RUMA 7:7 - Bible Zulgo

⁷ Kamala taŋa ya, ki gweɗekwe a kinehe dze ana, meme? Wànà məpala ahəm Musa ka, dukw bakal a? Awaŋ, kataya tsa. Ama na mege məpala ahəm Musa a riŋ tsəka, ana ka, ki sirekwe a aba i bakal a tsa. Na mege məpala ahəm ata ma gwa ka, ka ta ge are aka dukw mburma tsa,*fa* tsəka, ana ka, ki sir a ikaba à medzibe bakal ata ya tsidze.

RUMA 7:7 ပူးပေါင်းရင်းမြစ်များ

Mata 5:28

Ama iye ihər i gweɗe a kurum ŋa: Na wura aka fə̀r aà məkəs mburma, aka ge aaka are i gəzləŋ ŋgar ɓìlè ɓìlè ka, aka ge muva tsara na taŋa ya.

Luka 12:15

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Luka 20:16

Ama a gwaɗa a tar: «A dehe a ka, a bets a iɗəm gà ɓəzla megemir dizl ɗaf ŋgar ata ya fit, dite à dze aɗəm a gà mìsle ŋgiɗ awiya ŋa asa.» Ama gà mburma ata tə tsaraka bazlam ŋgar ata kataya ka, ta gwaɗar aaka: «Gà dukw ata tserdze ya ka, a ge a ba diydiy tsidze.»

Gà Ɓəzla Meslire 20:33

Iye ka, Yàa wiz siŋgwe, kige tsa petek aà wura tsidze.

RUMA 13:9

Kà sərum məpala ahəm ŋgar ana a gwa ka, ki ge muva tsa, ki ge akəl tsa, ki ge are aka dukw mburma tsiye.*fa* Ama gà asiŋ ŋa a riŋ pampam hinne asa. Gər məpala ahəm ata tserdze ya, a sasar aà megweɗe ka: «Waya mburma kamala ana kà waya ba yak a.»*fb*

RUMA 3:20

Fə̀rum ahər, a ge a kataya ka, aɗaba wura ilik a sle a aà mene ŋgwal ŋa ika miɗ Mbulum agəra ana a zezem a məpala ahəm ŋgar a tsa. Aɗaba məpala ahəm ata à pèt a ka, à bakal a gà mburma ndərzayya ɗekɗek, na dite ka, ti sir ahər a lele ya.

RUMA 3:5

Bəla gà mìsle ŋgiɗ ta gweɗe a: Dukw ana ki gekwe a ŋgwala tsiye ka, à zlèk a mburma, dite tə sər dər ka, Mbulum ka, ŋgwal ŋa lele, bakal a riŋ i təv ŋgar tsa. Dite ki gweɗekwe a ter aaka a ana, dukùla? Wànà ki gweɗekwe a ana, Mbulum ka, mala ndzer tsiye, na i təv ana a ge a matsəɓatsəɓ, à gis a kwa nda seriye ŋgar a? I wiz taŋa ka, kamala ana gà asiŋ gà mburma ta wizewa ya mbaŋa.

RUMA 4:1

Meme na kà dzalakwa gà gər aka Abəraham, batsah tsir kwa ana akahər ata ya. Ki gweɗekwe a aka gər ŋgar dze ana, meme? A ge dze ana, dukùla?

RUMA 4:15

Aɗaba məpala ahəm a ge a ka, dukw ana, dite matsəɓatsəɓ Mbulum a gis a dər gà na tàa zazam məpala ahəm ata tsiye ɗekɗek. Aɗaba ana məpala ahəm a riŋ tsəka, duwa a riŋ na ti nis a dər a tsa mbaŋa te.

RUMA 5:20

Ama Mbulum a vəl məpala ahəm ŋgar a Musa ka, i dəba ŋa ya dite bakal a səkah aka gà mburma hinne asa ivaɗ. Ama na bakal aka səkah ka, ŋgwal ana Mbulum a ge a ter a tekeɗe, à sìkèh a hinne mbaŋa.

