RUMA 8:7 - Bible Zulgo

⁷ Wur ana a dzele a dukw ana ba ŋgar a waya ya ɗekɗek ka, ŋgat a ne ka, mala mene are a Mbulum. A zezem a ka, dukw ana Mbulum a tsik a tsa, aɗaba ana a sle a tsiye.

RUMA 8:7 ပူးပေါင်းရင်းမြစ်များ

Mata 12:34

A kurum gà ɓəza gà palas aaha, meme na ki slwim a aà mifèfilera ika arah a lele ya, na ba kurum ŋana ka, kurum ihər ki gwim a dukw ana ŋgwal ŋa tsiye ya? Aɗaba arah a màwa ka, à dukw ana kìɗìŋŋa ki dzelwim a i gəzləŋ kurum a.

Mata 5:19

Aɗaba taŋa, na wura aka məsak à məpala ahəm ŋgiɗ ilik, ku mege kwizikw pəra tekeɗe, dite a ɗif a dər, mburma ta ge a ka, kamala na ŋgat a ge a ya ka, ŋgat a ti ne a kəla ŋa i *mekwere Mbulum. Ama wur ana aka gəs məpala ahəm ata lele, a ɗif a dər a mburma, ta ge a ka, kamala na ŋgat a ge a ya ka, a ti ne a batsah ŋa i mekwere Mbulum, na ŋgat a.

Yuhana 7:7

Kurum ka, gà mburma ti ne a kurum a are tətsà. Ama iye ka, ti niŋ a are, aɗaba ana i gwaɗawa, megemir tar ana ta ge ye a ka, lele tsiye.

RUMA 1:28

Aɗaba gà mburma ata ti niw mazazama Mbulum, a sàs a tar masəra ŋgat tsiye ka, Mbulum a miyak à tar, na dite ti dzele a ka, metsehe tar ana taf masakəŋa, a da ndaka vatwa ŋa tsiye ya. Ta gewa ka, dukw ana a tsahən biy mege tsidze ya.

RUMA 1:30

nda metsìkè aà tar dukw ana ŋgwala tsiye. Tar ka, gà ɓəzla mene are a Mbulum. Ta bewa mburma, nda mege zlapa. Tə sə̀ŋgə̀rawa aba tar ka, hinne. Madzala gà gər tar ata ŋgwala tsiye ka, a we a bakal ŋgiɗ pampam hiywe pəra. Ta gəsawa ahəm aà gà tsir tar tsidze.

RUMA 3:31

Na bəla kù gwaɗakwa, Mbulum a ne à ter a gà ŋgwal ŋa, agəra ana ta gəs Yesuw Kiristi nda gəzləŋ tar a tekeɗe ana, məpala ahəm Musa a ne a kamala dukw taf masakəŋa ya ɓav a? Ama ka, kataya tsa. Ki ɗifekwe a ka, à ndzer ŋa ana iɗəm a ivaɗ, na taŋa ya.

RUMA 5:10

Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

RUMA 7:22

I gəzləŋ kwa ka, a sàs a kwa mazazama məpala ahəm Mbulum nda maŋgayaba ŋa kaɗəŋ.

RUMA 8:4

A ge taŋa ka, na dite ki ŋgetekewe a vatwa aà mege dukw ana məpala ahəm ŋgar a tsik a kwa ya ndzer. Aɗaba mendze kwa ana ki ndzekwe a kinehe ya ka, Mezite Mesife Mbulum na a kwere a kwa ya, tsəka, meèweke ba kwa asa tsa.

1 Kurintiya 2:14

Wele ana aka ŋgat Mezìtè Mesife Mbulum ata a gəzləŋ ŋgar tsa, a zezem a madzala gà gər ŋgar pəra ya ka, à gis a dukw ana Mezite Mesife Mbulum ata a vile a a mburma ya ɓav tsa asa mbaŋa. A sir a tsa, à fir ahər a ka, kamala dukw falày taf masakəŋa ya. Aɗaba na Mezite Mesife Mbulum a riŋ à zlèk a ŋgat tsəka, a sle aà metsereke a tsidze.

1 Kurintiya 9:21

I təv ana iye riŋ ika magər gà mburma ana tə sər məpala ahəm Musa ata tsiye ka, i gewa kamala tar a mbaŋa, na dite ka, i gese a ter a ahər aka miɗ Mbulum mbaŋa ya. Yàa gwa ka, i gis a ahəm aà məpala ahəm Mbulum tsəka, Yàa tsik tsa, aɗaba i zezem a ka, məpala ahəm Yesuw Kiristi ndzer dukw ŋgar.

KULUSIYA 1:21

Akahər ata ka, kurum tekeɗe, kurum mandza ŋa diriŋ aà Mbulum a, ka nwim gà ɓəzla mene are ŋgar, aɗaba madzala gà gər kurum ana ka dzalawum ŋgwala tsa, dite nda gà dukw ana ki gewim ŋgwala tsiye asa mbaŋa.

KULUSIYA 2:18

Aɗaba taŋa, ka tə dzum zləm a dukw ana gà mburma ta gweɗe a ka, waytsà gà mər ŋa, dite a sàs a tar metsike a kurum aà dukw ana ki gwim a ya tsa. Ama gà mburma ata ta gweɗe a ka, say məvəla ba mesewere are, nda mazàmbàɗà à gà gawla Mbulum, na ŋgwal ŋa ya. Dite ti tsikewa ka, aka gər dukw ana ta gwa, waytsà mi ŋgatar i sunwa ya ya kəla pat pəra. Medzìbe gà mburma ata ka, ŋgakŋgakəkka tə sə̀ŋgə̀rawa à ba tar taf masakəŋa, nda madzala gà gər gà mburma ana ika gər ahəɗ a ɗekɗek.

2 TIMUTE 3:4

Ti dzewe a à mburma a gà ɓəzla mene are tar. Dite tar ka, dukw ana tàa tsik i sida ya, tàa gwa, mìi ge a ya ka, ta ge a tsa. Tì sìkèh a à ba ka, hinne, ta weye a Mbulum tsa. Ta weye a ka, ba tar ɗekɗek ivaɗ.

IBƏRANIKWA 8:10

I gwa ka: Araha, na magəsa ba gà ana mìi ti sir a ba nda gà Isərayel aka miɗ mba ya. A pat ata na i ti tike a məpala ahəm gà a gəzləŋ tar a, dite ka, ta gəs, tə dzala aaka gà gər. I ge a dər kataya ka, dite i dəba ŋa ya, ta gis a ahəm gà kuɗa. I ti ne a Mbulum tar, dite tar tekeɗe, ti ne a gà mburma gà mbaŋa.

YAKUBA 4:4

A kurum ana ki gwim a duwa kataya kamala gà ɓəzla muva ya, kà sərum ti tsiye, na wura aka waya dukw gər ahəɗ hinne ka, ŋgat a ne mala mene are Mbulum a? Aɗaba taŋa na wura à gis a masla nda gər ahəɗ ka, ŋgat a ne mala mene are Mbulum ivaɗ.

2 Piyer 2:14

Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.