RUMA 8:30 - Bible Zulgo

³⁰ Ama gà mburma ata Mbulum a pala tar tserdze, ti ne gà biy ŋgar a ka, a zal a tar mezele mbaŋa, na dite tə dara a təv ŋgar a ya. Gà na a zal a tar a ka, a ne à tar gà ŋgwal ŋa ika miɗ ŋgar mbaŋa. Taŋa ɗekɗek tsa, a dza tar a təv mezlibe ana tì zlibe a à ŋgat a mbaŋa asa.

RUMA 8:30 ပူးပေါင်းရင်းမြစ်များ

Yuhana 17:22

Yàa vəl a tar ndzəɗa gà ana tì zlibe a iye, kamala ana kà viliŋ a mbaŋa te, dite ka, tə ndza i təv ilik ŋa kamala ma ana ilik a.

Yuhana 17:24

Tsir gà, a sèsiŋ ka, gà mburma ana kà dziŋ tar a ahər a ka, ti ndze a a təv ana i ti ndze aɗəm ya mbaŋa, dite ta ŋgetiŋ i təv ndzəɗa gà ana tì zlibe a dər à iye, kà viliŋ Əbay a. Kà viliŋ ka, aɗaba ana kà waya iye daga aà gər ana gər ahəɗ mege ŋa zukw tsiye.

Yuhana 5:24

Iye ihər i gweɗe a kurum a nda ndzer, pàrsa iɗəm tsa: Wele ana aka dza zləm a bazlam gà, dite aka gəs Mbulum ana a slərra iye ya asa ka, aka ŋgat mesife ana à ndìv a tsa aà biybiy a. Seriye à gis a ŋgat tsa, aka be aà məməta ya a mesife.

RUMA 1:6

Kurum gà mburma Mbulum ana i Ruma ya, kurum tekeɗe ka, ika magər gà mburma ata mbaŋa. Aɗaba Mbulum a zal a kurum ka, na dite ki nwim a gà mburma Yesuw Kiristi ya mbaŋa.

RUMA 11:29

Aɗaba ana aka zal a mburma, aka vəlar duwa ka, aka ndəv pəra, tsəka, wetsèkèlek à mbìɗ a à madzala gà gər ŋgiɗ tsa.

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

RUMA 8:21

Aɗaba pat ŋa a ndzere a ka, a ta mbìrwìɗere a kwa ya nda gà dukw ata a geye tar tserdze ya mbaŋa. Gà dukw ata ti ti ndze a ka, kamala gà ɓele ya asa tsa, dite ti dzeye a tsa asa mbaŋa. Tar nda gà ɓəza Mbulum ka, ta ŋget a mezlibe ana tì zlibe a à tar a, dite ti ziwe a gər tar kuɗa.

RUMA 8:28

Kà sərakwa, gà mburma ana Mbulum a waya tar, a zal a tar, dite ta ge dukw ana a tsahən ahər a ka, a ge a megemir nda gà tar kamala ana a waya ya. A sasar dukw ana a ge a ba nda gà tar tserdze ya ka, ma ge a tar ŋgulum.

1 Kurintiya 1:2

Mì wetseha ka, a kurum gà mburma Mbulum ana i Kurintiya ya. Mbulum na a pala kurum, aà mandza i təv ilik ŋa nda gà Yesuw Kiristi ya. A zal a kurum, na dite kà nwim gà mburma ŋgar a. Mì geha wusa mbaŋa ka, a gà na ta heme a a Yesuw Kiristi BATSAH kwa ŋa ya tserdze, ku mege ika ahəɗ awara tekeɗe ya. Aɗaba ŋgat ka, Batsah tar ŋa, dite Batsah mər ŋa asa mbaŋa.

1 Kurintiya 1:9

Mbulum nda ahər ŋgar ŋa, na a zal a kurum, dite na ki ndzwim a i təv ilik ŋa nda gà Yesuw Kiristi Kəla ŋgar hiywe ya. Ŋgat na a ne BATSAH kwa ŋa ya. Ama Mbulum ka, dukw ana aka mbər metsike ya ka, a ge a ndzer kaɗəŋ, pàrsa iɗəm tsa.