RUMA 6:15

Ama kinehe ka, kwa i ahər məpala ahəm Musa asa tsa. Kwa ka, i ahər ŋgwal Mbulum ana a ge a kwa ya, na a kwara kwa ya. Dite ki gweɗekwe a dze ana, meme na kinehe ya? Na kataya ana, wànà kà mətsakwa ana, aà mege bakal hiywe pəra ya? Awaŋ, kataya tsidze.

RUMA 7:11

I təv ana kà tsarakukwa məpala ahəm ata ya ka, bakal a yahawa vatwa aà məbànà kwa, dite kàa gekwa ka, a bets a kwa kuɗa.

RUMA 7:13

Dite na kataya ana, dukw ata ŋgwal ŋa lele ya, na a bats kwa ya ivaɗ a? Awaŋ, kataya tsa. Ama ka, dukw bakal na a bets a kwa ya ivaɗ. Aɗaba dukw bakal ata a ge megemir nda dukw ŋgwal ŋa ata, a bets a dər kwa ya. A ge ba kataya ka, na dite kà sərakwa dər lele, naha ka, bakal kaɗəŋ a. Aɗaba Mbulum a tsik məpala ahəm ŋgar ata ka, a sasar na bakal mə pàt aba ndərzayya kamala dukw ana ŋgwal tsa ndeyndey a ya.

RUMA 7:5

Akahər ana kà zazamawakwa madzala gà gər kwa ɗekɗek mba ya ka, məpala ahəm a ɗifewa a kwa dər, naha ka, bakal. Ama i təv ana a ɗifewa a kwa dər kamala taŋa ya ka, kà wayakwa dər akaba mege bakal ata seyiŋ ivaɗ. Gà dukw ata gà ŋgwal ŋa tsiye ivaɗ na ta kwara ba kwa fit kweleŋ a. Kamala taŋa ya, ki gewakwa ka, dukw ana a de à kwe a a məməta ya.

RUMA 7:8

Ama i təv ana kà tsarakawakwa məpala ahəm ata ya ka, bakal a yahawa vatwa i ba kwa, na dite kà dzalawakwa aà mege are aka gà duwa pampam hinne kuɗa ya. Na mege məpala ahəm a riŋ tsəka, bakal tekeɗe, ndzəɗa a ge a ihər tsa.

1 Kurintiya 15:56

Yaw, taŋa məməta a ŋgat ndzəɗa aà mege dukw ana ŋgwal ŋa tsiye a mburma ka, agəra ana ta gewa bakal a. Dite i huɗ mege dukw ata ya tekeɗe, kà sərakwa, naha ana bakal a ka, agəra məpala ahəm Mbulum.

EFESIYA 5:3

Kurum ka, gà mburma Mbulum na kinehe ya. Aɗaba taŋa, kurum ka, ki gwim mezelme nda təv muva, nda mege dukw hwarwa ana pampam a, nda mege are asa tsa. Ka ta fàfəlawum aà dukw ata tsidze.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

1 TESALUNIKE 4:5

Ki ndzwim a nda gà tar ka, kamala meèweke ba kurum ana ŋgwala tsa, dzə̀lùwùwùrwùr a kwere a kurum a tsa. Aɗaba na a gewa kamala taŋa ya ka, gà mburma ana tə sər Mbulum tsiye. Ama kurum ka, ki gwim dər kamala taŋa ya tə tsa.

IBƏRANIKWA 7:19

Aɗaba məpala ahəm Musa ka, ndzəɗa ihər tsa, a sle a aà duwa ilik tsa, na dite mburma ti ne a dər à ba tar ŋgwal ŋa ika miɗ Mbulum a. Ama kinehe ka, duwa ŋgiɗ pam a gekwe a ŋgulum na Mbulum a mbəɗara avukw ŋa ya. Dukw ata ka, kà tikekwa aaka madzala gà gər kwa, na a vile a kwe a dər vatwa, aà mesirikaha a təv ŋgar bise ya.