RUMA 6:5 - Bible Zulgo

⁵ Kaɗəŋ, na kàa matakwa akaba nda gà ŋgat ka, kwa riŋ mandza ŋa i təv ilik ŋa nda gà ŋgat. Aɗaba taŋa na Mbulum a ta mbil a kwa i məməta ya, kamala ana a mbəl à ŋgat a mbaŋa ya.

RUMA 6:5 ပူးပေါင်းရင်းမြစ်များ

Mata 15:13

I dəba ŋa ya, Yesuw a tsaraka bazlam ata ta màr dər a ka, a live aba à gà Farisa ata ya nda hwife ya, a gwaɗa a tar aaka: «Na bəla hwife ana Mbulum Tsir gà ana i gər ŋa ya a slige tsiye ka, ndzùkwaɗ ndzùkwaɗ ti ti ndzehe a iɗəm a bəɗ a mba.»

Yuhana 12:24

Iye ihər i gweɗe a kurum a nda ndzer, pàrsa iɗəm tsa: Na tàa tike hwife daw ilik a biye tsəka, a ndze a kataya, à sìkèh a tsa. Ama na tàa slige ka, a sliliŋa. Say wur ŋa ata a gwinekiŋa, dite naha a ge a ba, a ge a wur hinne.

2 Kurintiya 4:10

Ti yehe a vatwa aà məbatsa mər kəla pàt, kamala ana ta kəɗ Yesuw Kiristi ya mbaŋa. Ama mìi ndze a nda mesife, na dite mburma ti sir a dər ka, Yesuw ŋgat a riŋ nda mesife hiywe ya.

KULUSIYA 2:12

Aɗaba i təv ana ti tsilwiɓ à kurum a yam a ka, a ne kamala ana tàa le akaba kurum a biye, a təv ilik ŋa nda gà Yesuw Kiristi ya. Dite i təv ana kà dumara i yam a tekeɗe ka, a ne kamala ana kà mbəlum akabara i məməta ya nda gà ŋgat a təv ilik ŋa ya asa mbaŋa, aɗaba ana kàa gəsum ŋgat nda gəzləŋ, ka sərum dər ka, Mbulum na a mbəlara à ŋgat i məməta ya, dite ka sərum dər asa ka, ŋgat na a sle a aà məmbàlà à kurum i məməta ya mbaŋa ya.

KULUSIYA 3:1

Kurum kà sərum ka, kàa mbalum akabara i məməta ya nda gà Yesuw Kiristi ya. Aɗaba taŋa, dzalum ka, aka gà dukw ana i gər ŋa i Mbulum, i təv ŋgar ana ŋgat mandza ŋa iɗəm a ya. Ŋgat ka, a riŋ mandza ŋa ika tsèke ahər mezime Mbulum.