RUMA 8:16 - Bible Zulgo

¹⁶ Mezite Mesife ata na a ɗif a kwe a dər i gəzləŋ kwa ka, kàa nekwa gà ɓəza Mbulum kaɗəŋ a.

RUMA 8:16 ပူးပေါင်းရင်းမြစ်များ

Mata 5:9

Maŋgayaba i təv gà na lìfèɗìɗe ti sir a ba à mburma ya, aɗaba tar ka, ti ti ne a gà ɓəza Mbulum.

Luka 20:36

Aɗaba tar ka, ta mete a asa tsa. Ti ndze a ka, kamala gà gawla Mbulum a. Tàa ne gà ɓəza Mbulum, aɗaba tàa mbəlara i məməta ya aka ndəv.

Yuhana 1:12

Ama gà asiŋ ŋa kə̀la ka, ta waya ŋgat, tàa gəs ŋgat nda gəzləŋ tar lele. Tar ka, aka vəl a tar vatwa aà mene gà ɓəza Mbulum.

Gà Ɓəzla Meslire 5:32

Mər ka, gà ɓəzla sida gà dukw ata ta ge ba ya, mər nda gà Mezite Mesife Mbulum ana a vəl a gà na tàa gəs bazlam ŋgar a.»

RUMA 8:14

Aɗaba gà na Mezite Mesife Mbulum a ɗe a ter a à vatwa ya tserdze ka, tar ti ne gà ɓəza Mbulum.

RUMA 8:19

Aɗaba zləma gà dukw ana Mbulum a geye tserdze ya ka, tar riŋ ihər ta veviŋa. A sàs a tar ka, hinne na aà meŋgete a pat ana Mbulum a ta pèt a aba a gà ɓəza ŋgar ndərzayya i təv dzaydzay ŋa, na a vile a ter a mezlibe ata ya.

RUMA 8:23

Ama ka, zləma gà dukw ata ɗekɗek tsa, na ti sèwèr a are ya. Kwa ana Mbulum a lah mivile a kwa Mezite Mesife ŋgar a tekeɗe, kwa ihər ki bèsekwe a i gəzləŋ kwa mbaŋa. Kà wayakwa pat ŋa ma ndzera ka, bise na Mbulum a ti ne a à kwa gà ɓəza ŋgar nda ndzer a, kamala megweɗe ya ka, à mbìrwìɗere a ba kwa i mesewere are ya fit kuɗa.

RUMA 8:26

Aɗaba taŋa, Mezite Mesife Mbulum tekeɗe, a dere a, à zlèk a kwa mbaŋa, aɗaba ana ndzəɗa kwa a riŋ ika vatwa Mbulum tsiye. Aɗaba kà sərakwa, meme na ki hemekwe a a Mbulum ndaka vatwa ŋa ya tsa. Say Mezite Mesife Mbulum ata nda gər ŋgar na a riŋ a heme a a Mbulum aɗaba kwa ya. A heme a ka, nda gəzləŋ ilik sah gər, tsəka, nda bazlam ka, a sle tsa na à meɗife à dukw ana a tsik a ya ya.

RUMA 9:26

I kwite ana ta gweɗe a à ter a, kurum gà mburma ŋgar tsiye ka, iye Mbulum, mala məvəla mesife a mburma, i gweɗe a ter a, kurum ka, gà ɓəza gà asa mbaŋa.»*fg*

RUMA 9:8

Kamala megweɗe ya, i liwiŋ gà ɓəza ana Abəraham a wa tar a fit tsa, na ti ne a gà ɓəza Mbulum a. Aɗaba Mbulum a gwa: «Say gà na ta wa tar aɗaba dukw ana i tsik i sida ya, na i ɗeme a i liwiŋ gà ɓəza ŋgar a ya.»

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

2 Kurintiya 1:22

A dzaya a kwa Mezite Mesife ŋgar a gəzləŋ kwa, dite kà sərakwa dər ka, kàa nekwa gà ɓəza ŋgar a. Nda ahər Mezite Mesife ŋgar ata mbaŋa, na ki sirekwe a dər ka, ki ta ŋgetekewe a a gà asiŋ gà dukw ŋgiɗ ana a gwa, a ta vile a kwe a ya.

2 Kurintiya 5:5

Mbulum nda gər ŋgar na a ge megemir i gəzləŋ kwa ya, aà kə ŋgatakwa ba awiya ŋa ata. A vəl a kwa Mezite Mesife ŋgar, dite ki sirekwe a dər ka, a ta vile a kwe a ba awiya ŋa ata mbaŋa ya.

