RUMA 6:23 - Bible Zulgo

²³ Aɗaba na wura aka ge bakal ka, à mìt a dər. Məməta ŋgar ata a ne ka, kamala dukw mayaba ŋgar a. Ama Mbulum, ŋgat a vilekwe a ka, mesife ana à ndìv a tsa aà biybiy a, biy taf masakəŋa. Kə̀ ŋgatakwa ka, aɗaba ana kwa mandza ŋa i təv ilik ŋa nda gà Yesuw Kiristi BATSAH kwa ŋa ya.

RUMA 6:23 ပူးပေါင်းရင်းမြစ်များ

Mata 25:46

I dəba ŋa ya, Yesuw a gwaɗa a tar asa mbaŋa: «Ama tar ata ti ta ŋget a mesewere are ana à ndìv a tsa aà biybiy a. Ama gà mburma ana tàa zazam Mbulum nda ndzer a ka, ti ndze a i tar ka, i təv mesife ana à ndìv a tsa aà biybiy a.»

Yuhana 10:28

I vile a ter a mesife ana à ndìv a tsa aà biybiy a, ta mete a tsidze, dite wura a sle aà mekìzelere a tar i ahər gà ya asa tsa.

Yuhana 17:2

Kər kàa viliŋ ndzəɗa aka gər gà mburma tserdze, aɗaba taŋa na i sle a aà məvəla mesife ana à ndìv a tsa aà biybiy a, a gà na kà dziŋ tar a ahər a ya.

Yuhana 3:36

Wele ana aka gəs Kəla Mbulum a ka, aka ŋgat mesife ana à ndìv a tsa aà biybiy a. Wele ana aka dzar zləm tsiye ka, a ŋget a mesife ata tsa, ama matsəɓatsəɓ Mbulum a riŋ a ndze a ika gər ŋgar.»

Yuhana 4:14

Ama wur ana aka sa yam ana i viler a ya ka, yam à kiɗ a ŋgat diydiy asa tsa. Aɗaba yam ana i ta viler a ya ka, a ti ne a kamala biye yam ana ùwaɗ ùwaɗ à ŋgìzere a iɗəm a, a viler a mesife ana à ndìv a tsa aà biybiy a.»

Yuhana 4:36

Wele ana a pele a dukw i bəɗ a ka, a ŋget a dukw mayaba ŋgar daga aà kinehe ya, dite a yehe a gər a gà wur gà duwa. Gà dukw ata tserdze ya ka, kamala megweɗe ya ka, gà mburma ana ta ŋget a mesife ana à ndìv a tsa aà biybiy a. Kərga taŋa ya, gà wele ana a slige duwa, nda wele ana a pele a i bəɗ a ka, ta ŋgeye a ba məma.

Yuhana 5:24

Iye ihər i gweɗe a kurum a nda ndzer, pàrsa iɗəm tsa: Wele ana aka dza zləm a bazlam gà, dite aka gəs Mbulum ana a slərra iye ya asa ka, aka ŋgat mesife ana à ndìv a tsa aà biybiy a. Seriye à gis a ŋgat tsa, aka be aà məməta ya a mesife.

Yuhana 6:27

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

Yuhana 6:40

Dukw ana a sàs a Tsir gà ya ka, araha: Gà mburma ana tàa ŋgetiŋ, a iye, Kəla Mbulum, dite tàa gəs iye nda gəzləŋ tar a ka, ta ŋget a mesife ana à ndìv a tsa aà biybiy a, dite ka, i mbele a à tar i məməta ya, a pat ana gər ahəɗ à ndìv a ya.»

Yuhana 6:68

Simun Piyer a gwaɗar aaka: «Batsah mər ŋa, mìi de a dze ana, a ŋga, mìi zezem a weke asa ya? Kər na kà vəl a mər bazlam ana a vile a mesife a mburma, à ndìv a tsa aà biybiy a.

RUMA 1:32

Tsaatsa tar ka, tə sər məpala ahəm Mbulum ana a gwa: gà ana ta gewa gà medzibe gà dukw ata ŋgwala tsiye ka, say ta ge a ter a ka, seriye məməta pəra na a ze a taraha ya. Ama ku mege kataya tekeɗe, ta ge a dər akaba gà dukw ata pəra. Taŋa ɗekɗek tsa. Ndeyndey ŋa ka, na tàa ŋgat a gà mìsle ŋgiɗ aà mege dukw ata ŋgwala tsiye ka, ti zèmbeɗe à ter a hinne. Ta gweɗe a ter a, kəkaaha, gwim ka, kamala taŋa ya hiywe pəra.

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

RUMA 5:12

Dukw ana a ge ba ya ka, araha: Mburma ilik a ge bakal, dite bakal ata a dara aka gər ahəɗ a. Mimbile i bakal a tekeɗe, nda ahər mburma ilik mbaŋa. Aɗaba bakal ata na mburma ta mete a ya. Kamala taŋa ya, məməta a ndze a, ku mege a ŋga, aka gər ahəɗ tserdze, aɗaba ana tar tserdze tàa ge bakal a.

RUMA 5:17

Kaɗəŋ, mburma ilik a ge bakal, na dite mburma tserdze ta matawa ka, aɗaba bakal ŋgar a. Ama Yesuw Kiristi, ŋgat a ge a megemir ka, pam. Nda ahər ŋgar na Mbulum a ge a kwa ŋgwal ŋa lele hinne, a sər ba à kwa nda gà ŋgat a. Aɗaba taŋa na ki ŋgetekewe a mesife ana à ndìv a tsa aà biybiy a, dite ki ta kwerekwe akaba a nda gà ŋgat asa.

