba ana mìi ge a dukw ana məpala ahəm a tsik a mər a ka, mezelme Mbulum ika gər tar. Aɗaba ta wetse i wakita Mbulum ka, ta gwa: «Na wura a zazamawa gà məpala ahəm ana ta wetse i wakita pampam tserdze ya tsəka, mezelme Mbulum ika gər ŋgar.»*fc*

GALATIYA 3:13

Kamala taŋa ya, Mbulum a vəl a kwa mezelme ka, agəra na kà zazamakwa məpala ahəm ŋgar kweleŋ tsiye. Ama Kiristi a dara ka, a zla təv mendze kwa, na dite ka, Mbulum a vəlar mezelme ya. A ge dər kataya ka, a mbəlara à kwa i mezelme Mbulum ana a ta vile a kwe a zləmana ya. Ar ka, kamala ana ta wetse i wakita Mbulum a, ta gwa ka: «Wele ana tàa dàn ŋgat aà dizl a ka, mezelme Mbulum na ika gər ŋgar a.»*ff*

EFESIYA 6:5

Kurum gà ɓele, gəsum ahəm aà gà ɓəzla ga kurum nda magəɗa, nda mazlə̀bà à tar lele. Ki gwim megemir nda gəzləŋ ilik. Na kàa gwim kataya ka, kə̀ gəsum ahəm aà Yesuw Kiristi mbaŋa.