2 Kurintiya 6:18

I ti ne a Tsir kurum, dite kurum tekeɗe, ki ti nwim a gà ɓəza gà mbaŋa, ku mege gà asləka ŋa, ku mege gà dəm ŋa tekeɗe ya. Na a tsik taŋa ka, Mbulum ana a kwere a duwa tserdze ya.»*fd*

GALATIYA 3:26

Kamala taŋa ya, kurum tserdze ka, kàa nwim gà ɓəza Mbulum, aɗaba ana kàa gəsum Yesuw Kiristi nda gəzləŋ, dite kurum a riŋ mandza ŋa i təv ilik ŋa nda ŋgat a.

GALATIYA 4:6

Dukw ana ki sirekwe a dər ndzer kaɗəŋ, kàa nekwa gà ɓəza ŋgar a ka, araha: Mbulum a slərra Mezite Mesife Kəla ŋgar a gəzləŋ kwa ya. Mezite Mesife ata ka, a riŋ a zel a a Mbulum «Aba,« kamala megweɗe ya ka: «Dede ga.»

EFESIYA 1:13

Kurum tekeɗe ibam ka, i təv ana kàa tsarakum bazlam ŋgwal ŋana ndzer, kà sərum ka, ki ta mbilwim a dər a ka, kə̀ gəsum Yesuw Kiristi nda gəzləŋ kurum mbaŋa. Kərga taŋa ya, Mbulum aka ge aà kurum lambà nda Mezite Mesife ŋgar ana a gwa ka, i ta vile a kurum a ya, aɗaba ana kurum mandza ŋa i təv ilik ŋa nda gà Yesuw Kiristi ata ya.

EFESIYA 4:30

Kà sawarum are a Mezite Mesife Mbulum tsa. Aɗaba Mezite Mesife ata ka, lambà ana Mbulum a ge aà kurum a. A ge aà kurum ka, aɗaba ana kurum gà mburma ŋgar a, dite a ta mbil a dər à kwa fit a pat ŋgar ana a tike ya mbaŋa.

1 Yuhana 3:1

Fə̀rum kwaŋ, meme na Mbulum a waya kwa hinne ya, dite ka, a zal a kwa dər gà ɓəza ŋgar asa ya? Kàa nekwa ka, gà ɓəza ŋgar kaɗəŋ. Gà mburma gər ahəɗ aaha tə sər ka, kwa kàa nekwa gà ɓəza Mbulum tsəka, aɗaba ana tə sər Mbulum tsiye.

1 Yuhana 3:10

Ama wur ana a gewa dukw ana ŋgwal ŋa tsiye ika miɗ Mbulum, kige tsa a waya mburma tsəka, ŋgat ka, mburma Mbulum tsa. Kamala taŋa ya na ki sirekwe a dər ikaba ya, naha ka, gà ɓəza Mbulum, kige tsa gà ɓəza Əbay sitene ka, aà gà dukw ata ta geye a ya.

1 Yuhana 3:2

Gà masla gà, kinehe ka, kàa nekwa gà ɓəza Mbulum, dite ki ti nekwe a gà dukùla na aka miɗ mba ya ka, ki sirekwe a zukw tsa. Ama kə̀la ka, kà sərakwa ndzer, na *Kiristi aka màra ka, ki ti ndzìkìɗekwe a ba kamala ŋgat a, aɗaba ki ŋgetekewer a parakkà, kamala ana ŋgat a ndza ya kaɗəŋ.

1 Yuhana 4:13

Mbulum a vəl a kwa Mezite Mesife ŋgar. Aɗaba taŋa na kà sərakwa dər ka, ki ndzekwe a i təv ilik ŋa nda gà ŋgat a, dite ŋgat tekeɗe ka, a ndze a i təv ilik ŋa nda gà kwa mbaŋa.

1 Yuhana 5:10

Aɗaba taŋa, na wura aka gəs Kəla Mbulum nda gəzləŋ ŋgar ka, a sir a gà dukw ata ti ne ndzer a i gəzləŋ ŋgar. Ama wur ana aka gəs bazlam Mbulum a gəzləŋ ŋgar tsiye ka, a ne à ŋgat mala pàrsa. Aɗaba aka gəs dukw ana Mbulum a tsik aka gər Kəla ŋgar a tsa.

Sunwa Yuhana 21:7

Wur ana aka mba aà dukw bakal gər ahəɗ a ka, a ŋget a gà dukw ata. Iye i ti ne a Mbulum Tsir ŋgar, dite ŋgat tekeɗe, a ti ne a kəla gà mbaŋa.