RUMA 8:21 - Bible Zulgo

²¹ Aɗaba pat ŋa a ndzere a ka, a ta mbìrwìɗere a kwa ya nda gà dukw ata a geye tar tserdze ya mbaŋa. Gà dukw ata ti ti ndze a ka, kamala gà ɓele ya asa tsa, dite ti dzeye a tsa asa mbaŋa. Tar nda gà ɓəza Mbulum ka, ta ŋget a mezlibe ana tì zlibe a à tar a, dite ti ziwe a gər tar kuɗa.

RUMA 8:21 ပူးပေါင်းရင်းမြစ်များ

Gà Ɓəzla Meslire 3:21

Ama kinehe ka, a ndze a i gər ŋa tə̀ma, haa a pat ana gà dukw tserdze tàa ne awiya ŋa ya. Kamala na Mbulum a ɗif dər nda ahər gà ɓəzla məma à guma ŋgar ata a ndzək tar daga piŋŋe ya.

RUMA 8:19

Aɗaba zləma gà dukw ana Mbulum a geye tserdze ya ka, tar riŋ ihər ta veviŋa. A sàs a tar ka, hinne na aà meŋgete a pat ana Mbulum a ta pèt a aba a gà ɓəza ŋgar ndərzayya i təv dzaydzay ŋa, na a vile a ter a mezlibe ata ya.

RUMA 8:30

Ama gà mburma ata Mbulum a pala tar tserdze, ti ne gà biy ŋgar a ka, a zal a tar mezele mbaŋa, na dite tə dara a təv ŋgar a ya. Gà na a zal a tar a ka, a ne à tar gà ŋgwal ŋa ika miɗ ŋgar mbaŋa. Taŋa ɗekɗek tsa, a dza tar a təv mezlibe ana tì zlibe a à ŋgat a mbaŋa asa.

1 Kurintiya 15:42

I təv ana Mbulum a ta mbilere a à mburma i məməta ya tekeɗe, a ta ge a ka, kamala taŋa ya mbaŋa. Ba mburma aka mət ka, a ndzikiɗ ba wur daw ana tàa slige ya. Tàa le a biye ka, gùdzuɓ a ndze a tsa, a gwinekiŋa. Ama ba ana Mbulum a mbil a dər a ka, a gwineke a asa tsa, a ndze a ka, aà biybiy.

IBƏRANIKWA 12:27

Bazlam ata a tsik, a gwa «sik ilik asa» ya ka, a ɗif a kwa dər, Mbulum a ti ndìv a à gà dukw ana a ge tserdze ya, na a ta ɓezle a ya, na dite ka, gà dukw ana ti sle aà miɓezle a tsiye, ti zehe a ya.

2 Piyer 3:13

Ama ka, Mbulum a tsik i sida ya, a gwa: «I ge a gəza mbulum awiya ŋa, nda gər ahəɗ awiya ŋa asa mbaŋa.» Na a ndze a i fata ka, gà na ta ge a dukw ana ŋgwal ŋa ndzer a ɗekɗek. Taŋa na dukw ana ki sirwim a dər ka, a dere a ndzer, ki vevekwe a ya.

Sunwa Yuhana 21:1

I dəba ŋa ya asa ka, i ŋgataha a gà gəza mbulum awiya ŋana nda gər ahəɗ ana awiya ŋa ya. Ama gà gəza mbulum malahalah ŋana, nda gər ahəɗ malahalah ŋana ka, tar riŋ asa tsa, tàa dzeye. Dite batsah duluv tekeɗe, a riŋ asa tsa, aka dzeye mbaŋa.