RUMA 9:1 - Bible Zulgo

¹ Bazlam aaha i tsik a ya ka, ndzer kaɗəŋ, aɗaba ana iye, mala magəsa Yesuw Kiristi, dite na i ses a pàrsa tsiye. Mezite Mesife Mbulum na a ɗifiŋ à dukw ana i tsik a ya ka, ndzer kaɗəŋ, pàrsa iɗəm tsiye. I madzala gà gər gà tekeɗe, kataya mbaŋa.

RUMA 9:1 ပူးပေါင်းရင်းမြစ်များ

RUMA 1:9

Ku mege ndeɗime, i hamawa a Mbulum ka, aɗaba kurum. Ama Mbulum ana i ger a meslire nda gəzləŋ ilik, i ɗif a à ŋgwal bazlam ata aka gər Kəla ŋgar a ka, a sər, dukw ana i tsik a ya ka, ndzer kaɗəŋ, pàrsa iɗəm tsa.

RUMA 2:15

Kamala taŋa ya, dukw ana ta gewa kataya ya, na a ɗif a kwa dər ka, Mbulum aka wetse məpala ahəm ŋgar a gəzləŋ tar, na dite tə sər dər mege dukw ana ta ge ŋgwal ŋa ya ya. Madzala gà gər tar ibam, a riŋ a ɗif a ter a à taŋa mbaŋa. Aɗaba a gà təv ŋgiɗ ka, tə sərawa dər, na tàa ge dukw ana ŋgwal ŋa ya ya. Dite a gà təv ŋgiɗ ibam, tə sərawa dər na tàa ge bakal a asa mbaŋa.

RUMA 8:16

Mezite Mesife ata na a ɗif a kwe a dər i gəzləŋ kwa ka, kàa nekwa gà ɓəza Mbulum kaɗəŋ a.

RUMA 9:2

Kinehe ka, gəzləŋ a riŋ a wir aà iye a hinne, a misek a à mewire tsa,

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

2 Kurintiya 1:23

Ama Mbulum ka, mala sida gà. Ma lekiŋ, na kige i sàs pàrsa ya. Taŋa Yàa daha a təv kurum a Kurintiya zukw tsəka, aɗaba i waya tsa na i vile a kurum a matsəɓatsəɓ a gəzləŋ kurum a.

2 Kurintiya 11:10

Iye ihər i ge a zlapa ka, agəra ana Yàa gəs siŋgwe i ahər kurum a ilik tsiye. Iye riŋ i ge a riŋ zlapa ata ka, ika ahəɗ Akaya, wura ilik a sle mimbìɗiŋ a ba aka zlapa gà ata i ge a ya tsa. Aɗaba dukw ana i tsik a kurum a ya ka, ndzer kaɗəŋ, pàrsa iɗəm tsa. Ar ka, kamala ana Kiristi a tsikewa ndzer a hiywe mbaŋa.

2 Kurintiya 11:31

Mbulum Tsir Yesuw BATSAH kwa ŋa ka, a sər, dukw ana iye ihər i tsik a ya ka, ndzer, tsəka, pàrsa iɗəm tsa. Ku weke mà zlə̀b à ŋgat aà biybiy.

2 Kurintiya 12:19

Bəla akahər ana mì wetse a kurumaha a huɗ wakita aaha ya, na kà dzalum, kù gwaɗum ka: «A ge a ka, gà mburma aaha ta geye ikaba tar a pəra, na ika miɗ mər a.» Ama ka, kataya tsa. Aɗaba mìi fèfil a ka, ika miɗ Mbulum kamala ana a sàs a *Kiristi ya. A kurum gà masla mər ana mì waya kurum hinne ya: Mì tsikeye a kurum gà dukw ata tserdze ya ka, aà mà zlak kurum. A sàs a mər ka, ki dwim a aka miɗ aka miɗ, ki ŋgetwim a ndzəɗa ika vatwa Mbulum a.

GALATIYA 1:20

Mbulum a sər dukw ana i tsik i fataya ka, ndzer, i ses a pàrsa tsidze.

FILIPIYA 1:8

Mbulum ka, a sər meme na i waya kurum hinne ya. Meweye ata i waya kurum a, a dara ka, i təv Yesuw Kiristi ya.

1 TESALUNIKE 2:5

Kurum kà sərum, mər ka, maa tsik a kurum bazlam ana lìfèɗìɗe nda wirwir a ilik tsa, nda gà maa yaha dər duwa tsa asa mbaŋa. Dukw ana i wetse i faha ya ka, ndzer, Mbulum aka mbər mesire.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

1 TIMUTE 5:21

Iye ihər i gik a kamkam, Timute, ika miɗ Mbulum, ika miɗ Yesuw Kiristi asa mbaŋa, dite ika miɗ gawla Mbulum ana a ndzək tar a: Ama zazam dukw ana i tsikik a nda ndzer. Iye ihər i gik a kamkam asa ka, ka tə dàn bemeze aà wura a tsa. Ama ka, ka ta wìy ba a wura aɗaba ana ŋgat wur yak a tsa asa. Ka ta ge kataya tsa, na i təv megemir yak a.