RUMA 9:17 - Bible Zulgo

¹⁷ A riŋ mewetse ŋa i wakita mbaŋa ka, Mbulum a gwaɗa a *Faruna, Əbay gà Ezipt: «I tike kər a Əbay, dite ka, aà məpàtà à ndzəɗa gà nda təv yak pəra. Aɗaba i waya ka, zləm gà ma ɗe, ku mege a ŋga ika gər ahəɗ tserdze.»*ff*

RUMA 9:17 ပူးပေါင်းရင်းမြစ်များ

Yuhana 17:26

Yàa ɗif a tar aba à kər a. Ama a sèsiŋ ka, i ɗif a ter a dər hiywe aka miɗ aka miɗ asa, dite mawàyà ba yak ana kà waya iye ya, mà rah a gəzləŋ tar, iye tekeɗe, iye riŋ mandza ŋa i gəzləŋ tar mbaŋa.»

RUMA 11:4

Yaw, aləka i dəba ŋa ya, Mbulum a gwaɗar aaka dze ana, dukùla? A gwaɗar aaka ka: «Awaŋ, kər ilik tsa, na a zeha ya. Yàa zeha à gà mburma gà ka, dəbuw təsəla na ti zezem a iye ya. Aɗaba tar tekeɗe, tàa dza gurmits a bəɗ a dukw ana gà asiŋ ŋa ti ne dər mbulum, tə zalar Ba/?al a tsa.»*fb*

GALATIYA 3:22

Seyiŋ tsa, ar ka, kamala ana ta wetse i wakita Mbulum a, ta gwa ka, bakal na a kwere a gà mburma ana ika gər ahəɗ tserdze ya ivaɗ. A ge kataya ka, na dite dukw ana Mbulum a tsik i sida ya, a gwa, a ta vile a a mburma ya ka, nda ahər Yesuw Kiristi. Dukw ata a vile a ter a ya ka, agəra megìse tar ana ta gəs ŋgat nda gəzləŋ a.

GALATIYA 3:8

Akahər ata piŋŋe, ta wetse dukw ana a ta ge a ba aka miɗ mba ya, a wakita Mbulum ka, ta gwa: «A pat ŋgiɗ ka, gà mburma ana tə sər Mbulum tsiye, ta gis a ŋgat nda gəzləŋ tar, dite Mbulum tekeɗe, à gis a tar lele, a ne à ter a gà ŋgwal ŋa ika miɗ ŋgar.» Kamala taŋa ya, Abəraham a tsaraka bazlam ŋgwal ŋa ata ka, daga piŋŋe, i təv ana dukuməŋa aka ndze aɗəm zukw tsiye. Mbulum a gwaɗar ka: «I ta pise a ahəm a gà mburma ana ika gər ahəɗ tserdze ya, aɗaba kər.»*fb*

GALATIYA 4:30

Ama ta wetse ana dukùla na i wakita Mbulum a? Ta gwa ka: «Dalawa məkəs aaha ɓele ŋa ya nda kəla ŋgar məma, aɗaba a ge a ba tsa na kəla aaha ka, a zim a dukw tsir ŋgar a. Say kəla məkəs ndzer ŋana na a ti zim a ya.»*fb*