RUMA 8:29 - Bible Zulgo

²⁹ Gà na Mbulum a lah mipele tar, ti ne gà biy ŋgar akahər ata ya ka, a sasar na a ti ne à ter a kamala Kəla ŋgar a mbaŋa, na dite Kəla ŋgar tekeɗe, ma ne malkwara ika magər gà damər ŋgar ata hinne ya ya.

RUMA 8:29 ပူးပေါင်းရင်းမြစ်များ

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

Mata 25:40

I dəba ŋa ya ka, iye Əbay, i gweɗe a ter aakiŋa:

Mata 28:10

I dəba ŋa ya, Yesuw a gwaɗa a tar: «Ki gwim magəɗa tsa, dum, ta gwaɗum a gà na ti ne gà damər gà ya ka, tə da aka miɗ a Galile, ti ta ŋgetiŋ a ka, i fata.»

Mata 7:23

Ama ku mege kataya tekeɗe, i gweɗe a ter aaka a ka: «*fa*

Yuhana 17:16

Aɗaba tar ka, gà mburma ana ti zezem a gər ahəɗ a asa tsa, kamala iye ana mburma ŋgar tsiye mbaŋa.

Yuhana 17:19

I vilek a mesife gà, aɗaba tar, dite tar tekeɗe, ti ne gà mburma yak nda ndzer ŋa mbaŋa.

Yuhana 17:26

Yàa ɗif a tar aba à kər a. Ama a sèsiŋ ka, i ɗif a ter a dər hiywe aka miɗ aka miɗ asa, dite mawàyà ba yak ana kà waya iye ya, mà rah a gəzləŋ tar, iye tekeɗe, iye riŋ mandza ŋa i gəzləŋ tar mbaŋa.»

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

RUMA 11:2

Mbulum aka məsak à gà mburma ŋgar ana a pala tar daga aà gər malahalah ŋa ata ya tsa. Kurum kà sərum tsiye, na dukw ana i wakita Mbulum ka, Iliya a ge seriye aà gà Isərayel ika miɗ Mbulum a. A gwaɗa a Mbulum ka:

RUMA 13:14

Ama Yesuw Kiristi BATSAH kwa ŋa, ma ne ka, kamala dukw ahər kurum a. Ki ndzwim a ka, slìppè i ba ŋgar. Ka wiswim ba à gər nda dukw ana ŋgwala tsa, ba kurum a waya aà mege ya asa tsa.

RUMA 9:23

Dite a gà asiŋ ŋa ibam, a sasar à pèt a ter a à ndzəɗa ŋgar ana a za duwa tserdze, tì zlibe a dər a. A waya mege a tar ŋgwal ŋa, a zal a tar dər ka, daga piŋŋe na aà ta ŋgat ndzəɗa ŋgar ata ya.

1 Kurintiya 15:49

Ama kinehe ka, kà ndzìkìɗekwe ba wele ata Mbulum a ge ŋgat nda ahəɗ a tə̀ma. Aka miɗ mba ka, ki ti ndzìkìɗekwe a ba wele ata a dara i mbulum i gər ŋa ya kuɗa.

1 Kurintiya 2:7

Seyiŋ tsa, aɗaba metsehe ana i zla a kurumara ya ka, biy Mbulum ivaɗ. Ama taŋa ka, dukw ana makàhà ŋa, Mbulum aka ɗif dər a mburma akahər ata tsiye. I təv ana aka dza ba aà mege gər ahəɗ zukw tsiye ka, a səraba pat ana a ti ɗif a kwe a à dukw ata ya, na dite ka, ki ti ndzekwe a nda gà ŋgat i təv ndzəɗa ŋgar ana tì zlibe a dər a ya.

1 Kurintiya 8:3

Ama wur ana à sìŋgìr a à ba ŋgar tsa, a waya Mbulum ivaɗ a ka, ŋgat na Mbulum a gweɗe ahər a parakkà, wele aaha ka, biy ga ya.

