RUMA 5:9 - Bible Zulgo

⁹ Yesuw Kiristi a mət aɗaba kwa ka, a ne à kwa gà ŋgwal ŋa ika miɗ Mbulum nda məmbəz ŋgar ana a dza dər a. Aɗaba taŋa, kà sərakwa ndzer, a ta mbil a à kwa i matsəɓatsəɓ Mbulum ana zləmana a ta gis a kwa ya.

RUMA 5:9 ပူးပေါင်းရင်းမြစ်များ

Yuhana 5:24

Iye ihər i gweɗe a kurum a nda ndzer, pàrsa iɗəm tsa: Wele ana aka dza zləm a bazlam gà, dite aka gəs Mbulum ana a slərra iye ya asa ka, aka ŋgat mesife ana à ndìv a tsa aà biybiy a. Seriye à gis a ŋgat tsa, aka be aà məməta ya a mesife.

RUMA 1:18

Kà sərakwa, Mbulum ana ŋgat mandza ŋa i gər ŋa ya ka, aka ɗif a kwa dər aba ya, a riŋ a ge a matsəɓatsəɓ hinne, agəra gà mburma ana tserdze tì dzer a gurmits a bəɗ tsiye, tar ihər ta fir a aà dukw ana ŋgat a waya ya ka, kamala za ya. Ama ka, a ta ge a ter a seriye. Aɗaba dukw bakal tar ana ta gewa ya ka, ta hə̀ndə̀k dər a vatwa a mburma, aà dite tə sər dukw ana ndzer ŋa ya asa tsa.

RUMA 5:1

Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

RUMA 5:10

Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

RUMA 8:30

Ama gà mburma ata Mbulum a pala tar tserdze, ti ne gà biy ŋgar a ka, a zal a tar mezele mbaŋa, na dite tə dara a təv ŋgar a ya. Gà na a zal a tar a ka, a ne à tar gà ŋgwal ŋa ika miɗ ŋgar mbaŋa. Taŋa ɗekɗek tsa, a dza tar a təv mezlibe ana tì zlibe a à ŋgat a mbaŋa asa.

EFESIYA 2:13

Akahər ata kurum ka, diriŋ nda Mbulum. Ama kinehe ka, kurum mandza ŋa i təv ilik ŋa nda gà Yesuw Kiristi. Kurum ka, diriŋ nda Mbulum asa tsa, aɗaba ana Yesuw Kiristi a dza à məmbəz ŋgar ka, agəra kurum a.

EFESIYA 2:3

Akahər ata piŋŋe ka, kwa tserdze kà gawakwa ɗa ka, kamala tar a mbaŋa. Kì gewakwa ka, gà dukw ana ŋgwal ŋa tsa, a sàs a kwa ya. Kà dzalawakwa ka, aka mege gà dukw ana a da a kwa gər a ɗekɗek. Agəra taŋa na seriye Mbulum a ta gis a kwa zləmana ŋa kamala gà mìsle ŋgiɗ a.

1 TESALUNIKE 1:10

Kinehe ka, kurum ihər ki vevwim a Kəla ŋgar ana à mère a i gər ŋa i mbulum a ya. Kəla ata ka, Yesuw, wele ana Mbulum a mbəlara à ŋgat i məməta ya ya. Ŋgat na a ta beye a à kwa i matsəɓatsəɓ Mbulum ana mandza ŋa ika gər gà ɓəzla bakal a. A ta ge a ka, a pat seriye ŋgar ana aka ndze aɗəm a.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

IBƏRANIKWA 9:22

Akahər ana gà mburma ti tikewa gər a gà məpala ahəm ata ya ka, gà dukw ŋgiɗ a riŋ bagwal ŋa ta barawa ka, nda məmbəz kaɗəŋ. Aɗaba na məmbəz aka dza a bəɗ tsəka, vatwa a riŋ tsa na i təv Mbulum, dite à pìl a à bakal a mburma ya.

1 Yuhana 1:7

Ama na kwa mandza ŋa i təv dzaydzay ŋa kamala Mbulum ana ŋgat mandza ŋa i təv dzaydzay ŋa ya ka, kàa gawakwa ba na taŋa ya. Məmbəz Yesuw Kəla ŋgar ana a dza dər aɗaba kwa ya ka, a bere a gəzləŋ kwa, à pìl a kwa a à bakal ana ki gewakwa ya tserdze.