1 Kurintiya 2:7

Seyiŋ tsa, aɗaba metsehe ana i zla a kurumara ya ka, biy Mbulum ivaɗ. Ama taŋa ka, dukw ana makàhà ŋa, Mbulum aka ɗif dər a mburma akahər ata tsiye. I təv ana aka dza ba aà mege gər ahəɗ zukw tsiye ka, a səraba pat ana a ti ɗif a kwe a à dukw ata ya, na dite ka, ki ti ndzekwe a nda gà ŋgat i təv ndzəɗa ŋgar ana tì zlibe a dər a ya.

1 Kurintiya 6:11

Akahər ata piŋŋe ka, gà mìsle ŋgiɗ ika magər kurum ta gewa gà dukw ata mbaŋa. Ama kinehe ka, Mbulum aka bara gəzləŋ kurum tsəɗaŋŋa lele. A ne à kurum gà mburma ŋgar gà tsəɗaŋŋa ŋana, ti ne gà ŋgwal ŋa ika miɗ ŋgar a. A ge dər kamala taŋa ya ka, aɗaba ana kə̀ gəsum Yesuw Kiristi BATSAH kwa ŋa nda gəzləŋ kurum a, dite ka, Mezite Mesife ŋgar ibam, mandza ŋa i gəzləŋ kurum mbaŋa ya.

2 Kurintiya 4:17

Gà mesewere are ana kwa ihər ki sèwèrekwe a kinehe ya ka, ti ndze a tsa, tì ndìv a mba. Ki ta ŋgetekewe a dər ka, mezlibe ana batsah ŋa ya. Mezlibe ata ka, a ti zè a dukw tserdze, dite a ndze a ka, aà biybiy. Agəra taŋa na ki fìrekwe a aà gà mesewere are ata ka, kamala ana mawura ba ŋa tsiye ya.

GALATIYA 1:15

Ama ka, Mbulum a zla iye ya. A zla iye ka, daga piŋŋe, akahər ana tàa wa iye zukw tsiye. Kamala taŋa ya, a giŋ ŋgwal ŋa hinne, a zeliŋ, na dite i ger a meslire ya. Ama aka təv ana a tsahən ahər, i de a a kwite Damas a ka,

GALATIYA 1:6

Dukw ana kurum ihər ki gwim a ya ka, a giŋ hə̀ɓakə̀kka, kamala dukw mene aà mburma ya. Araha, Mbulum a zal a kurum ka, dite ka nwim gà mburma ŋgar, nda ŋgwal ŋgar ana a ge a kurum a. Ama kurum ka, ka miyakum à ŋgat bise tsara ana, meme? Kurum kà zazamum ka, bazlam ŋgiɗ ana kù gwaɗum, ŋgwal ŋa, tsaatsa ka, ŋgwala tsiye ivaɗ.

GALATIYA 5:8

Wele ana a bana kurum, a sasar ki gwim a kataya ya ka, taŋa ka, a dara i təv Mbulum ana a zal a kurum a tsa.

EFESIYA 1:11

Mbulum a ge a duwa tserdze ka, kamala ana a sasar mege ya. Aka pala kwa daga piŋŋe kamala ana a tsik a. Kàa ŋgatakwa dukw ana Mbulum a dzala piŋŋe, a gwa, i ta vile a a gà mburma gà ya. Kə̀ ŋgatakwa ka, aɗaba ana kwa riŋ mandza ŋa i təv ilik na nda gà BATSAH kwa ŋa ya,

EFESIYA 1:5

Aɗaba Mbulum a waya kwa. Aka tsik daga piŋŋe, a gwa, i ti ne a à tar gà ɓəza gà nda ahər Yesuw Kiristi. Aɗaba taŋa na a ne bazlam ŋgar ana a dar a gər a.

EFESIYA 2:6

A mbəl akabara à kwa i məməta ya ka, nda gà Yesuw Kiristi ya, aɗaba ana kwa mandza ŋa i təv ilik ŋa nda gà ŋgat a. A dza kwa i gər ŋa, nda gà Yesuw Kiristi, dite mekwere kwa ma ge ilik nda gà ŋgat tserdze.

EFESIYA 3:11

Kərga taŋa ya, a ge kataya ka, kamala ana a gwa ka, i ta ge a mba, akahər ana aka ge gər ahəɗ zukw tsiye. A ge taŋa ka, nda ahər Yesuw Kiristi Batsah kwa ŋana.

EFESIYA 4:4

Aɗaba gà mburma ti ne ka, ba Yesuw Kiristi ilik pəra. Mezite Mesife Mbulum tekeɗe, ilik, nda dukw ana Mbulum a zal a kurum dər, a vile a kurum a ya ka, ilik mbaŋa, tsəka, sula tsa.

