RUMA 6:2 - Bible Zulgo

² Awaŋ, kataya tsa. Aɗaba kà nekwa ika miɗ bakal ka, kamala ana gà məməta ŋa ya. Dite dze ana, meme na ki mèkwe a aà mandza i bakal asa ya?

RUMA 6:2 ပူးပေါင်းရင်းမြစ်များ

Luka 20:16

Ama a gwaɗa a tar: «A dehe a ka, a bets a iɗəm gà ɓəzla megemir dizl ɗaf ŋgar ata ya fit, dite à dze aɗəm a gà mìsle ŋgiɗ awiya ŋa asa.» Ama gà mburma ata tə tsaraka bazlam ŋgar ata kataya ka, ta gwaɗar aaka: «Gà dukw ata tserdze ya ka, a ge a ba diydiy tsidze.»

RUMA 5:11

Ama taŋa ɗekɗek tsa. Ki ŋgeyekwe a ba hinne mbaŋa ka, aɗaba ana kà sərakwa ndzer, Mbulum a ndze a nda gà kwa ya. A ndze a nda gà kwa ka, aɗaba Yesuw Kiristi BATSAH kwa ŋana a ne à kwa gà masla ŋgar a.

RUMA 6:15

Ama kinehe ka, kwa i ahər məpala ahəm Musa asa tsa. Kwa ka, i ahər ŋgwal Mbulum ana a ge a kwa ya, na a kwara kwa ya. Dite ki gweɗekwe a dze ana, meme na kinehe ya? Na kataya ana, wànà kà mətsakwa ana, aà mege bakal hiywe pəra ya? Awaŋ, kataya tsidze.

RUMA 7:4

Gà damər gà, i təv kurum tekeɗe, kamala taŋa ya mbaŋa. Kurum mandza ŋa ika miɗ məpala ahəm Musa ka, kamala ana kurum ka, gà məməta ŋa ya. Ama kinehe ka, məpala ahəm ata a ge a ndzəɗa aka gər kurum asa tsa, aɗaba ana Yesuw Kiristi a mət ka, avukw kurum a. Kamala taŋa ya, kà nwim ka, gà biy ŋgar, kamala məkəs ata a ne biy zal masula ŋana ya. Wele ata ka, na Mbulum a mbəlara à ŋgat i məməta ya ya. Aɗaba taŋa, kinehe ka, ki slekwe aà mege a ŋgulum a Mbulum nda megemir kwa ana ki gekwer a ŋgwal ŋa ya kuɗa.

RUMA 7:6

Akahər ata ka, kwa gà ɓele məpala ahəm. Ama kinehe ka, Mbulum aka mbùrùɗara iɗəm kwa ya. Kwa ka, kamala gà məməta ŋa ya, na ika miɗ ŋgar a. Aɗaba taŋa kinehe kwa ihər ki zezemekwe a Mbulum ka, ndaka vatwa ana awiya ŋa ya, kamala ana Mezite Mesife ŋgar a ɗif a kwa dər a. Tsəka, ki zezemekwe a ndaka vatwa miviye ŋa ata, kamala ana mewetse ŋa a riŋ i wakita məpala ahəm ata ya asa tsa.

GALATIYA 2:19

Ama məpala ahəm gà Yahuda ka, aka mbər medzeye à iye. I ne kamala ana iye məməta ŋa ya na nda təv məpala ahəm ata ya, aɗaba a giŋ a ŋgulum ika miɗ Mbulum asa tsa. Ama kinehe ka, Yàa ŋgat mesife ika miɗ Mbulum a. Akahər ata piŋŋe, i təv ana tə ndwandway Kiristi aà dizl magə̀làwà ŋa ya ka, mì mata akaba a təv ilik ŋa nda ŋgat.

GALATIYA 6:14

Iye ka, i ge a zlapa ti tsidze, say i ge a ka, nda məməta Yesuw Kiristi BATSAH kwa ŋana a mət aà dizl magə̀làwà ŋa ata ya ɗekɗek pəra. Aɗaba məməta ŋgar ata ka, dukw gər ahəɗ a ne taf masakəŋa na aà are gà ya. Ar ka, kamala ana tə ndwandway gà dukw ata aà dizl magə̀làwà ŋa ya mbaŋa. Iye tekeɗe ka, i ne kamala wur ana, a mət ahər a fata ka, dite a miyak à dukw gər ahəɗ a mbaŋa.

KULUSIYA 2:20

Kurum kà sərum ka, kàa matum akaba nda gà Yesuw Kiristi a təv ilik ŋa. Kamala taŋa ya ka, gà sitene ta kwere a kurum asa tsa. Assàh, na kataya ana, aàmala na ki ndzwim a kamala kurum gà mburma ana ti zezem a gər ahəɗ a hiywe mba ya? Dite aàmala na ki zezemwim a gà məpala ahəm ata, ta gweɗe a kurum a ka:

KULUSIYA 3:3

Aɗaba kurum kà sərum ka, kàa matum. Ama Mbulum aka mbəlara à kurum i məməta ya. Dite mesife kurum ana awiya ŋa ya tekeɗe, ar ka, makàhà ŋa i təv Yesuw Kiristi i mbulum.

1 PIYER 1:14

Gə̀sawum ahəm aà Mbulum, kamala gà ɓəza ana ta gis a ahəm aà gà tsir tar a. Akahər ata ka, kà sərum dukw ana ndzer ŋa ya zukw tsa. Kà wayum dukw ana ŋgwal ŋa tsiye ka, hinne. Ama kinehe ka, ka tə zazamum gà dukw ata asa tsa.

1 PIYER 2:24

Yesuw Kiristi nda gər ŋgar a zla bakal kwa aka ba ŋgar. Tə ndwandway ŋgat aà dizl magə̀làwà ŋa ka, dite ka, bakal ma kwara kwa asa tsa, kamala ana a kwere a gà məməta asa tsiye mbaŋa. Ama i təv mege dukw ana ŋgwal ŋa ya ka, taŋa kwa riŋ ka, nda gà mesife, aɗaba megìzle ana ta gə̀zl ŋgat, ta ger mbəlak a, na a mbəl à kurum a.*fg*

1 Yuhana 3:9

Na wura aka ne kəla Mbulum ka, a gewe a bakal asa tsa. Aɗaba mesife ana Mbulum a vəlar a ka, a riŋ mandza ŋa i gəzləŋ ŋgar. A sle aà megewe a bakal asa tsəka, aɗaba ana Mbulum aka ne Tsir ŋgar a.