RUMA 9:11 - Bible Zulgo

^11-12 I təv ana aka wa tar zukw tsiye ka, Mbulum a tsik aɗaba gà ɓəza ata a ta we a ya, a gwaɗa a Rebeka: «Malahalah ŋana a ne a mala meslire a mala dəba.»*fc* Mbulum a tsiker kamala taŋa ya ka, aka na tàa wa tar zukw tsiye, dite ka, tàa mbər mege dukw ana ŋgwal ŋa ya, kige tsa na ŋgwal ŋa tsiye zukw tsa. A ge dər kataya ka, aà masəra dər, a gewa duwa ka, kamala ana ŋgat a waya ya. A pele a gà mburma ŋgar kataya, tits kamala ana a waya i gər ŋgar a, tsəka, aɗaba ŋgwal tar ana ta ge a ya tsa.

RUMA 9:11 ပူးပေါင်းရင်းမြစ်များ

RUMA 4:17

Ar ka, kamala ana mewetse ŋa i wakita ya, Mbulum a gwaɗa a Abəraham ka: «I ne aà kər a batsah tsir mburma ika gər gà slàla pampam hinne.»*fd* Ŋgat a ne tsir kwa ika miɗ Mbulum ka, aɗaba ana a gəs Mbulum nda gəzləŋ ŋgar a. Aɗaba a sər, Mbulum ka, mala məmbə̀là à mburma i məməta ya, dite ŋgat asa ka, wele ana a ge dukw tserdze ka, duwa a riŋ zukw tsiye. A tsik a nda bazlam pəra, tsam ka, dukw ata a ge a ba.

EFESIYA 2:3

Akahər ata piŋŋe ka, kwa tserdze kà gawakwa ɗa ka, kamala tar a mbaŋa. Kì gewakwa ka, gà dukw ana ŋgwal ŋa tsa, a sàs a kwa ya. Kà dzalawakwa ka, aka mege gà dukw ana a da a kwa gər a ɗekɗek. Agəra taŋa na seriye Mbulum a ta gis a kwa zləmana ŋa kamala gà mìsle ŋgiɗ a.

EFESIYA 2:9

aɗaba wày ka, ki gwimer megemir ata ka, ŋgwal ŋa ya tsa. A ge a kurum biy taf ka, dite wura ma ta ge dər zlapa tsa.

EFESIYA 3:11

Kərga taŋa ya, a ge kataya ka, kamala ana a gwa ka, i ta ge a mba, akahər ana aka ge gər ahəɗ zukw tsiye. A ge taŋa ka, nda ahər Yesuw Kiristi Batsah kwa ŋana.

1 TESALUNIKE 1:4

Gà damər gà, mì sər ka, Mbulum a waya kurum. A pala kurum ka, dite ka nwim gà mburma ŋgar.

1 TESALUNIKE 2:12

Mì màwa a kurumaha à arəv, mì vəlawa a kurum ndzəɗa, dite mì hamawa a kurum ka, hinne asa mbaŋa, na dite mede kurum ana ki dwim a ya, mà tsahən aà Mbulum a. Ŋgat a zal a kurum ka, na dite ki dwim a a mekwere ŋgar, ki ti ndzwim a nda gà ŋgat i təv mezlibe ŋgar ana tì zlibe a dər a ya.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

TITUS 3:5

Kamala megweɗe ya, a mbəl à kwa ka, taf masakəŋa, kàa vəlakwar aɗəm duwa tsa. Bəla ki gweɗekwe a, a mbəl à kwa ka, agəra dukw ana ki gewakwar ŋgwal ŋa ya. Ama ka, kataya tsa. A mbəl à kwa ka, agəra ana kà ndzekwar are tsehe ya ɗekɗek pəra. A bara bakal ana i gəzləŋ kwa ya. A ge dər kataya ka, nda ndzəɗa Mezite Mesife ŋgar ana tsəɗaŋŋa ya. Kamala taŋa ya, a wa dər kwa masula ŋa asa, dite na kə̀ ŋgatakwa mesife ana awiya ŋa ya.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

2 Piyer 1:10

Aɗaba taŋa, gà damər gà, mərum aba, ka miyakum à mege gà dukw ata tsidze, aɗaba mezele ana Mbulum a zal a kurum, a pala kurum a ka, ki gwim kataya. Na kàa gwim gà dukw ata ka, ki dzeywim a ika vatwa Mbulum a tsidze.

Sunwa Yuhana 17:14

Ti ta ge a gùvəl aà wele ana a ndzikiɗ ba Kəla Təmaŋ a. Ama ŋgat ka, a ti zè a tar nda ndzəɗa, à mbè aà teriŋa. Aɗaba ŋgat ka, batsah ŋa ika gər gà bàba ŋana, dite ika gər gà Əbay ŋa ana ta kwere a ya mbaŋa asa. Gà mburma ŋgar ti zezem a ŋgat ka, nda gəzləŋ ilik. A zal a tar, dite a pala tar ka, aà ti zezem a ŋgat. Kamala taŋa ya, tar tekeɗe, ti ta mbè aà ter a mbaŋa.»