RUMA 6:7 - Bible Zulgo

⁷ Aɗaba na wura aka mət ka, bakal a sle a aà makwàrà ŋgat asa tsa.

RUMA 6:7 ပူးပေါင်းရင်းမြစ်များ

Mata 11:19

Ama iye, *wur ana a dara i təv Mbulum a, i dara ka, i zəmawa ɗaf, i sawa dukw ana makwàsà ŋa ya, ta gwa aà iye ka: Ama metsehe Mbulum a pèt a aba lele ka, nda təv megemir ŋgar ana a ge a ya.»

RUMA 6:2

Awaŋ, kataya tsa. Aɗaba kà nekwa ika miɗ bakal ka, kamala ana gà məməta ŋa ya. Dite dze ana, meme na ki mèkwe a aà mandza i bakal asa ya?

RUMA 6:8

Ama na kàa matakwa akaba a təv ilik ŋa nda gà Yesuw Kiristi kamala taŋa ya ka, ki sirekwe a ndzer, kwa nda gà ŋgat ka, ki ti ndzekwe a nda gà mesife mbaŋa.

RUMA 7:2

I ɗif a kurum a dər aka gər mendzikiɗe ba məkəs ana i bəra zal ŋgar a. Na bəla zal ŋgar a riŋ nda are mba ka, a viler a vatwa, dite mi miyak à ŋgat, ma da a zal ŋgiɗ tsa, aɗaba məpala ahəm Musa a viler a vatwa tsa. Ama na zal ŋgar aka mət ka, a sle a aà mada a zal ŋgiɗ kuɗa, aɗaba wura a peler a ahəm asa tsa, aka be iɗəm a.

RUMA 7:4

Gà damər gà, i təv kurum tekeɗe, kamala taŋa ya mbaŋa. Kurum mandza ŋa ika miɗ məpala ahəm Musa ka, kamala ana kurum ka, gà məməta ŋa ya. Ama kinehe ka, məpala ahəm ata a ge a ndzəɗa aka gər kurum asa tsa, aɗaba ana Yesuw Kiristi a mət ka, avukw kurum a. Kamala taŋa ya, kà nwim ka, gà biy ŋgar, kamala məkəs ata a ne biy zal masula ŋana ya. Wele ata ka, na Mbulum a mbəlara à ŋgat i məməta ya ya. Aɗaba taŋa, kinehe ka, ki slekwe aà mege a ŋgulum a Mbulum nda megemir kwa ana ki gekwer a ŋgwal ŋa ya kuɗa.

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

1 PIYER 4:1

Kurum kà sərum, akahər ata Yesuw Kiristi aka sèwèreba are ka, hinne. Aɗaba taŋa, kurum tekeɗe, gəsum gəzləŋ i təv mesewere are ya, kamala ŋgat ana a gəs gəzləŋ, a sèwèr are ya mbaŋa. Aɗaba wur ana à sèwèrebe a are a ba ŋgar kataya ya ka, a ta me a aka bakal asa tsa.