RUMA 8:10 - Bible Zulgo

¹⁰ Na Yesuw Kiristi mandza ŋa i gəzləŋ kurum ka, Mezite Mesife Mbulum a vile a kurum a mesife, agəra ana kàa nwim gà ŋgwal ŋa ika miɗ ŋgar a. A vile a kurum a ka, ku mege ba kurum à mìt a aɗaba bakal ana ki gwim a ya tekeɗe.

RUMA 8:10 ပူးပေါင်းရင်းမြစ်များ

Yuhana 14:23

Yesuw a gwaɗar aaka: «Wur ana a weye a iye ya ka, a ti dze a gurmits a bəɗ a dukw ana i tsik a ya mbaŋa. Tsir gà a ta weye a ŋgat, dite ka, mər məma mìi dere a, mìi ndze a nda gà ŋgat.

Yuhana 15:5

Iye i ne ka, kamala dizl ɗaf ata ya, dite kurum kà nwim ka, gà ɓəza ahər ŋana. Wur ana a ndze a i təv ga, iye tekeɗe, i ndze a i təv ŋgar a ka, ŋgat a ne ka, kamala ahər dizl ɗaf ata a we a hinne ya. Ama wur ana a ndze a i təv gà tsiye ka, a sle a aà mege duwa ilik tsidze.

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

Yuhana 4:14

Ama wur ana aka sa yam ana i viler a ya ka, yam à kiɗ a ŋgat diydiy asa tsa. Aɗaba yam ana i ta viler a ya ka, a ti ne a kamala biye yam ana ùwaɗ ùwaɗ à ŋgìzere a iɗəm a, a viler a mesife ana à ndìv a tsa aà biybiy a.»

Yuhana 6:54

Ama wur ana a zim a slu ba gà, dite a se a məmbəz ga asa ya ka, aka ŋgat mesife ana à ndìv a tsa aà biybiy a. Dite i mbil a à ŋgat i məməta ya, a pat ana gər ahəɗ à ndìv a ya mbaŋa.

Yuhana 6:56

Wele ana a zim a slu ba gà, dite a se a məmbəz ga asa ya ka, ŋgat a ndze a i təv ga, dite iye tekeɗe, i ndze a i təv ŋgar mbaŋa.

RUMA 5:12

Dukw ana a ge ba ya ka, araha: Mburma ilik a ge bakal, dite bakal ata a dara aka gər ahəɗ a. Mimbile i bakal a tekeɗe, nda ahər mburma ilik mbaŋa. Aɗaba bakal ata na mburma ta mete a ya. Kamala taŋa ya, məməta a ndze a, ku mege a ŋga, aka gər ahəɗ tserdze, aɗaba ana tar tserdze tàa ge bakal a.

RUMA 5:21

Kamala taŋa ya, ŋgwal ana Mbulum a ge a mburma ya ka, a kwere a tar tserdze, na dite ka, ti ne a gà ŋgwal ŋa ika miɗ ŋgar a. Ar ka, kamala bakal ana akahər ata a ge Əbay aka mburma, dite a bets a tar a mbaŋa. Aɗaba Mbulum a vəl a kwa ŋgwal ŋgar ata ka, na dite ki ŋgetekewe a dər mesife ana à ndìv a tsa aà biybiy a. A vəl a kwa ka, nda ahər Yesuw Kiristi BATSAH kwa ŋa.

RUMA 8:11

Ama na Mezite Mesife Mbulum ana a mbəlara à Yesuw Kiristi i məməta ya, dite Mezite Mesife ata a riŋ mandza ŋa i gəzləŋ kurum ka, taŋa ka, Mbulum a ta mbilere a à ba kurum i məməta ya nda ndzer mbaŋa, pàrsa iɗəm tsa. A ta ge a taŋa ka, nda ndzəɗa Mezite Mesife ŋgar ata mandza ŋa i gəzləŋ kurum a.

1 Kurintiya 15:45

Aɗaba a riŋ mewetse ŋa i wakita Mbulum ka, a gwa: «Adama malahalah ŋa na Mbulum a vəlar mesife ya.»*fe* Wele ana a ndə̀vara aba i dəba Adama ya ka, *Kiristi. Tar ka, ilik nda Mezite Mesife Mbulum ana a vile a mesife awiya ŋa a mburma ya.

