RUMA 8:36 - Bible Zulgo

³⁶ Mesewere are kwa ata a ne ka, kamala ana mewetse ŋa i wakita Mbulum, a gwa ka: «Gà mburma ti yehe a vatwa aà məbatsa mər hiywe, agəra ana mìi zezem a kər a. Tar ihər ta fir aà mər a ka, kamala gà təmaŋ ana ti ti zleye a ter a ɗa ya.»*fa*

RUMA 8:36 ပူးပေါင်းရင်းမြစ်များ

Yuhana 16:2

Ti ti delewere a kurum i ga mahàmà a Mbulum tar a. Pat ŋa a riŋ a ndzere a ka, wura à kiɗ a aà kurum a, a gweɗe a, i ge taŋa ka, dukw ana a tsahən aà Mbulum a.

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 8:32

Ama dukw ana a dzeŋge ya ka, naha: «A ne kamala təmaŋ ana ta gis a a təv mezle ɗa gà duwa ya. A ne kamala təmaŋ ana tì ses a ihər gasgas a ka, a tiwe a tsiye. Indwe, aka hə̀ndə̀k ika bazlam ŋgar a tsidze.

1 Kurintiya 15:30

Kamala taŋa ya, ku mege mər tekeɗe, na mì sər gà mburma ta mbilere a i məməta ya tsəna, dite aàmala na mì zla akaba mesewere are kəla pat a?

1 Kurintiya 15:31

Sərum dər ndzer, gà damər ga, kəla pat tserdze iye ka, i ɗa məməta. I tsik a kurum taŋa ka, aɗaba ana i ŋgaya ba agəra kurum a. I ŋgaya ba ka, agəra ana kurum nda gà mər tserdze magàwà ba ŋa nda gà Yesuw Kiristi BATSAH kwa ŋa ya.

1 Kurintiya 4:9

Ama ka, kataya tsa. Mər gà ɓəzla meslire Yesuw Kiristi, i samata ka, kamala ana Mbulum aka ne à mər gà ɓəzla dəba mburma tserdze ya. Mər mì ne asa ka, kamala gà mburma ana seriye aka gəs tar, dite ta bets a tar ika miɗ mburma ya. Mər ka, kamala gà ɓəzla mesewere are ana ti sèwèr a ter a ɗa ika gər ahəɗ ka, fìyye mburma ta fir ahər a ya, nda gà ku mege ika miɗ gawla Mbulum tekeɗe ya.

2 Kurintiya 1:9

I fataya ka, mì dzala, mì gwa, naha ka, mər ka, i ɗa məməta kamala gà na seriye a gasa tar, ta bets a tar a. Ama Mbulum a ge dər kataya, dite mì gəs ka, ndzəɗa ba mər asa tsa. A waya mì gəs ka, ndzəɗa ŋgar ilik, na a ge a mər a ŋgulum a. Aɗaba ŋgat na a mbəlawa à mburma i məməta ya ya.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

2 Kurintiya 6:9

Ta gwaɗawa ka, tə sər mər tsa, mər ka, gà ɓəzla falày taf masakəŋa. Ama tsaatsa, gà asiŋ gà mìsle ŋgiɗ tserdze tə sər mər lele dukw ŋgar. Ta fə̀rawa aà mər ka, kamala ana mər ka, gà məməta ŋa ya. Ama ka, mər riŋ nda mesife lele dukw ŋgar mbaŋa. Ti sèwèrewa a mər are hinne, ama tàa bats mər zukw tsa seyiŋ.

FILIPIYA 3:10

I waya ka, duwa ilik pəra. A sèsiŋ ka, masəra Kiristi nda ndzəɗa ŋgar ana a mbəl dərra i məməta ya ya. I waya asa ka, i ŋget a a mesewere ŋgar ana a sèwèr a mbaŋa, na dite i ne a kamala ŋgat ana a mət a.