RUMA 8:27 - Bible Zulgo

²⁷ Mbulum ka, a sər dukw ana i gəzləŋ mburma ya. Kamala taŋa ya, a sər dukw ana Mezite Mesife a waya ya mbaŋa. Aɗaba Mezite Mesife ata a heme a agəra gà mburma ŋgar a ka, kamala ana a tsahən aà Mbulum a.

RUMA 8:27 ပူးပေါင်းရင်းမြစ်များ

Mata 6:8

Aɗaba taŋa kurum ka, ka ta gwim kamala tar a tsa. Aɗaba ələk ki ti dzwìm a ba aà meheme ka, Mbulum Tsir kurum aka mbər mesire dukw ana a sle aà kurum, kà wayum a.

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

Yuhana 14:13

Dukw ana tserdze kàa wizwim nda zləm gà ya ka, i vile a kurum ŋa, na dite mburma ti zlibe a à Tsir gà, aɗaba iye ana Kəla ŋgar a.

Yuhana 21:17

I dəba ŋa ya asa, a màr dər məmakər ŋa, a gwaɗar: «Simun, kəla Yuhana, wànà kà waya iye ana, ndzer kaɗəŋ a?» Bazlam Yesuw ata a màr dər məmakər ŋa, a gwaɗar: «Wànà kà waya iye yà, kà waya iye yà» ka, a tsəɓ a Piyer hinne. A gwaɗar: «Batsah ga ŋa, kà sər duwa tserdze. Dukw ana i gəzləŋ a tekeɗe ka, kà sər. Kà sər ka, i waya kər ndzer.» Yesuw a gwaɗar: «Ge gər a gà mburma gà ana ti zezem a iye kamala gà təmaŋ a lele.

Gà Ɓəzla Meslire 1:24

Aləka tar ata tserdze ya, ta hama aà Mbulum. Ta gwa i huɗ meheme tar ata ya ka: «Batsah mər ŋa, kər na kà sər gəzləŋ mburma tserdze ya. Ɗif a mər dər, weke na i liwiŋ gà wele sula ŋa aaha kà zla ka,

Gà Ɓəzla Meslire 15:8

Mbulum ana ŋgat a sər gəzləŋ mburma tserdze ya, na a ɗif a kwa dər ka, aka gəs gà na gà Yahuda tsiye mbaŋa, aɗaba ana a vəl a tar Mezìtè Mesife ŋgar kamala ana a vəl a kwa ya ya.

RUMA 8:34

Weke na a sle a aà magəsa tar i seriye ya? Wura a riŋ tsa. Aɗaba Yesuw Kiristi nda gər ŋgar a mət agəra kwa. Ama ka, taŋa ɗekɗek tsa, ndeyndey ŋana ka, na Mbulum a mbəlara à ŋgat i məməta ya ya. Ŋgat a riŋ mandza ŋa ika tsèke ahər mezime Mbulum, dite ŋgat a riŋ a hemer a aɗaba kwa mbaŋa asa.

RUMA 8:6

Aɗaba na wura a dzele a dukw ana ba ŋgar a waya ya ɗekɗek ka, à mìtiŋa. Ama wur ana a dzele a dukw ana Mezite Mesife Mbulum a waya ya ka, Mbulum a viler a mesife ndzer ŋana, nda matasla yam zayya a gəzləŋ ŋgar.

EFESIYA 2:18

Aɗaba kwa tserdze, ku mege gà Yahuda, ku mege gà Yahuda tsa tekeɗe ya ka, kə ŋgatakwa vatwa aà mesirikaha a təv Mbulum Tsir kwa ka, nda təv Yesuw Kiristi. Ama ki slekwe a aà mesirike a təv ŋgar ka, ndaka vatwa ilik ŋa nda ndzəɗa Mezite Mesife Mbulum.

1 TESALUNIKE 2:4

Ama mì tsik ka, dukw ana a sàs a Mbulum mì ɗif a tar dər a ivaɗ. Aɗaba a samata, mər ka, mì tsahən ahər, na dite a vəl a mər bazlam ŋgwal ŋa ata a ahər, mì ɗif a dər a mburma ya. I təv ana mì tsikewa ya ka, a sàs a mər, dite na mì da a gər a mburma ya tsa. Ama mì waya ka, na mìi de a a gər a Mbulum a ivaɗ. Ŋgat na a sər dukw ana i gəzləŋ mər tserdze ya.

IBƏRANIKWA 4:13

Duwa a riŋ ilik na makàhà ŋa aà are Mbulum a tsa. Gà dukw ana a ge tserdze ya ka, a ŋgatar tseɗey tseɗey lele. Ki ti ɗemekwe a gà dukw ana ki gekwe a ya fit dze aka miɗ ŋgar.

YAKUBA 5:16

Aɗaba taŋa, pə̀lawum aba à bakal ika magər kurum, ku weke a heme a a Mbulum aɗaba mìsle ŋgiɗ tserdze mbaŋa asa. Dite Mbulum a mbele a à kurum i dukw məməta ya. Aɗaba meheme wele ana ŋgat mala ndzer ŋa ika miɗ Mbulum a ka, ndzəɗa ŋa, a sle a aà duwa hinne.

Sunwa Yuhana 2:23

tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.