RUMA 5:21

Kamala taŋa ya, ŋgwal ana Mbulum a ge a mburma ya ka, a kwere a tar tserdze, na dite ka, ti ne a gà ŋgwal ŋa ika miɗ ŋgar a. Ar ka, kamala bakal ana akahər ata a ge Əbay aka mburma, dite a bets a tar a mbaŋa. Aɗaba Mbulum a vəl a kwa ŋgwal ŋgar ata ka, na dite ki ŋgetekewe a dər mesife ana à ndìv a tsa aà biybiy a. A vəl a kwa ka, nda ahər Yesuw Kiristi BATSAH kwa ŋa.

RUMA 6:16

Kurum dze ana, kà sərum ti tsiye? Na bəla kàa vəlum ba kurum a wura, ki gweɗwim a, mìi gis ahər a ahəm ka, kàa nwim gà ɓele ŋgar na taŋa ya. Na bəla kurum ihər ki giswim a ahəm aà bakal ka, taŋa ka, kàa nwim gà ɓele bakal dukw ŋgar. I dəba ŋa ya ka, ki metwim a agəra bakal ata. Kige tsa na bəla kurum riŋ ihər ki giswim a ahəm aà Mbulum ivaɗ ka, kurum gà ɓele ŋgar na taŋa ya mbaŋa, dite ka, a ne à kurum a gà ŋgwal ŋa ika miɗ ŋgar.

RUMA 6:21

Dite akahər ana ki gewim dukw ana ŋgwala tsiye dze ana, kə ŋgatum dər là? Na gà dukw ata ta maya a kurumara à gər a kinehe ka, hwarwa a ge a kurum a hinne, aɗaba mege gà dukw ata ka, mburma ta mete a dər ivaɗ.

RUMA 8:13

Aɗaba na bəla ki zezemwim a dukw ana ba kurum a waya ya ɗekɗek ka, ki metwimiŋa. Ama na bəla ki vilwim a vatwa a Mezite Mesife Mbulum a gəzləŋ kurum, ki miyekwim a à dukw ana ba kurum a waya aà mege ya ka, taŋa ka, ki ŋgetwim a mesife ana ndzer ŋa ya.

RUMA 8:38

Aɗaba i sər ndzer, duwa a riŋ na à ses a ikaba kwa nda meweye ŋgar ana a waya kwa ya ilik tsidze. Ku mege məməta ana ki metekwe a ya, kige tsa, mendze kwa ana ki ndzekwe a nda are ya tekeɗe ka, pampam tsa. Ku mege gà gawla Mbulum ana nda Əbay tar, dite nda gà dukw ana tserdze, ndzəɗa tar a riŋ hinne i gər ŋa ya tekeɗe, ti sle a aà mege duwa, na dite ti ses a ikaba kwa ya tsa. Ku mege gà dukw ana ta ge a ba kinehe ya, ndəna a ta ge a ba aka miɗ mba ya tekeɗe ka, ti sle a aà mege duwa tsa mbaŋa.

RUMA 8:39

Ku mege gà dukw ana i gər ŋa i Mbulum gà ndzəɗa ŋa ya, nda dukw ana ɗa i bəɗ a tekeɗe, ti sle a aà mege duwa tsa mbaŋa asa. Kamala taŋa ya, duwa a riŋ ilik ika magər gà dukw ana Mbulum a geye tar tserdze ya, na a ses a ikaba kwa nda meweye ŋgar ana a weye a kwa ya tsidze. Kà sərakwa meweye ŋgar ata ka, aɗaba Yesuw Kiristi BATSAH kwa ŋa.

RUMA 8:6

Aɗaba na wura a dzele a dukw ana ba ŋgar a waya ya ɗekɗek ka, à mìtiŋa. Ama wur ana a dzele a dukw ana Mezite Mesife Mbulum a waya ya ka, Mbulum a viler a mesife ndzer ŋana, nda matasla yam zayya a gəzləŋ ŋgar.

GALATIYA 3:10

Ama gà na ta gweɗe a ka, waytsà mìi ne a gà ŋgwal ŋa ika miɗ Mbulum, aɗaba ana mìi ge a dukw ana məpala ahəm a tsik a mər a ka, mezelme Mbulum ika gər tar. Aɗaba ta wetse i wakita Mbulum ka, ta gwa: «Na wura a zazamawa gà məpala ahəm ana ta wetse i wakita pampam tserdze ya tsəka, mezelme Mbulum ika gər ŋgar.»*fc*

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

YAKUBA 1:15

Aɗaba na meèweke madzala gà gər ata aka rah a gəzləŋ ka, a we a bakal. Dite i dəba ŋa ya, bakal ata aka səkah ka, ki mìt a kuɗa.

1 Yuhana 2:25

Taŋa ka, bazlam mesife ana Kiristi a tsik a kwa i sida ya, a gwa, i ta vile a kwe a ya ka, mesife ana à ndìv a tsa aà biybiy a.

Sunwa Yuhana 21:8

Ama gà na ta ge a magəɗa ya, nda gà na ta gəs bazlam Mbulum nda ndzer tsiye, dite nda gà na gəzləŋ tar manəsa ŋa ya, gà ɓəzla məbatsa mburma nda gà ɓəzla megeye muva, nda gà mèdè, kige tsa, gà na tə zàmbaɗawa à gà fəla tar a, nda gà ɓəzla pàrsa, gà tar ata tserdze ya ka, tì dzèwe a ter a a akwa ana kamala duluv a, a wene a wàfùfùffa ya. I fata kuɗa, na məməta masula ŋa ya.»