RUMA 8:15 - Bible Zulgo

¹⁵ Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

RUMA 8:15 ပူးပေါင်းရင်းမြစ်များ

Mata 25:25

Aɗaba taŋa, iye ka, magəɗa a giŋ, i gwa ka, a dzeyiŋ a a ahər, Yàa tsàkàl dər tsa. I daha a ma ka, i le aba a biye ya. Araha siŋgwe yak naha, ndzə̀kaba dukw yak.>

Markus 14:36

A gwaɗar: «Kamkam Tsir gà, aka təv ana mesewere are ata aka ndzera ka, ma ta giŋ ba a gər tsa te, na mege a ge a ba ya. Aɗaba kər ka, kà sle aà duwa tserdze. Ama ki ge a kəla ka, kamala ana a sàsak a, tsəka, kamala ana a sèsiŋ a tsa.»

Luka 11:2

Yesuw a tsaraka kataya ka, a dza ba aà meɗìfè a tar dər. A gwaɗa a tar: «I təv ana ki hemwim a ya ka, gwaɗum: Tsir mər, kər ka, tsəɗaŋŋa, bakal i təv yak tsa. Gà mburma tserdze tə̀ zlə̀b dər à kər. Mekwere yak ana ki kwere a ya ka, ma ge ba i təv mər mbaŋa.

Luka 22:42

I huɗ meheme ŋgar ata ya ka, a gwa: «Tsir gà, na mege kà waya ka, zla aà iye mesewere are ana i ti sèwèr a are ya te. Ama ki ge a ka, kamala ana a sàsak a, tsəka, kamala ana a sèsiŋ a tsa.»

Luka 8:28

A ŋgataha a Yesuw tsara ka, a wideye nda ndzəɗa hinne. Dite a daha, a kal à ba aka miɗ ŋgar, a gwaɗar: «Əla a ləm akaba à ma ya, Yesuw, Kəla Mbulum ana i gər ŋa ya? Kamkam, kà sèwèriŋ are tsa te.»

Luka 8:37

I dəba ŋa ya, gà mburma ana tserdze ika ahəɗ ata ya, ta hama a Yesuw, dite ma da ika ahəɗ tar a te. Aɗaba ta ger magəɗa ka, hinne. I dəba ŋa ya, Yesuw a tsəl a slə̀làh yam, à mbiɗere a gər ndàra a dəba ya.

Yuhana 16:8

Na aka dara ka, a ɗif a à ndzer ŋa a gà mburma ana ti zezem a gər ahəɗ a, dite ti sir aaba a i bakal tar ana ta ge a ya, nda gà i dukw ana ŋgwal ŋa ika miɗ Mbulum a. Ti sir a mbaŋa ka, Mbulum na à ses a ikaba seriye tar a.

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

Gà Ɓəzla Meslire 16:29

Wele ata a tsaraka kataya ka, a wiz akwa, dite a val dər a huɗ ga, a təv ziŋziŋ ata gà ɓəzla daŋgay tə ndzawa iɗəm a. A daha nda gà medzedzere slàɓ slàɓ slàɓ. A daha, a kal aba aka miɗ gà Pul nda Silas.

Gà Ɓəzla Meslire 2:37

Gà mburma ata tə tsaraka bazlam ata tsara ka, arəv a da aà tar a, ta ge magəɗa hinne. Ta gwaɗa a gà Piyer nda gà asiŋ gà ɓəzla meslire Mbulum ŋgiɗ: «Gà damər mər, dite mìi ge a dze ana, meme?»

RUMA 8:16

Mezite Mesife ata na a ɗif a kwe a dər i gəzləŋ kwa ka, kàa nekwa gà ɓəza Mbulum kaɗəŋ a.

RUMA 8:23

Ama ka, zləma gà dukw ata ɗekɗek tsa, na ti sèwèr a are ya. Kwa ana Mbulum a lah mivile a kwa Mezite Mesife ŋgar a tekeɗe, kwa ihər ki bèsekwe a i gəzləŋ kwa mbaŋa. Kà wayakwa pat ŋa ma ndzera ka, bise na Mbulum a ti ne a à kwa gà ɓəza ŋgar nda ndzer a, kamala megweɗe ya ka, à mbìrwìɗere a ba kwa i mesewere are ya fit kuɗa.

RUMA 8:26

Aɗaba taŋa, Mezite Mesife Mbulum tekeɗe, a dere a, à zlèk a kwa mbaŋa, aɗaba ana ndzəɗa kwa a riŋ ika vatwa Mbulum tsiye. Aɗaba kà sərakwa, meme na ki hemekwe a a Mbulum ndaka vatwa ŋa ya tsa. Say Mezite Mesife Mbulum ata nda gər ŋgar na a riŋ a heme a a Mbulum aɗaba kwa ya. A heme a ka, nda gəzləŋ ilik sah gər, tsəka, nda bazlam ka, a sle tsa na à meɗife à dukw ana a tsik a ya ya.

