RUMA 8:5 - Bible Zulgo

⁵ Na wura a zezem a meèweke ba ŋgar, a dzele a i metsehe ŋgar ka, taŋa hiywe ɗekɗek pəra. Ama na wura a ndze a nda ndzəɗa Mezite Mesife Mbulum ka, a dzele a gà gər aka dukw ana Mezite Mesife Mbulum ata a waya ya hiywe mbaŋa.

RUMA 8:5 ပူးပေါင်းရင်းမြစ်များ

Markus 8:33

Yesuw a tsaraka bazlam ŋgar ata kataya ka, a màra ihər a dəba ya tsara, a təv gà asiŋ gà mburma ŋgar aaha ya. A pala ahəm a Piyer hinne. A gwaɗar: «Kər Piyer, madzala gà gər yak ata ka, ma da i təv ga ya, aɗaba kər ka ne ika miɗ gà ka, kamala Əbay sitene ya. Aɗaba madzala gà gər yak ata kà dzala ya ka, biy mburma, tsəka, biy Mbulum tsa.»

Yuhana 3:6

Dukw ana ta wa kamala mburma ya ka, ŋgat mburma dukw ŋgar. Ama na ta wa ŋgat nda Mezite Mesife Mbulum a ka, aka ŋgat mesife ana a dara i təv Mbulum a.

RUMA 8:9

Ama kurum kinehe ka, ki zezemwim a dukw ana ba kurum a waya ya asa tsa. Kurum ihər ki giswim a ahəm ka, aà dukw ana Mezite Mesife Mbulum a waya ya kuɗa. Aɗaba Mezite Mesife ata ka, ar mandza ŋa i gəzləŋ kurum. Na wura aka ŋgat Mezite Mesife ata Yesuw Kiristi a vile a ya tsəka, ŋgat aka ne mburma ŋgar tsa na taŋa ya.

1 Kurintiya 15:48

Gà mburma gər ahəɗ ti ndzikiɗ ba ka, kamala Adama ata Mbulum a ge ŋgat nda ahəɗ a. Dite gà mburma ana ti ti ndze a i təv Mbulum i gər ŋa ya tekeɗe, ti ndzikiɗ ba ka, mìsle ŋgiɗ aaha a dara i mbulum i gər ŋa ya mbaŋa.

1 Kurintiya 2:14

Wele ana aka ŋgat Mezìtè Mesife Mbulum ata a gəzləŋ ŋgar tsa, a zezem a madzala gà gər ŋgar pəra ya ka, à gis a dukw ana Mezite Mesife Mbulum ata a vile a a mburma ya ɓav tsa asa mbaŋa. A sir a tsa, à fir ahər a ka, kamala dukw falày taf masakəŋa ya. Aɗaba na Mezite Mesife Mbulum a riŋ à zlèk a ŋgat tsəka, a sle aà metsereke a tsidze.

2 Kurintiya 10:3

Kaɗəŋ, aɗaba mər ka, gà mburma taf masakəŋa. Ama gùvəl ana mər ihər mìi ge a ya ka, kamala biy gà mburma gər ahəɗ a tsa.

GALATIYA 5:17

Dukw ana meèweke ba mburma a waya mege ya ka, tar pampam nda dukw ana Mezite Mesife Mbulum a waya ki gekwe a ya. Mezite Mesife Mbulum ibam ka, a sasar dukw ana meèweke ba mburma a waya a ge a ya tsa mbaŋa. Gà dukw ata sula ya ka, tar riŋ ndzìzlzle ti nebe a are, ta geye aaba a gùvəl. Aɗaba taŋa na ka slwim aà mege dukw ana a sàs a kurum ki gwim a zləmana nda ndzer ŋa ya tsiye.

EFESIYA 5:9

I tsik kataya ka, agəra gà dukw ana ŋgwal ŋa kalkal lele nda ndzer ŋa ya. Tar ka, i təv dzaydzay ŋa ata.

2 Piyer 2:10

Ama a ta vile a mesewere are ata ndeyndey ŋana ka, a gà na ta gewa dukw ana ŋgwal ŋa tsa, ti niw dər bazlam Əbay Mbulum a, ta waya mezezeme ka, dukw meèweke ba tar ɗekɗek a. Ga ɓəzla medzeŋge bazlam ata a mburma nda pàrsa ya ka, ta gewa magəɗa a wura tsidze. Ti ndze a ka, ŋgakŋgakəkka, tì sìŋgìr a à gər tar ka, hinne. Ta ge a magəɗa a gà dukw ana i gəza mbulum, gà ndzəɗa tar a riŋ hinne ya tsa asa, ti sewle aà teriŋa.