2 Kurintiya 3:18

Taŋa, kwa ana tserdze kàa gə̀sakwa ŋgat a ka, kwa i luvuŋ ika miɗ Mbulum kamala ana petek ata a riŋ à kèhe a are kwa ya asa tsa. Kwa ihər ki ŋgetekewe a ndzəɗa BATSAH kwa ŋana ti zlibe a dər, a za duwa tserdze ya. Dite kwa asa tekeɗe, ki ti ndzìkìɗekwe a ba kamala ŋgat a. Kamala taŋa ya, ki ŋgetekewe a ndzəɗa nda mezlibe ŋgar mbaŋa, à sìkèh a aka miɗ aka miɗ. BATSAH kwa ŋa na a ge a taŋa ya. Tar nda Mezite Mesife Mbulum ka, i təv ilik ŋa.

EFESIYA 1:11

Mbulum a ge a duwa tserdze ka, kamala ana a sasar mege ya. Aka pala kwa daga piŋŋe kamala ana a tsik a. Kàa ŋgatakwa dukw ana Mbulum a dzala piŋŋe, a gwa, i ta vile a a gà mburma gà ya. Kə̀ ŋgatakwa ka, aɗaba ana kwa riŋ mandza ŋa i təv ilik na nda gà BATSAH kwa ŋa ya,

EFESIYA 4:24

Mbəɗum ibam, à ba ŋgiɗ nda mede awiya ŋa ana Mbulum a vəl, a ndzikiɗ ba biy ŋgar a. Mede ata ka, ndzer ŋa kalkal lele, a da a gər a Mbulum.

FILIPIYA 3:21

I təv ana a dere a ya ka, a ta mbìɗ a à ba kwa ana tsèfek tsèfek ndzəɗa iɗəm tsiye, na dite ba kwa a nis a asa tsa, a ndze a aà bəra aà biybiy kamala biy ŋgar ana ti zlibe a dər a. A ta ge a kamala taŋa ya ka, nda ndzəɗa ŋgar ana a kwere a gà duwa tserdze ya.

KULUSIYA 3:10

Kàa ŋgatum mede ana awiya ŋa ya ivaɗ. A ne ka, kamala awiya petek ana ŋgulàɗə̀ɗɗa kà dzum akaba ya. Mbulum na a vəl a kurum madzala gà gər ata ya. A riŋ a ne a dər awiya ŋa kəla pat, na dite ki nwim a kamala ŋgat a ya. Dite ka, ki ti sirwim a ŋgat lele, à sìkèh a aka miɗ aka miɗ mbaŋa.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

2 TIMUTE 2:19

Ama gà mburma ana Mbulum a pala tar a ka, ndzer kaɗəŋ, pàrsa iɗəm tsa. Ti ne ka, kamala madzàha ga ana tə dzàha ɓəŋɓəŋ lele, a mbezle a tsiye. Dukw ana mewetse ŋa agəra tar a ka, ta gwa: «BATSAH kwa ŋa ka, a sər gà na ti ne ga mburma ŋgar a.»*fa* Dite a gwa asa ka: «Wur ana aka gwa, iye mburma Mbulum a ka, say mə miyak à mege dukw ana ŋgwala tsa a gewa ya.»

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

1 PIYER 1:20

Aɗaba piŋŋe, akahər ana Mbulum aka ge gər ahəɗ zukw tsiye ka, Mbulum aka mbər mezle ŋgat, dite ka, Mbulum a pàt a kurum à ŋgat aka mandəvandəv gər ahəɗ aaha kinehe ya, aà məmbə̀là a kurum.

1 Yuhana 3:2

Gà masla gà, kinehe ka, kàa nekwa gà ɓəza Mbulum, dite ki ti nekwe a gà dukùla na aka miɗ mba ya ka, ki sirekwe a zukw tsa. Ama kə̀la ka, kà sərakwa ndzer, na *Kiristi aka màra ka, ki ti ndzìkìɗekwe a ba kamala ŋgat a, aɗaba ki ŋgetekewer a parakkà, kamala ana ŋgat a ndza ya kaɗəŋ.

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.