2 Kurintiya 13:5

Kinehe ka, dzikwim à ba kurum nda təv megìse dzekwiŋ. Kà samatum lele, aà ka sərum dər, wànà kàa gəsum Yesuw ana, nda ndzer a? Aɗaba kurum kà sərum, Yesuw Kiristi ka, ŋgat mandza ŋa i gəzləŋ kurum ana, wànà kà sərum tsiye? Na kataya tsəka, kàa dzawum ika vatwa ŋgar a.

2 Kurintiya 4:11

I huɗ mandza aà bəra mər ana mìi ndze a ya, mər ka, i ɗa məməta agəra ana mìi zezem a Yesuw a. Ama ba mər aaha ndzəɗa iɗəm tsa, tsèfek tsèfek à mìt a mba ya ka, aka mət zukw tsa. Kamala taŋa ya, mburma ti sir a mesife Yesuw ka, nda təv mər.

2 Kurintiya 5:21

Kiristi ka, aka ge bakal duwa ilik tsidze. Ama ka, Mbulum a zla bakal kwa tserdze, a tike aka gər ŋgar. A ge dər kataya ka, aɗaba kwa, dite i təv ana kwa mandza ŋa i təv ilik ŋa nda gà Kiristi ya ka, a ne a à kwa gà ŋgwal ŋa ika miɗ ŋgar.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

EFESIYA 3:17

Iye ihər i hemer a asa ka, dite Yesuw Kiristi ma ndza i gəzləŋ kurum, aɗaba ana kàa gəsum ŋgat nda gəzləŋ a. Iye ihər i hemer a asa mbaŋa ka, dite ka wayum ba ilik ilik tserdze. Na kàa wayum ba ka, ki ŋgetwim a ndzəɗa ɓəŋɓəŋ lele kamala dizl ɗaf ana a ŋge zlile ya, nda gà kamala ga ana madzàha ŋa lele, a mbezle a tsiye.

FILIPIYA 1:23

Kə̀zət gà dukw ata sula ya, ta ŋgil a aba à iye. Ama a sèsiŋ kə̀la asa mbaŋa ka, ŋgulum na i mìt a ya, dite mìi ndze a i təv ilik ŋa nda Yesuw Kiristi ya. Aɗaba taŋa ka, ŋgwal ŋa hinne, a za dər mendze ana i ndze a ɗa ika gər ahəɗ kinehe ya.

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

1 TESALUNIKE 4:16

A pat ata ka, Mbulum à fèfil a nda magala ŋgəlakəkka, na dite dukuməŋa à dze ahər a ba ya. Əbay ana ika magər gà gawla Mbulum a, a zeliŋa, dite ta vèt a mezleliŋ Mbulum mbaŋa. I dəba ŋa ya ka, BATSAH kwa ŋa a terre a i gər ŋa i mbulum a kuɗa. Dite gà mburma ana ta mata ya, tàa gəs ŋgat nda gəzləŋ tar a ka, tar na ti lèh a aà mimbilera i məməta ya.

IBƏRANIKWA 12:23

Kurum riŋ ka, i təv mayahaba gər gà ɓəza Mbulum ana gà malkwara ŋa, a wetse zləm tar i wakita ŋgar i gər ŋana akahər ata piŋŋe ya. Kà dumara ka, a təv Mbulum ana a ta ge a seriye gà mburma tserdze ya. Kà zazamum ka, gà mburma ana ti ne gà ŋgwal ŋa ika miɗ Mbulum, Mbulum a ne à tar gà tsəɗaŋŋa ya.

IBƏRANIKWA 9:27

Kamala ana ku mege weke à mìt a ka, sik ilik pəra ya. Aka mət ka, dite i dəba ŋa ya, a de a aka miɗ seriye Mbulum kuɗa ya.

Sunwa Yuhana 14:13

I dəba ŋa ya ka, i tsarakara mifefile i mbulum a asa, a gweɗiŋ: «Wetse dukw ana i tsikik a ya. Bazlam ŋa ka: Gà na ta mataya i megemir Mbulum a ka, maŋgayaba ika gər tar, daga aà kinehe ya.» I fataya ka, Mezite Mesife Mbulum a gwa aaka: «Haya, kamala taŋa ya kaɗəŋ. Aɗaba mege megemir tar ka, aka ndəv, tì sifik a ba ka, nda gà maŋgayaba. Aɗaba dukw megemir tar ana ta ge ŋgwal ŋa ya ka, ndərzayya, makàhà ŋa asa tsa.»