KULUSIYA 3:4

Ndzer kaɗəŋ, Yesuw Kiristi na a ne mesife kurum a. Aləka i təv ana à mère a ya ka, kurum tekeɗe, ta ŋget a kurum a nda gà ŋgat, i təv ndzəɗa ŋgar ana tì zlibe a dər a mbaŋa.

1 TESALUNIKE 2:12

Mì màwa a kurumaha à arəv, mì vəlawa a kurum ndzəɗa, dite mì hamawa a kurum ka, hinne asa mbaŋa, na dite mede kurum ana ki dwim a ya, mà tsahən aà Mbulum a. Ŋgat a zal a kurum ka, na dite ki dwim a a mekwere ŋgar, ki ti ndzwim a nda gà ŋgat i təv mezlibe ŋgar ana tì zlibe a dər a ya.

2 TIMUTE 2:11

Bazlam ana ndzer a ka, araha, na ki slekwe aà metìkè aaka a madzala gà gər kwa ya: Na kàa matakwa akaba a təv ilik ŋa nda gà Yesuw Kiristi ka, kwa tekeɗe, ki ti ndzekwe a nda gà mesife i təv ilik ŋa nda gà ŋgat mbaŋa.

IBƏRANIKWA 9:15

Aɗaba taŋa, Kiristi ka, wele ana mandza ŋa ika magər gà Mbulum nda gà mburma, a sər ba à tar, a ɗif a tar à masəra ba awiya ŋana ta gis a ba ika magər tar a. Kamala taŋa ya, gà mburma ana Mbulum a pala tar, ti ne gà biy ŋgar a ka, ta ŋget a dukw ŋgwal ŋa ata a tsik a tar i sida ya, a gwa, i ta vile a ter a aà biybiy a ya. Dukw ata a ge a ba kataya ka, aɗaba Yesuw Kiristi ana a mət a. Məməta ŋgar ata a mət a ka, a mburuɗ dərra mburma i bakal tar ana ta gewa akahər ata piŋŋe, i təv ana tar riŋ i masəra ba tar ana miviye ŋa ata, Mbulum a gəs ba nda gà tar a.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.

1 PIYER 3:9

Na wura aka ge a kurum dukw ana ŋgwala tsiye ka, ka ta mumar aɗəm à bakal ŋa tsa. Kige tsa bəla wura aka tsik aà kurum dukw ana ŋgwala tsiye ka, ka tə ndavayumar aɗəm ɓav tsa asa mbaŋa. Ŋgulum ki gweɗwimer a ka: Mbulum mi pisak ahəm ivaɗ. Aɗaba akahər ana Mbulum a zal a kurum a ka, aka mbər metsike i sida ya, a gwa: «I ta pise a kurum a ahəm.»

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

2 Piyer 1:10

Aɗaba taŋa, gà damər gà, mərum aba, ka miyakum à mege gà dukw ata tsidze, aɗaba mezele ana Mbulum a zal a kurum, a pala kurum a ka, ki gwim kataya. Na kàa gwim gà dukw ata ka, ki dzeywim a ika vatwa Mbulum a tsidze.

Sunwa Yuhana 17:14

Ti ta ge a gùvəl aà wele ana a ndzikiɗ ba Kəla Təmaŋ a. Ama ŋgat ka, a ti zè a tar nda ndzəɗa, à mbè aà teriŋa. Aɗaba ŋgat ka, batsah ŋa ika gər gà bàba ŋana, dite ika gər gà Əbay ŋa ana ta kwere a ya mbaŋa asa. Gà mburma ŋgar ti zezem a ŋgat ka, nda gəzləŋ ilik. A zal a tar, dite a pala tar ka, aà ti zezem a ŋgat. Kamala taŋa ya, tar tekeɗe, ti ta mbè aà ter a mbaŋa.»

Sunwa Yuhana 19:9

I dəba ŋa ya asa ka, gawla Mbulum a gweɗiŋ: «Wetse aka wakita ka: Maŋgayaba ika gər gà mburma ana tàa zal a tar, ta gwaɗa a tar, dumara a megirive mandə̀ɗà daala Kəla Təmaŋ a bəra ya ya.» Dite gawla Mbulum ata a gweɗiŋ asa: «Bazlam aaha ka, ndzer, pàrsa iɗəm tsa. A dara ka, ika arah Mbulum a.»