RUMA 5:8 - Bible Zulgo

⁸ Ama Yesuw Kiristi ŋgat a mət aɗaba kwa, akahər ana kwa gà ɓəzla mene are a Mbulum mba ya. Kamala taŋa ya, Mbulum a ɗif a kwa ka, à meweye ŋgar ana a waya kwa hinne ya.

RUMA 5:8 ပူးပေါင်းရင်းမြစ်များ

Yuhana 15:13

Na wura a dzeye a à mesife ŋgar nda mezìwè gər ŋgar, aɗaba gà masla ŋgar ka, mawàyà ba a riŋ a zè a taŋa tsa.

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

RUMA 3:5

Bəla gà mìsle ŋgiɗ ta gweɗe a: Dukw ana ki gekwe a ŋgwala tsiye ka, à zlèk a mburma, dite tə sər dər ka, Mbulum ka, ŋgwal ŋa lele, bakal a riŋ i təv ŋgar tsa. Dite ki gweɗekwe a ter aaka a ana, dukùla? Wànà ki gweɗekwe a ana, Mbulum ka, mala ndzer tsiye, na i təv ana a ge a matsəɓatsəɓ, à gis a kwa nda seriye ŋgar a? I wiz taŋa ka, kamala ana gà asiŋ gà mburma ta wizewa ya mbaŋa.

RUMA 4:25

Yesuw ka, Mbulum a vəl ŋgat a ahər a mburma, na dite a mət aɗaba bakal kwa ya. I dəba ŋa ya ka, Mbulum a mbəlara à ŋgat i məməta ya, na dite ki nekwe a gà ŋgwal ŋa ika miɗ ŋgar a.

RUMA 5:20

Ama Mbulum a vəl məpala ahəm ŋgar a Musa ka, i dəba ŋa ya dite bakal a səkah aka gà mburma hinne asa ivaɗ. Ama na bakal aka səkah ka, ŋgwal ana Mbulum a ge a ter a tekeɗe, à sìkèh a hinne mbaŋa.

RUMA 5:6

Aɗaba akahər ata piŋŋe ka, kàa ŋgatakwa ndzəɗa aà mege dukw ana ŋgwal ŋa ya tsa. Aləka i dəba ŋa ya, a ndze tits aka məpàslà ahər Mbulum ana a tike ya ka, Yesuw Kiristi a dara, a mət aɗaba kwa ana kwa gà ɓəzla bakal a.

RUMA 5:7

Kà sərakwa ka, kuɗa ihər na wura à gis a məməta aɗaba mìsle ŋgiɗ a, ku mege wele ata aka nəs à məpala ahəm tsa, aka zazam lele tekeɗe ya. Na bəla mìsle ŋgiɗ ŋgat ŋgwal mburma lele ka, biy tsa, wura a gweɗe a, i gis a məməta avukw ŋgat.

RUMA 8:32

Mbulum ŋgat ka, ku mege Kəla ŋgar aka niw dər tsa, ama a miyak à ŋgat, dite mə̀ mət aɗaba kwa tserdze. Na Mbulum aka vəl a kwa Kəla ŋgar seyiŋ ana, kà dzalum ana, a ta vilekwe a gà dukw ŋgiɗ tserdze mbaŋa tsiye?

RUMA 8:39

Ku mege gà dukw ana i gər ŋa i Mbulum gà ndzəɗa ŋa ya, nda dukw ana ɗa i bəɗ a tekeɗe, ti sle a aà mege duwa tsa mbaŋa asa. Kamala taŋa ya, duwa a riŋ ilik ika magər gà dukw ana Mbulum a geye tar tserdze ya, na a ses a ikaba kwa nda meweye ŋgar ana a weye a kwa ya tsidze. Kà sərakwa meweye ŋgar ata ka, aɗaba Yesuw Kiristi BATSAH kwa ŋa.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

EFESIYA 2:7

Kərga taŋa ya, aka ge a kwa dukw ŋgwal ŋa hinne nda ahər Yesuw Kiristi. A ge dər kamala taŋa ya ka, aɗaba a sasar məpàtà dər a gà mburma ana ti dere a a təv ŋgar ika miɗ a, dite na ti sir a dər ka, meme na ŋgwal ŋgar ana a vəl biy taf ka, batsah ŋa hinne, a za gà dukw ana tserdze ya.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

1 TIMUTE 1:16

Naha i tsik taŋa ka, iye mala bakal batsah ŋana seyiŋ. Ama ka, Yàa ndze are tsehe a Yesuw Kiristi. Aka giŋ ŋgwal ŋa hinne. A giŋ ŋgwal ata ka, dite a ɗif a dər a mburma, meme na a gəs gəzləŋ kaɗəŋ a. I ndzer are tsehe ka, aɗaba a sasar aà mimèhe à arəv a mburma. Dite gà mburma ata tə sər ka, na tàa gəs ŋgat nda gəzləŋ ilik ka, ti ta ŋget a mesife ana à ndìv a tsa aà biybiy a aka miɗ mbaŋa.

IBƏRANIKWA 8:3

Mbulum a dza aɗəm gà bàba gà ɓəzla mandəva kuɗa ŋgar tserdze ka, dite ta vəlawar dukw masakəŋana, ta batsawar gà duwa asa mbaŋa. Kamala taŋa ya, batsah mala mandəva kuɗa a Mbulum kwa ata tekeɗe, say a zle a duwa, a vile a a Mbulum mbaŋa.

1 PIYER 3:18

Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.

1 Yuhana 3:16

Aɗaba Yesuw Kiristi ka, a waya kwa. A dara, a dzeye à mesife ŋgar aɗaba kwa. Taŋa na a ɗif a kwa dər ka, meme na ki ta weyekwe a gà damər kwa ana ika vatwa Mbulum a ya. Kwa tekeɗe ka, say vəlakwa mesife kwa aɗaba gà damər kwa mbaŋa.