RUMA 9:4

Tar ka, gà Isərayel ana Mbulum a pala tar a. A pala tar ka, aà mene à tar gà ɓəza ŋgar. A pàt a tar à ndzəɗa ŋgar, na dite tì zlibe a à ŋgat a. A ɗif a tar à masəra ba ŋgar, nda məpala ahəm ŋgar mbaŋa. A ɗe a tar à vatwa ana, dite ta heme a aà ŋgat a. A tsikewa a tar gà asiŋ gà bazlam ŋgiɗ pampam i sida ya, aka gər dukw ana a vile a ter a ya mbaŋa. Ama ka, ta gəs tsa.

1 Kurintiya 2:12

Ama madzala gà gər ana kinehe ki dzelekwe a ya, a dara ka, i gər mburma ya tsa. A dara ka, i huɗ Mezite Mesife Mbulum ana a slərra a təv kwa ya, dite na kà sərakwa gà dukw ana a vəl a kwa biy taf a ahər tserdze ya ya.

2 Kurintiya 11:4

I ge magəɗa agəra kurum ka, aɗaba ana bəla mala metsìkè kurum bazlam Mbulum nda pàrsa a dehe a a təv kurum, a dzeŋge a kurum a ka, ki vilwimer a vatwa, ki dzwìm a zləm a duwa ana a dzeŋge a kurum a ya lele. Ama tsaatsa, bazlam gà mburma ata ti tsik a aka gər Yesuw a ka, pam nda biy mər, tsəka, ilik tsa. Dite Mezite Mesife ana ti tsikewa ahər, ta gwa, ki ta ŋgetwim a ya tekeɗe, ar ka, pam nda biy na kà lah meŋgetwim akahər ata piŋŋe ya mbaŋa. Aɗaba tar ti tsik a kurum a ka, bazlam ŋgiɗ pam, tsəka, bazlam ŋgwal ŋa ana mì lah metsìkè a kurum akahər ata ya tsa. Ama kurum ka, ka dzum zləm a dukw ana ti tsik a ya ana, meme?

GALATIYA 2:4

Ama gà mburma ana ta ge a duwa ka, nda pàrsa ya, tə dawaha aka magər tar, ta gwa, say mà sàs ba. Tə daha aka magər tar ka, sereh sèrèh sereh sereh nda wirwir, aà masamata vatwa kwa ana ki ziwekwe a dər gər kwa ya, aɗaba ana kwa mandza ŋa i təv ilik ŋa nda gà Yesuw Kiristi ya. A sàs a tar ka, na ki nekwe a gà ɓele məpala ahəm gà Yahuda asa ya.

GALATIYA 5:1

*Kiristi ka, aka be à kwa i məpala ahəm gà Yahuda ya, na dite araha kinehe ki ziwekwe a gər kwa ya. Aɗaba taŋa, mərum aba aà mendze kamala taŋa ya. Wura ilik ma ti ne à kurum gà ɓele asa tsidze.

EFESIYA 1:5

Aɗaba Mbulum a waya kwa. Aka tsik daga piŋŋe, a gwa, i ti ne a à tar gà ɓəza gà nda ahər Yesuw Kiristi. Aɗaba taŋa na a ne bazlam ŋgar ana a dar a gər a.

2 TIMUTE 1:7

Aɗaba Mezite Mesife ana Mbulum a vəl a kwa ya ka, aka ne à kwa gà ɓəzla magəɗa tsa. Ama a vəl a kwa ka, ndzəɗa ivaɗ, nda meweye kwa ana ki weyekwe a mburma ya, dite nda makwàrà ba kwa ana ki kwerekwe a ba ya ivaɗ asa.

IBƏRANIKWA 2:15

Akahər ata ka, gà mburma tserdze ta ge a magəɗa a məməta i təv mendze tar ana ti ndze a ya, kamala ɓele ana a ge a magəɗa a mala ga ŋgar a. Ama Yesuw a mət aɗaba tar ata ka, a bera à tar i magəɗa məməta ata ya.

YAKUBA 2:19

Kər kə̀ gəs ana Mbulum ana ŋgat ilik a tsiye? Taŋa ka, lele. Ama kə̀la ka, gà sitene tə sər mbaŋa, ti dzedzeriŋa, ta ger a magəɗa hinne.

1 Yuhana 4:18

Wur ana Mbulum a waya ŋgat a ka, a ta ge a magəɗa tsa, aɗaba meweye Mbulum ana a waya kwa nda ndzer ŋa aka ge mege megemir i gəzləŋ kwa lele ka, a delewe a à kwa magəɗa ya fit dze. Dukw ana a ge a magəɗa a mburma ya ka, seriye Mbulum. Aɗaba taŋa, na wura a ge a magəɗa ka, meweye Mbulum ana a waya ŋgat a ka, ar i gəzləŋ ŋgar fit kamala ana a sàs a Mbulum a tsa.