RUMA 8:19 - Bible Zulgo

¹⁹ Aɗaba zləma gà dukw ana Mbulum a geye tserdze ya ka, tar riŋ ihər ta veviŋa. A sàs a tar ka, hinne na aà meŋgete a pat ana Mbulum a ta pèt a aba a gà ɓəza ŋgar ndərzayya i təv dzaydzay ŋa, na a vile a ter a mezlibe ata ya.

RUMA 8:19 ပူးပေါင်းရင်းမြစ်များ

Mata 5:9

Maŋgayaba i təv gà na lìfèɗìɗe ti sir a ba à mburma ya, aɗaba tar ka, ti ti ne a gà ɓəza Mbulum.

Yuhana 1:12

Ama gà asiŋ ŋa kə̀la ka, ta waya ŋgat, tàa gəs ŋgat nda gəzləŋ tar lele. Tar ka, aka vəl a tar vatwa aà mene gà ɓəza Mbulum.

Gà Ɓəzla Meslire 3:21

Ama kinehe ka, a ndze a i gər ŋa tə̀ma, haa a pat ana gà dukw tserdze tàa ne awiya ŋa ya. Kamala na Mbulum a ɗif dər nda ahər gà ɓəzla məma à guma ŋgar ata a ndzək tar daga piŋŋe ya.

RUMA 8:14

Aɗaba gà na Mezite Mesife Mbulum a ɗe a ter a à vatwa ya tserdze ka, tar ti ne gà ɓəza Mbulum.

RUMA 8:16

Mezite Mesife ata na a ɗif a kwe a dər i gəzləŋ kwa ka, kàa nekwa gà ɓəza Mbulum kaɗəŋ a.

RUMA 8:18

I sər ndzer, mesewere are ana kwa ihər ki sèwèrekwe a kinehe ya ka, ar ka, kamala ana dukw masakəŋa ya. A geye akaba a nda mezlibe ana Mbulum a ta vile a kwe a mba ya tsidze.

RUMA 8:23

Ama ka, zləma gà dukw ata ɗekɗek tsa, na ti sèwèr a are ya. Kwa ana Mbulum a lah mivile a kwa Mezite Mesife ŋgar a tekeɗe, kwa ihər ki bèsekwe a i gəzləŋ kwa mbaŋa. Kà wayakwa pat ŋa ma ndzera ka, bise na Mbulum a ti ne a à kwa gà ɓəza ŋgar nda ndzer a, kamala megweɗe ya ka, à mbìrwìɗere a ba kwa i mesewere are ya fit kuɗa.

RUMA 9:26

I kwite ana ta gweɗe a à ter a, kurum gà mburma ŋgar tsiye ka, iye Mbulum, mala məvəla mesife a mburma, i gweɗe a ter a, kurum ka, gà ɓəza gà asa mbaŋa.»*fg*

1 Kurintiya 1:7

Aɗaba taŋa, dukw ana Mbulum a dze a a gà mburma ŋgar a tserdze ka, kàa ŋgatum, kuɗa duwa a ge a kurum a tsidze. Dite kurum riŋ ihər ki vevwim a ka, pat ana Yesuw Kiristi à mère a nda ndzəɗa ŋgar ana tì zlibe a dər a ka, nda gà maŋgayaba.

1 Kurintiya 1:8

Ŋgat na à zlèk a kurum, dite ka, ki ndzwim a ɓəŋɓəŋ lele ika vatwa ŋgar, haa a pat mandəvandəv ŋana, dite pat seriye Yesuw Kiristi BATSAH kwa ŋana a ge a ya, aka ndzera ka, wura a sle a aà məma a kurum à bakal tsiye.

2 Kurintiya 6:18

I ti ne a Tsir kurum, dite kurum tekeɗe, ki ti nwim a gà ɓəza gà mbaŋa, ku mege gà asləka ŋa, ku mege gà dəm ŋa tekeɗe ya. Na a tsik taŋa ka, Mbulum ana a kwere a duwa tserdze ya.»*fd*

GALATIYA 3:26

Kamala taŋa ya, kurum tserdze ka, kàa nwim gà ɓəza Mbulum, aɗaba ana kàa gəsum Yesuw Kiristi nda gəzləŋ, dite kurum a riŋ mandza ŋa i təv ilik ŋa nda ŋgat a.

FILIPIYA 1:20

Dukw ana i waya hinne, i tike aaka madzala gà gər gà ya ka, i ta ge a dukw ana dite ka, tuɗum tuɗum a ndeɗe a aka iye hwarwa ya ilik tsidze. Ama ka, gəzləŋ ga ma ndza ɓəŋɓəŋ lele. A sèsiŋ ka, mege kinehe, kige tsa bəla ndeɗime tekeɗe ka, gà mburma tə̀ zləbawa à Yesuw Kiristi aɗaba iye. Na iye riŋ mandza ŋa nda are ya, ku mege Yàa mət tekeɗe ka, tə̀ zlə̀b à ŋgat pəra kamala taŋa ya.

KULUSIYA 3:4

Ndzer kaɗəŋ, Yesuw Kiristi na a ne mesife kurum a. Aləka i təv ana à mère a ya ka, kurum tekeɗe, ta ŋget a kurum a nda gà ŋgat, i təv ndzəɗa ŋgar ana tì zlibe a dər a mbaŋa.

IBƏRANIKWA 12:27

Bazlam ata a tsik, a gwa «sik ilik asa» ya ka, a ɗif a kwa dər, Mbulum a ti ndìv a à gà dukw ana a ge tserdze ya, na a ta ɓezle a ya, na dite ka, gà dukw ana ti sle aà miɓezle a tsiye, ti zehe a ya.

1 PIYER 1:13

Aɗaba taŋa, hadzalum madzala gà gər kurum aà megemir Mbulum. Kaslum ba kurum lele, dite ka tikwim madzala gà gər kurum tserdze aka ŋgwal dukw ata Yesuw Kiristi a ta vile a kurum a, a pat ana à mère a ya.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

1 Yuhana 3:1

Fə̀rum kwaŋ, meme na Mbulum a waya kwa hinne ya, dite ka, a zal a kwa dər gà ɓəza ŋgar asa ya? Kàa nekwa ka, gà ɓəza ŋgar kaɗəŋ. Gà mburma gər ahəɗ aaha tə sər ka, kwa kàa nekwa gà ɓəza Mbulum tsəka, aɗaba ana tə sər Mbulum tsiye.

1 Yuhana 3:2

Gà masla gà, kinehe ka, kàa nekwa gà ɓəza Mbulum, dite ki ti nekwe a gà dukùla na aka miɗ mba ya ka, ki sirekwe a zukw tsa. Ama kə̀la ka, kà sərakwa ndzer, na *Kiristi aka màra ka, ki ti ndzìkìɗekwe a ba kamala ŋgat a, aɗaba ki ŋgetekewer a parakkà, kamala ana ŋgat a ndza ya kaɗəŋ.

Sunwa Yuhana 21:7

Wur ana aka mba aà dukw bakal gər ahəɗ a ka, a ŋget a gà dukw ata. Iye i ti ne a Mbulum Tsir ŋgar, dite ŋgat tekeɗe, a ti ne a kəla gà mbaŋa.